جميع المواد المنشورة بالمدونة تخضع لقوانين حماية حقوق الملكية الفكرية .. وأي نقل أو إقتباس بدون ذكر المصدر يعرضك للمساءلة القانونية

Monday, March 30, 2009

أبو بلاش

هناك جملة شهيرة تقول أبو بلاش كتر منه ، وهي تدل على أن أي شيء تستطيع الحصول عليه مجانا يجب أن تغتنم هذه الفرصة وتحصل على أكثر قدر منه.. لا لشيء سوى أنه ببلاش حتى ولو كنت لا تحتاجه ، سبب هذه المقدمة بمنتهى البساطة موقف حصل لي شخصيا ولا أدري هل الخطأ مني أم في الطرف الآخر ، لذلك سوف أعرضه عليكم ، طلب مني أحد الاصدقاء على النت أن أرسم له كاريكاتير بشكل دوري لمجلة تصدر على النت ، فلم أمانع .. وأتبعت عدم ممانعتي بالقيمة المادية التي أحصل عليها مقابل الرسم الواحد بالجنية المصري أو ما يعادله بالدولار الأمريكي ، ويبدو أن وقع هذا الكلام قد جاء على غير ما كان يتوقع الطرف الآخرفأنهى الحوار بدون اي تعقيب.. فعلى ما يبدو أن البعض يعتقد أنني حين أضع بعض رسوماتي الكاريكاتيرية على المدونة أو على الفيس بوك فمعنى ذلك أنها مجانية ، أو أنني أرسم لمجرد الهواية .. نعم الفن هوايتي ولكنه أيضا مهنتي التي أتكسب منها ولا عيب في ذلك ، فهل هناك خطأ ما لا آراه هو الذي تسبب في وصول انطباع أنني أعمل مجانا للناس أم أن الامور واضحة للناس وهم يحبون أن يتبعوا مبدأ أبو بلاش كتر منه
يهمني رأيكم
:)

16 comments:

Unknown said...

هو حتي لو شك انك بتشتغل مجانا يبقي المفروض كان يسألك عن ده عشان يتاكد قبل مايطلب منك انك ترسم

Unknown said...

الناس دلوقتى اصبح لديها عادة غريبة تتوقع منك ان تجاملهم بسب وبدون سبب تحياتى

هوندا said...

ثقافة الملكية الفكرية والعمل الحر غيري موجودة عن بعض الناس
فمجرد أن يروا أعمالك أونلاين يبقا كل شىء ببلاش ومش عايز يكلف نفسه فلوس ويمكن يستفيد ماديا هو منها كمان

رحلتنا في الحياة said...

كلام حضرتك صحيح انا اخويا بيشتغل فى صيانة الكمبيوتر وللاسف علشان مرة ولا اتنين كان بيعمل صيانة للمعارف من غير اى مقابل اتعودوا على كده لدرجة بيكون فى قمة التعب والارهاق وبردو يتصلوا بيه علشان يروحلهم يشوف الكمبيوتر ولا كن اشتروه

Yasser Hussein said...

esraa
المفروض .. لكن نقول أيه
:)

Yasser Hussein said...

ايوية
حتى ولو جاملتي مرة والتانية
هتلاقي المجاملة دي بقت حق مكتسب
ولو مجاملتيش .. بيزعلوا

Yasser Hussein said...

هوندا
مشكلتنا الحقيقية الخلط بين العمل والعواطف والمجاملات
منطقيا واحد لا اعرفه ولم آراه حتى
ومنتظر مني أن أجامله وأن أقوم له بالعمل مجانا
:)
بالذمة مش حاجة عجيبة

Yasser Hussein said...

ايوشة
أنا لو من أخوكي أقف وقفة مع الموضوع ده
لأن المثل بيقول إذا كان حبيبك عسل متلحسوش كله
مش تحط عليه طحينه وتاكله
:)))))

AHMED SAMIR said...

طبعا هي وظيفتك و مصدر رزقك
ولابد ان تتكسب من مهنتك
الا اني اعتقد ان صاحب المجلة الالكترونية اعتقد انك ستعمل متطوعا على اساس ان المجلة مجانية
اعتقد انه سوء تفاهم وان كان انتما الاثنان على حق
تحياااتي

Yasser Hussein said...

A.SAMIR
طيب ليه لم يعقب وقفل المحادثة ع الماسنجر واختفى للأبد
:)
مش كان أولى أنه يشرح وجهة نظرة اللي تفضلت وشرحتها ولا يقفل السكة

خالص التحية

دكتور علاء رفاعى said...

انا مش معاك يا بو الكباتن.. لأنك ممكن تنشر فنك وعليه امضائك.. ويمكن تضرب معاك وتلاقى حد بيتصل بيك من امريكا وعايز يشوف شغلك..فيه لوحة رسمها صديق لى على المدونة عن فتح وحماس قوللى رأيك
www.allarefay555.blogspot.com
يا ريت تزورنا
دكتور علاء رفاعى
استشارى الجراحة

Yasser Hussein said...

دكتور علاء رفاعى
مرحبا بك في كارتونيا
مع احترامي لرأيك
أنا ميهمنيش إن حد يتصل بيا من أمريكا ويطلب مني شغل
علاوة على ذلك أنا لي موقعي الرسمي
اللي باعتبره نافذة للعالم على شغلي
خالص التحية
:)

koukawy said...

هو كان المفروض يبقي واضح و صريح
و يسألك

مواطن مصرى نايم said...

انا حعلق هنا و بعدين اعلق عالبوست الجديد

انا من رأيى ان طلبة فيه عشم زياده عن اللزوم
يعنى ممكن كان يطلب رسمة مثلا
لكن بشكل دورى و منتظم
مش معقول حتسيب شغلك و تعمل حاجة ممكن تعطلك

بس انا ديما بلاحظ فكلامك يا فنان
انك بيبقى ردك صريح جداااا
الناس مش عاوزة كده

يعنى اكيد انت حسيت من كلامة فالبداية انه ناوى على ابو بلاش
فكنت تجهز حتقول ايه

مثلا و الله شغل المجلة واخد وقتى كلة
و كمان فى كذا و كذا
فمش حقدر اوعدك بكده

بس اولا و اخيرا حقك ترد بأى طريقة

تحياتى

Yasser Hussein said...

koukawy
عندك حق ..لكنه أنهى احوار ع الماسنجر من غير حتى مايقول سلامو عليكووو
:)

Yasser Hussein said...

مواطن مصرى نايم
أنا عادة ما باعرفش اذوق الكلام خاصة في الشغل
في حالة ما بيتحول الفن إلى عمل باتجرد من شخصي كفنان وباتحول إلى مدير أعمالي اللي بيتفق على ده بكام
:))
ومبعرفش أكذب واقول مش فاضي
لأن أحيانا بيكون عندي وقت أقوم بأعمال أخرى غير المجلة
ولكن مع الاسف الناس مش بتحب الصراحة
خالص التحية