جميع المواد المنشورة بالمدونة تخضع لقوانين حماية حقوق الملكية الفكرية .. وأي نقل أو إقتباس بدون ذكر المصدر يعرضك للمساءلة القانونية

Tuesday, July 1, 2008

حفلات النجوم جنون في جنون

حلقة جديدة من برنامجي شخابيط
هذه الحلقة من إعداد الصحفية أمل عبد الحكيم

23 comments:

ناجي العلي 2000 said...

فيلم معبر يا استاذ ياسر

المشكلة الحقيقية مش في التربية والبيوت وبس .... انا شايف ان المشكلة ابعادها اكبر من كدة

ببساطة

)))) نحن نفقد هويتنا كعرب (((((

هاسئلك سؤال بسيط ..... يعني اية عربي؟؟
بصراحة انا سألت نفس السؤال لنفسي ... ولقيت الاجابة محرجة جدا

تعال شوف كدة ... هتلاقينا بنتخلي عن كل ما هو حضاري في مجتمعنا المحافظ ... وبنستبدلة بتقاليد مشوهة من الغرب بدون ادني تفكير

بصراحة ... اصبحنا - مسخ - للغرب
مسخ مشوه الخلقة ... معدوم المعالم

مواطن مصرى نايم said...

الله ينور
بجد جمييييييييييل
جدا
احسن كمان نت الحلقة اللى فاتت
يا رب من تقدم لتقدم دايما
تحياتى ليك يا فنان
و للاستاذة امل
eslam

عاليا حليم said...

بصرف النظر عن فقعة المرارة بتاعة بطئ اليوتيوب الحلقة عجبتنى و اراك كاداء صوتى مذيع جيد
و واضح ان امل عبد الحكيم عملت مجهود فى تجميع و اعداد الحلقة لها كل التحية

نيجى باه للموضوع

الحكاية دى موجودة من ايام عبد الحليم لو تفتكر البنات الى انتحرت

كنت فاكرة لحد قبل ما يظهر تامر حسنى ان الكلام ده انتهى خلاص و الناس بقت اكثر وعى و البنات بقت اكثر رزانة لكن اتضحلى ان الجنان ده لسة قائم و بصراحة مش عارفة سببه ايه انا مش متخيلة مهما وصلت درجة اعجابى بفنان حتى لو الاعجاب تحول لحب وهمى و نظرتله نظرة فتى الاحلام انى اجرى اترمى فى حضنه و اصرخ و اعمل الفضايح دى
مش فاهمة البنات دى بتعمل كده ليه بصراحة
ممكن يكون فعلا اتربوا تربية مدللة تدليل زيادة عن اللزوم اعتقد ده اكثر سبب ممكن يقنعنى

تحياتى

أمل عبد الحكيم said...

السلام عليكم
متعرفوش قد ايه فرحتى ان الاعداد عجبكم واكيد الىل ضافلوا كتير هو تقديم الاستاذ ياسر مرسى ياناجى ومرسى لمواطن مصرى نايم
انا امل من غير استاذة
عاليا شكرا اوى على كلامك وكفايه تعبك انك استحملتى اليو تيوب
وانشاء الله حلقات الاستاذ ياسر كلها تعجبكم

Amy said...

لو فضلت احكي نص ساعة مش هقدر اوصف الحلقة عجبتني قد ايه
اول مرة في حياتي ابهر بحاجة من اول سطرين اتقالوا فيها. بجد يا امل انتي و ياسر عملتوا شغل مالوش حل في الروعة
بالتوفيق دايما و تمتعونا كل مرة بحلقة افضل و افضل

ayman badr said...

فيلم هادف جدا ومعبر وبيطرح قضية خطيرة جدا
وأنا من رأيى إن اللى بيحصل ده بسبب غياب التربية فى البيت وغياب الوازع الدينى والفراغ والتغريب والغزو الثقافى اللى بنتعرض ليه كشباب
دمت مبدعا
تحياتى

مواطن مصرى نايم said...

فينك يا فنان
مختفى ليه

أمل عبد الحكيم said...

السلام عليكم
انا مش هقدر اقولكم
انا قد ايه فرحانه بكل حرف اتكتب هنا للاستاذ ياسر او ليا
ومش هقدر اشكركم على كل ثانيه قعدتوا تتفرجوا على اللى احنا عملناة
وانشاء الله المزيد من التقدم لينا كلنا
واستاذ ياسر فى اجازة وقريب هيرجع انشاء الله

S H A H said...

انا طلعلي البوست فاضي

اظاهر انها يوتب - معمول بلوك عندي عليه

يبيله زيارة بقى في البيت ان شاء الله

koukawy said...

سبحان الله ده توارد خواطر بقي انا لسه من 10 دقايق قبل ما ازورك كاتبه بوست عن نفس الموضوع
و اسمحلي انا هحط الحلقه بتاعتك لينك عندي مع الموضوع

نعكشة said...

هوه حكاية اعجاب بالفنان و اعتبارة فتي احلام موجودة من زمان علي أيام عبد الحليم
بدليل البنات اللي انتحرت لما مات و حاجات غريبة كدة

بس طريقة التعبير إليي زادت دلوقتي
نتيجة قلة الحياء و بقة كل حاجة ايزي تتعمل في العلن يعني يلا بقت هيصة

عالم ربنا يهديها
و يهدينا

دمت سالم

سلامٌ عليك

ياسر حسين said...

ناجي العلي 2000
فعلا احنا اصبحنا كوكتيل
:(

ياسر حسين said...

مواطن مصرى نايم
أنا سعيد إن البرنامج عجبك
:)

ياسر حسين said...

عاليا حليم
أشكرك يا عاليا على تعليقك
فعلا البنات دول محتاجين إلى إعادة نظر تربويا
:)

ياسر حسين said...

أمل عبد الحكيم
أشكرك يا أمل على الاعداد المتميز وتجميع الصور اللي أثرت البرنامج
وأتمنى أن يدوم التعاون بيننا ونقدم حلقات جديدة تلقى نفس الاستحسان
:)

ياسر حسين said...

Amy
أنا سعيد برايك ده يا ايمي
وإن شاء الله القادم يعجبك
:)

ياسر حسين said...

ayman badr
هو مش فيلم يا ايمن
ده برنامج صغير كده على قد الحال
وأنا سعيد أنه عجبك
:)

ياسر حسين said...

مواطن مصرى نايم
أنا كنت في أجازة ولسه راجع أهوه
:)
أشكرك على السؤال

ياسر حسين said...

S H A H
أكيد معمول له بلوك
شاهد وقول لي رأيك
:)

ياسر حسين said...

koukawy
ده شرف ليا أنك تحطي لنك للموضوع عندك
:)

ياسر حسين said...

نعكشة
اصحاب العقول في راحة
بقى في حد عاقل يموت نفسه علشان مطرب مات
دي محصلتش لما مات الانبياء
إن حد انتحر علشان نبي مات
:(

S H A H said...

الحلقة شفتها

والحلقة الجديدة معادها فات

و انتي مختفي اختفاء غريب الفترة دي

لعل المانع خير ان شاء الله يا ياسر

احتمال تكون في مصر؟!؟؟

الدنيا هنا ولعت نار و حر اليومين دول

ياسر حسين said...

S H A H
حبيب قلبي انا بالفعل كنت في مصر
ولسه راجع امبارح بالليل
اشكرك جدا على سؤالك واهتمامك
:))