أصدقائي الاعزاء .. كل عام وأنتم بخير بمناسبة حلول شهر رمضان الكريمربنا يجعله لنا جميعا عتقا من النار ومغقرة من الذنوب ووقفة لمراجعة النفس ,وتنقية الأجواء مع الآخرين
أعرض عليكم هنا موتيفتين من أشهر الموتيفات التي قمت برسمها منذ سنوات لموقع اسلام اون لاين دوت نت
وكانت عن موضوع اشكال الفوانيس المبتكرة فنرى على اليمين فانوس بناتي وعلى اليسار فانوس ولادي
مع الأسف هذه الرسومات قد تم الاستعانة بها في اكثر من موقع ومدونة ، منهم من قام بحذف توقيعي ومنهم من ترك توقيعي على الرسم
أرجو من اي صديق يقوم باستخدام هذه الرسومات عدم حذف توقيعي من عليها حرصا على حقوقي الأدبية
ولكم خالص تحياتي
رمضان كريم
:)
تحديث
أقفش .... كده من أولها
بالصدفة البحتة وأنا باقلب ع النت لقيت بنر لموقع اسمه شباب رايق ومش هأحط اللنك علشان ميبقاش دعاية ليهم
ولقيت الفانوس بتاعي في وسط التصميم وكالعادة محذوف توقيعي من عليه
تقريبا السرقة حرام في رمضان .. بس احتمال الاقتباس يكون فيه آراءاخرى
:)
17 comments:
ايه ده انا لسه معلقه على الفيس بؤ على نفس الصورة
طيب انا بحب الفانوس الولادي اكتر
مش عارفه ليه ميول صبيانيه باين
كل سنه وحضرتك طيب
رمضان كريم
اللهم بلغنا رمضان و اعنا على صيامه و قيامه و اجعلنا من عتقائك من النار في هذا الشهر الفضيل
امين
أختكم
عبير عبد الشافي صاحبة مدونة طهقانة و كلبوزة لكن سمباتيك
اللهم بلغنا رمضان و اعنا على صيامه و قيامه و اجعلنا من عتقائك من النار في هذا الشهر الفضيل
امين
أختكم
عبير عبد الشافي صاحبة مدونة طهقانة و كلبوزة لكن سمباتيك
لماضة
لا ميول صبيانية ولا حاجة
هو بالفعل شكله الطف
:)
كل سنة وانتى طيبة
bastokka طهقانة
عبير عبد الشافي صاحبة مدونة طهقانة و كلبوزة لكن سمباتيك
:)
آمين
الاولادى تحفه ..
بجد سلم ذوقك يا اخى
تصميم روووعه ..
وكل عام وانت بخير وبصحه ..
مدونه تحفه واسمحلى اتابعها دائما
تحيتى لك :)
و لا يهمك حقك محفوظ لأن قلمك و خطوطك مميزه
مش محتاجه اسمك عليها عشان نعرف انها ابدعاتك
و دي مش مجامله صدقني
و رمضان كريم و ادعيلي في التراويح متناسنيش
ضى القمر
أشكرك على تعليقك
وأهلا بيكي دائما في كارتونيا
:)
-----------------------
koukawy
الله يحفظك
ده بس من ذوقك ولأنك متذوقة جيده للفن
وإن شاء الله أدعيلك
:)
خالص تحياتي للجميع
طيب عمو عمو عموووووووو
انا حاوزة فانوص بردووووو
علي فكره ممكن يكونوا عملوا سيرش علي فانوس و اخدوا الصوره و اكييد مش هايخدوا بالهم انه في كوبي رايت .. :) عديها يا باشا رمضان كريم
مستنيين ابداعاتك
ياسر باشا بص بصه هنا و قوللي ايه رأيك
http://hosny-hassnaa.blogspot.com/
أسأل الله الذي لن تطيب الدنيا إلا بذكره
ولن تطيب الآخرة إلا بعفوه
ولن تطيب الجنة إلا برؤيته
أن يديم ثباتك ويقوي إيمانك وصحتك
ويرفع قدرك ويشرح صدرك
ويسهل خطاك لدروب الجنة
وأن يجعلك من عتقائه من النار
ومبروك عليك شهر رمضان
Hassnaa
ما أنا قايل قبل كده اللي عايز يستعين بالرسم ميشيلش التوقيع
عموما .. الله يسامحهم
أنا زرت مدونتك .. مجهود جيد
:)
خالص تحياتي
نهر الحب
جزاك الله كل الخير على هذا الدعاء الجميل
وإياكم إن شاء الله
:)
خالص تحياتي
سبحان الله
افتكر اني كنت لسه بتكلم معاك في الموضوع ده
تحياتي
يعني
دم مش شطاره منهم أو نصاحه لأن الرسم بصراحة سئ جداً وساذج جداً وخطوطه فقيرة جداً لاتناسب إنسان دارس للفنون الجميلة و يوضح مدى إفتقارك للأسف لخيال الفنان
حاول رسم أفضل من ذلك بكثير ولاتكن اسير الشكل التقليدي للفانوس ولكن لا تخرج عن الموضوع
فهل كل مفهومك عندما ترسم فانوس ولادي وفانوس بناتي هي العينان والشفاه في التفرقة بينهما
اذاا كانت تلك كل امكنياتك ,فكتر خيرك لحد كده.. وتصبح مسالة إمكانيات
ربنا يوفقك
ناقد فني
تامر حسين
عادي يا تيمو مش أول مرة تحصل
:)
خالص تحياتي الأخوية
Anonymous
أو الناقد الفني كما وقعت في نهاية تعليقك
اشكرك على نقدك البناء فبالفعل أنا أعتبر نفسي اقل الفنانين امكانيات وأحاول باستمرار أن احسن من اسلوبي في الرسم وهذا الرسم قمت برسمه منذ سيعة سنوات تقريبا وهذه كانت امكانياتي الفقيرة كما وصفتها وقتها وأعتقد إن أعمالي الجديدة أفضل ولو بدرجة بسيطة علاوة على ذلك أنا لست خريج فنون جميلة ولله الحمد
أنا خريج كلية التربية النوعية للفنون والموسيقى - جامعة القاهرة - قسم التربية الفنية .. ولي الشرف
ورجاء يا عزيزي الناقد الفني
أكتب أسمك في المرات القادمة
حتى أشرف بك
خالص تحياتي
Post a Comment