جميع المواد المنشورة بالمدونة تخضع لقوانين حماية حقوق الملكية الفكرية .. وأي نقل أو إقتباس بدون ذكر المصدر يعرضك للمساءلة القانونية

Monday, July 20, 2009

الشيخ سيد حمدي

اضغط على الصورة للتكبير
كلما طل علينا عبر شاشة التلفاز أتعجب وأقول سبحان الله له في خلقه شئون ، تتصل به الست فلانه والست علانه تسأله عن تفسير حلمها ليجيب بسرعة وباتقان شديد بالتفسير ويتبعه بقراءة مجودة لبعض الآيات التي تدعم تفسيرة وطبعا كل هذا من وقت البرنامج ومن وقت المتصلة التي تظل على خط التليفون والعداد عمال يعد فاتورة التليفون عند المتصل وفاتورة البرنامج طبعا اللي شغاله الله ينور
ومن الطريف مؤخرا أن تبدأ السنيورة مقدمة البرنامج بان تقص علينا حدوتة من حواديت أحلام المشاهير على سبيل المثال حلم المأسوف على شبابه يوليوس قيصر وبعدها تقول : ودلوقت الشيخ سيد هيحكي لنا قصة الحلم ده أيه ، ولا أعلم علاقة الشيخ سيد بيوليوس قيصر ربما نكتشف مؤخرا أن أحد اسلافه عاصر يوليوس قيصر وعمل مفسرا لأحلام القياصرة في الزمن السحيق
بدأت شهرة هذا الرجل بعد أن فسر للفنان الراحل علاء ولي الدين رؤية تدل على رحيله عن الدنيا ، بعدها ظل يظهر في كل البرامج متحدثا عن تفسيره لهذه الرؤية التي تحققت ، أنا نفسي أعرف لحد امتى الناس هتفضل نايمة ومكشوف عنها اللحاف وعماله تحلم وتدور عن اللي يفسر لها احلامها ، يا ريت الناس تصحى وتحلم برضه لكن تحلم أحلام تنفعها وتنفع البلد ومستقبلها ومستقبل عيالها بدل اللي بتتصل وتقول أنا شفت في الحلم صندل واللي حلمت بسنجاب عضها في قفاها
رسمت الشيخ سيد حمدي لأنه بصراحة تقسيمة وجهه وتعبيراته تحرض ريشتي على الرسم وأضيف على ذلك أن تقسيماته على المتصلين تحرض قلمي على الكتابة ... والله أعلم

16 comments:

Anonymous said...

هذه هو ما يسمونه الضحك على الذقون
لإلغاء عقول الناس
ثانيا:

وضعت رابط يضم 300 موقع ثقافى و أدبى على مدونتى

http://shayunbiqalbi.blogspot.com/2009/07/blog-post_23.html

أتمنى أن يحوز اعجابك
وترسلها لاصدقائك

Tadwina said...

مرحبا / ياسر
لقد قام أحد المعجبين بمدونتك بإضافتها إلى تدوينة دوت كوم، بيت المدونات العربية.

قام فريق المحررين بمراجعة مدونتك و تصنيفها و تحرير بياناتها، حتى يتمكن زوار الموقع و محركات البحث من إيجادها و متابعتها.
يمكنك متابعة مدونتك على الرابط التالى:
http://www.tadwina.com/feed/1467

يمكنك متابعة باقى مدونات تدوينة دوت كوم على الرابط التالى:
http://www.tadwina.com

لعمل أى تغييرات فى بيانات مدونتك أو لإقتراح مدونات أخرى لا تتردد فى الإتصال بنا من خلال الموقع ونرجو منك مراسلتنا للأهمية على الايميل
Tadwina@gmail.com
لوضع البانر الخاص بنا على الصفحة الرئيسية لمدونتك حتي يستطيع قراءنا في مصر والوطن العربي من متابعة تدويناتك المستحدثة

و لكم جزيل الشكر،

فريق عمل تدوينة دوت كوم.
http://www.tadwina.com

AHMED SAMIR said...

بيتعبني نفسيا الحاج سيد حمدي دة قوي
مش عارف ليه بيفكرني بالسيد عادل عبد العال بتاع الاعشاب
موضة
تحياتي

مواطن مصري said...

بس و الله الراجل كومدي و بضحك لما اشوفة و احلى حاجة بتاعت

و الله اعلم

آه وكفى said...

ازيك يااستاذ ياسر
كل سنة وحضرتك طيب

انت فنان جميل اوي وبجد مبهورة بيك عشان انابعشق الكاريكاتير ونفسي الائي مكان ادرس فيه المجال ده
انا برسم كاريكاتير على ادي كده بس مشكلتي اني مبعرفش ارسم بغير الرصاص لأني مليش في تسييح الالوان

معلش انا هسالك سؤال اصلا حضرتك بتستخدم ألوان ايه في الرسم؟

Asmaa mahaba said...

كل سنه وحضرتك طيب

Yasser Hussein said...

Sonnet
شكرا على تعليقك ولنك الموضوع الجميل
:)

Yasser Hussein said...

Tadwina
شكرا لأحد المعجبين بمدونتي اللي أرسل إلى موقع تدوينة
:)
وشكرا لموقع تدوينة لوضع رابط لمدونتي المتواضعة
:)

Yasser Hussein said...

A.SAMIR
فعلا الاتنين موضة
ربنا يرحمنا من الموضات العجيبة دي

Yasser Hussein said...

مواطن مصري
أهي كلها تسالي تلفزيونية
:)

Yasser Hussein said...

آه وكفى
أشكرك على كلامك الجميل
وطالما بتحبي الرسم فالممارسة أهم حاجة
كل ما هترسمي اكتر هتبقى احسن
انا باستخدم الالوان المائية والخشبية
وكثيرا ما استخدم برنامج الفوتوشوب للتلوين على الكمبيوتر
:)

Yasser Hussein said...

سومه...مجنونه فى بلد عاقل
وانتى طيبة يا سومه
:)

vision said...

معلش جايز يكون ظهوره وان ليه برنامج خاص بيه ده اوفر شويه....بس برده ده ميخليناش ننكر ان تفسير الأحلام ده علم من ايام الرسول عليه الصلاة والسلام..وان كان فى علماء زى ابن ثيرين كان بيستعان بهم فى تفسير الأحلام والرؤى للناس

Yasser Hussein said...

camera_girl
أولا أسمه ابن سيرين
بالسين :)
ثانيا ده مكنش في عهد الرسول صلى الله عليه وسلم
ولم يكن هناك أي علم أسمه تفسير الاحلام
إلى أن جاء سيجموند فرويد عالم علم النفس الشهير وكتب عن الرموز في الاحلام وتفسيرها
خدعوك فقالوا ان هناك علم اسمه علم تفسير الاحلام
كلها اجتهادات قابله للخطأ والصواب
:)

آه وكفى said...

mmmmmm
انا نفسي اخد فوتو شوب عشان كده

Yasser Hussein said...

آه وكفى
على اعتبار يعني إن فوتوشوب هو اللي بيرسم ويلون لوحده
:)
حتى تتمكني من التلوين ع الفوتوشوب باقتدار لابد ان تمارسي التلوين بالالوان اليدوية وتتقنيه
معلش اصل انا من المدرسة القديمة .. اكاديمي بقى
:)