جميع المواد المنشورة بالمدونة تخضع لقوانين حماية حقوق الملكية الفكرية .. وأي نقل أو إقتباس بدون ذكر المصدر يعرضك للمساءلة القانونية

Wednesday, December 24, 2008

الفنان ابراهيم أحمد

اسمه د. ابراهيم أحمد عبد اللطيف ، تعرفت عليه من خلال الفيس بوك ولقد جذب اهتمامي بشدة مدى حرفيته في الرسم والتلوين بالفرشاة والبراعة في استخدام القلم الرصاص في رسم البورتريهات الكاريكاتورية ، وهو كفنان دليل قاطع على أن فن الكاريكاتير موهبة فردية ولا علاقة بين نوع الدراسة وممارسة هذا الفن ، فهو لم يدرس في أي كلية فنية ولكنه تفوق بأعماله ، وكثيرا ما انادي باتقان الرسم و اتقان استخدام الالوان وادوات الرسم بالنسبة لفنان الكاريكاتير حيث أنه ليس معنى أنه كاريكاتير أن يهمل الفنان التفاصيل التشكيلية التى تمتع المتلقي بصريا
ومن خلال هذا الموضوع ألقى الاضواء عليه وعلى بعض أعماله التي أعجبتني كثيرا
وأتمنى أن تحوز إعجابكم أيضا
:)

بورتريه شخصي بريشة الفنان

10 comments:

Anonymous said...

يا أستاذ ياسر دي مفاجأة حلوة جداً بصراحة ما كنتش متخليها ، البوست دة و الكلام الحلو اللي فيه أنا ما أستحقهمش . ربنا يخليك يا فنان يا كبير و يا ريت أقدر أقابل حضرتك و أوطد الصداقة الجميلة دي اللي شرفتني لأبعد من حدود الفيس بوك
إبراهيم أحمد عبداللطيف

Anonymous said...

فعلا الاستاز ياسر عنده حق.. بصراحة انا بحب مثلا شغل الفنان مصطفى حسين اكتر من اي حد تاني علشان اهتمامه بالتفاصيل .. واعتقد انه الدكتور ابراهيم اخد داه من الفنان مصطفى حسين ربنا يشفيه يارب ... ونشوفك يارب يا دكتور ابراهيم زي عم الكل مصطفى حسين!!
م/احمد العمدة

koukawy said...

انا احترم كل من هو فنان كاريكاتير
و احترم ريشته

ياسر حسين said...

إبراهيم أحمد عبداللطيف
أنت فنان جميل وتستحق كل تقدير وإن كنت لم تأخذ حقك إعلاميا ، ولكنى أرى أنه لا يصح إلا الصحيح وسوف يرى العالم كله اعمالك المتميزة
:)

ياسر حسين said...

م/احمد العمدة
اشكرك على تعليقك
وفعلا في روح من اسلوب الفنان مصطفى حسين الذي يعد مدرسة قائمة بذاتها وتأثر به الكثير من الفنانين
:)

ياسر حسين said...

koukawy
وكل فنان كاريكاتير بيحترم جمهوره اللي بيحترمه
:)

كرم علام said...

الدكتور ابراهيم انسان جميل مش بس فى رسمه لكن فى شخصه ايضا
من اجمل وامتع الناس اللى ممكن تقابلهم ولا يتفوق على جمال خطوطه الا سعة ثقافته واتساع قراءاته
انا عشت معاه سنين طوال فى الكلية وبعدها
تحية لصديقى الجميل والفنان صاحب مدونة كارتونيا اللى قدمه هنا
كرم علام

ياسر حسين said...

كرم علام
أهلا بك
وأشكرك على تعليقك الجميل
واتمنى تكرار الزيارة ومزيد من التعليقات
:)

Mohamed Mukhtar said...

السلام عليكم
بداية أحب أعرفكم بنفسى أنا م/ محمد مختار حامد وسجلت فى الموقع ده مخصوص لسبب واحد.
أنا كنت بقلب فى اليوتيوب عن الرسم وكده يعنى وبعدين أفتكرت المعجزة اللى شفتها فى حياتى وهى متمثلة فى هذا الشخص (إبراهيم أحمد عبد اللطيف) اللى انا ماشفتهوش بقالى أكتر من عشرين سنة بس عمرى مانسيته فدخلت على جوجل وعملت سيرش على الاسم ولقيته فى الموقع ده فدخلت سجلت فيه لما هو كمان عجبنى.
بصوا يا أسيادنا إبراهيم كان زميلى الأنتيم فى ثالتة ورابعة إبتدائى وللأسف كنت أنا أشطر واحد فى المدرسة لحد ما شرف بسعادته مسحنى بأستيكة...
هاحكيلكم عنه شوية
أولاً: هو اللى علم الأبلة نعمات الله يمسيها بالخير غزاى تعرف تحل الكلمات المتقاطعة لما كنا فى تالتة إبتدائى وكان السؤال هو احد رواة الحديث والحل طبعاً هو اللى قاله وكان أبو هريرة
وهو اللى كان بيعلم أستاذ الرسم إزاى يرسم آه والله فى تالتة إبتدائى (معجزة مش كده) وكان بيرسم الكورة بشكل غريب قوى كلها أشكال سداسية مشبوكة فى بعضها وفى الآخر تبقى كورة إزاى معرفش...
وكا بيكتب بالآتى عدوا معايا وصلوا على الحبيب:
1- خط النسخ
2- خط الرقعة
3- خط الثلث
4- الخط الديوانى
5- الخط الكوفى
والله العظيم كل ده فى تالتة إبتدائى ولما كبر كان بيرسم كاريكتير ويبعته الأخبار ومجلة فلاش...
وكان فى الشطرنج حكاية هو اللى حاول يعلمنى إزاى أمسك قلم وفرشة وأرسم وألون والحمد لله فشلت فشل ذريع....
يا ريت بقى أى حد يوصلنا ببعض وينوبه ثواب وندى لهذا الشاب المعجزة حقه اللى ماأخدهوش وهو صغير علشان هو وحشنى جداً ويقوله إنى لسه محتفظ بالبورتريه اللى رسمهولى غيابى وإحنا لسه عيال ومغلف الورقة دى ولسه معايا لحد النهارة...
الإيميل بتاعى هو:eng_m_mukhtar@yahoo.com

Anonymous said...

بداية أشكر الفنان الكبير ياسر حسين لأنه أتاح لي فرصة أن ألتقي بصديق طفولتي و صبايا مهندس محمد مختار حامد و كانت تدوينة الأستاذ ياسر حسين بعد فضل الله عز وجل سبب في أن ألتقي هذا الصديق العزيز الذي أشتاق إليه كثيرا
شكراً مرة أخرى
إبراهيم أحمد عبداللطيف