جميع المواد المنشورة بالمدونة تخضع لقوانين حماية حقوق الملكية الفكرية .. وأي نقل أو إقتباس بدون ذكر المصدر يعرضك للمساءلة القانونية

Tuesday, November 13, 2007

أسامة أبوالخير


اضغط على الصورة للتكبير

عودة للبورتريه
يبدو أن حمى رسم البورتريهات قد اصابتني فبعد أن كنت قد تصالحت مع نفسي وأعلنت أمام نفسي وأمام الجميع أنني لست فنان بورتريه وجدتني اقوم برسم العديد من البورتريهات وأتعايش مع الألوان المائية التي عشقتها منذ الصغر وأعتقد أن النتائج أتت جيدة
أسامة أبوالخير
هو اسم صاحب هذا البورتريه .. صحفي شاب من محافظة قنا يحمل الملامح المصرية الصميمة وتفاصيل الوجه الواضحة التي تحرض على رسمها .. وهو صحفي زميل لي في نفس المجلة التي أعمل بها وآراه كل يوم ولقد لفت نظري مصور المجلة إلى ملامح أسامة وما تحمله من وضوح في التفاصيل وأن وجهه يشبه وجه الفراعنة حتى وجدت نفسي أقوم برسمه وقمت أيضاً بعمل فيلم قصير لمراحل الرسم بمصاحبة موسيقى عازف الجيتار الشهير جو سترياني كما رفعت الفيديو أيضاً على اليوتيوب أرجو أن ينال إعجابكم

video

9 comments:

حبة حاجات (ايمان) said...

وايه المانع تكمل موهبتك دى

اتمنالك التوفيق والمزيد من النجاح والبورتريهات

تحياتى

اسكندراني اوي said...

انت تقول اللي انتي عاوزه يا باشا بس الفرشه والالوان تكدب الغطاس
ههههههههههه

جميله روسوماتك البورتريه
عقبال ما ترسم نفسك انت بقى خلينا حتشوفها ازاي
يلا يا عم عطيتك اهه فكره البورتريه الجديد
اي خدمه

تحياتي

الصقر الجارح said...

تسلم ايدك
جميل قوى
مستنيك عندى بقالك كتير مجاتش

لماضة said...

جميله طبعا والفيديو اخراجه حلو
عجبنى قوى توزيع الالوان وظلها

ftafeet said...

حلو اوى اوى بجد ليه يعنى كنت بتقول انك مش هاترسم بورتريهات تانى لا حرام ده كله يستخبى ولا ايه؟؟؟؟

تقبل مرورى
اختك فى الله فتافيت

Sarah Daw said...

يسلم أيدك و ريشتك

بجد جامده

ها ناوى تعمل معرض أمتى و تدعونا

ياسر حسين said...

حبة حاجات (ايمان
الموضوع وما فيه أنني من محبي التخصص وأرى أن هناك فنانو بورتريه أكثر مني إحترافًا ولكن هذا لايمنع انني غذا ما وجدت وجوه تدفعني إلى رسمها أن اقوم برسمها

اسكندراني اوي
لو بصيت يمين اسفل المدونة هتلاقيني راسم نفسي من زمان في غعلان منتديات ياسرتوون وهي متوقفة حالياً للصيانة

الصقر الجارح
أشكرك على تعليقك
أنا بالفعل بأزور مدونتك لكني باعلق على الموضوعات التى أجدأن تعليقي قد يضيف شيء

لماضة
أنا سعيد بتذوقك للفن وتفاصيله

ftafeet
مرحبا بيكي في كارتونيا
أنا مقولتش أني مش هأرسم بورتريه تاني أنا قلت أني مش فنان بورتريه يعني مش تخصصي لكن لا مانع من فترة لأخرى الواحد يشخبط له بورتريه
:)

Sarah Daw
فنانة الديجيتال ديزاين
أتمنى طبعاً أني أعمل معرض ولكن كل شيء بآوان وسوف تكوني أول المدعويين
إن شاء الله

خالص تحياتي وشكري للجميع

Sarah Daw said...

بجد الفيديو ده مين آللى مصوره لك ... ده تحفة موووووووت
و طريقة التصوير جامده موت بروفيشنال

زى ما اللوحة كمان جامده

أكيد فنان زيك آللى يعرفهم كمان آكيد فنانين

ياسر حسين said...

Sarah Daw
الفيديو صنعة إيديا وحياة عينيا
:)
جميل أنه عجبك يا فنانة
خالص تحياتي