جميع المواد المنشورة بالمدونة تخضع لقوانين حماية حقوق الملكية الفكرية .. وأي نقل أو إقتباس بدون ذكر المصدر يعرضك للمساءلة القانونية

Tuesday, July 29, 2008

أحاول ولا أستطيع

أكرمني الله سبحانه وتعالى وأنعم عليا وأصبح معي من المال ما يكفيني ويقضي احتياجاتي ، وذلك بعد سفري للخارج ورحلة مع الغربة بدأت منذ أربعة سنوات ومازلت أسير إلى وقت أن يشاء الله فأعود إلى مصر المحروسة .. أعتدت منذ بداية الرحلة على ألا أغيب عن مصر أكثر من ستة اشهر حتى لا أنقطع معنويا واجتماعيا عنها .. وأحاول أن استمتع بحياتي عند نزولي أجازات سريعة إلى مصر ولكن مع الأسف أحاول ولا أستطيع ... ممكن حد يقول دلوقت : بقى الجدع ده مسافر بره ومعاه فلوس ونازل مصر يتفسح ومش عارف يستمتع!!؟
أرد وأقول لك أيوه .. وذلك للأسباب التالية
لما بأزور أي مركز تجاري ضخم من اللي ملوا البلد واشوف آلاف البشر بتشتري وتصرف بالآلاف بأحس إن مصر مفيهاش مشاكل وإن حكاية الاسعار اللي عليت دي اشاعة وناس بتحقد على الحكومة هي اللي بتروج لها
لكن لما أشوف بعيني ناس بتدور على اللقمة في وسط الزبالة .. بالله عليكم ازاي يجي لي نفس استمتع ولا أعيش حياتي وفي ناس غلابة كتيير مش لاقيه اللقمة الحاف
محتاجين وقفة مع أنفسنا
اللي عنده هدوم ضاقت عليه ولا شايف إنها مش على الموضه يتبرع بيها للي محتاجها
واللي مش عاجباه لقمة عيش إكمنها بايته ولا مش طازة قبل ما يرميها يفكر في اللي مش لاقيها
ولو رماها يحطها في كيس بلاستيك لأن فيه اللي ممكن ياكلها
واللي عنده عفش قديم بدل ما يبيعه لبتاع الروبابكيا أو يرميه يتبرع بيه لشاب عايز يتجوز ومش معاه فلوس يفرش شقته
أنا لا أدعي أني بأدعو لحملة اصلاح ولا حملة تبرع أنا بأعرض وجع حسيت بيه خلاني بالفعل مش قادر أستمتع بحياتي حتى مع توفر الماديات
وأعتقد إن الكاريكاتير اللي مع الموضوع ده ممكن يكون عبر عن جزء من اللي جوايا
في انتظار رأيكم

Sunday, July 27, 2008

الاختفاء سيد الأدلة


اصدقائي الاعزاء
أختفيت فجأة دون أن أنوه كعادتي على أنني سوف أقوم بأجازة وأنزل إلى
مصر المحروسة ، ولقد كان هذا الاختفاء هو سيد الأدلة
على المحبة المتبادلة بيني وبين رواد كارتونيا الاعزاء
فلقد أرسل لي الكثيرين يسألون عن سبب الاختفاء
وهناك العديد من التعليقات التي تسأل عن السبب
وهو بمنتهى البساطة أني خطفت عشرين يوم في السريع المريع
وريحت نافوخي شوية من النت والشغل علشان اقدر أواصل العطاء
أخص بالشكر على سبيل المثال لا الحصر
شاه ، عاليا حليم ، أمل عبد الحكيم ، ايمي ، الفنانة التشكيلية أسماء الأمين ،
فنان البورتريه الواعد عبد الرحمن أبو بكر
لأهتمامهم واتصالهم بي
كما أخص بالشكر كلا من
الفنان نجم التلفزيون ايهاب فهمي لاهتمامه واتصاله بي والترحاب بي فور وصولي لمصر بالرغم من انشغاله بتصوير اعمال رمضان
والفنان النجم خالد الصاوي الذي بالرغم من سفره وانشغاله بالتصوير وقت نزولي القاهرة إلا أنه أرسل رسالة موبايل مشكورا
والآن أكتب إليكم من الكويت بعد عودتي من مصر
اشكركم جميعا
خالص تحياتي

Tuesday, July 1, 2008

حفلات النجوم جنون في جنون

حلقة جديدة من برنامجي شخابيط
هذه الحلقة من إعداد الصحفية أمل عبد الحكيم