زي أي بني آدم عادي وأنا قاعد بأفكر في أي موضوع ... وسرحان
وتحت إيدي ورقة بيضا وقلم رصاص
تلاقوني قاعد أشخبط ومن الشخبطة طلعت صورة الجدع ده
بعد ما خلصت شخبطة ولقيته باصص لفوق كده .. مش عارف باصص على أيهفوجئت أنه باصص ع القلم اللي شخبط شكله بالشكل ده
رحت مصور اللقطة دي قبل ما يبص في جهة تانية
بعد كده قعدت اقلب ع النت في مواقع فناني الكارتون بتوع بلاد بره
اللي أكتشفت أنهم سابقينا بكتييير حتى في الشخبطة
ساعتها سخنت .. وقمت مشخبط الشخبوطة اللي تحت دي 
يا ترى حلوة الشخبطة؟ ... ولا أبطل شخبطة؟
31 comments:
انا الاولي
لا والنبي اوعي تبطل شخبطة ياريت كل الشخبطة يبقي ليها معني كدة ومعبرة وجميلة كدة وانا عن نفسي عاجباني الشخبطة الاولي حاسة انة عايز يقول للقلم اية ياعم الي جابني هنا عايز مني اية ؟
والتاني مضايق منكو معرفش لية انت والقلم بتاعك
بس الاتنين حلوين جدا ومعبرين جدا وليهم معاني كتير انا قولت المعني الي وصلني وهو كوميدي شوية واكيد ليهم الف معني عند باقي الي هيشوفوهم
تحياتي للشخبطة الهايلة دي
يااااه...أنا طول عمري بشخبط..بس برده ..شخبطة عن شخبطة تفرق...و دخلت فنون تطبيقية..وقلت هشخبط بقي شخابيط محصلتش...بس مفيش فايدة
:)
بشخبط أعاصير
متقطعش الشخبطة بقي...
و علي رأي الفنانةالعظيمة نانسي...شخبط شخابيط
:D
لو كل من شخبط طلعت شخبطته بالشكل ده يبقي الناس كلها فنانه
بجد شخبطه رائعه خصوصا الراجل اللي بيبص علي القلم كان اكتر من رائع اما الصوره الاخيره فكرتني بالكرتون شويه
اقولك حاجه بس ماتزعلشي الصوره الاخيره حسيت انها شويه تشبهك كأنها الجانب الشرير بتاعك مثلا مش عارفه فيها حاجه منك
اوعي تبطل شخبطه بجد
سلامي ليك ياصاحب اجمل شخبطه شفتها
مشمش
ياسلام عليكي
لو عملوا مسابقة مين اللي يعلق الأول
اكيد هتفوزي
عجبني تعليقك
sabsoob
تصوري كان المفروض اسمي البوست ده
شخبط شخابيط
مش عارف ازاي فاتتني دي
تعليقك جميل
tota
كل واحد فينا فنان في مجاله
الرسم الأولاني يميل للكاريكاتير
أما التاني فهو فعلا كارتوني
وعلى فكرة كتير من الفنانين بيرسموا نفسهم من غير ما يشعروا
ودي ظاهرة طبيعية
ومتزعلنيش ... بس ممكن تقولي الصورة
بتمثل الجانب الغاضب مني
مش الشرير
خالص تحياتي
موضوع عسول جدا
وانا بقراه سبحان الله لقيت المطربه الجميله فانسي عجرب
في الدش بتقول
شخبط شخابيط لخبط لخبيط مسك الالوان ورسم عالحيط
بس انت اكيد رسمك شخابيط بس فنيه وانا الي هغنيلك مش فانسي ههههههه
تحياتي
شخبطة جميلة جدا وياريت كل الشخبطة
كده هاتبقى تمام قوى
تحياتى
الله عليك يفنان..الراجل بتاع القلم بجد جامد اووى وحاسس انه ليه روح كده..متحرمناش من شخابيطك
تامر حسين
فانسي عجرب
:)
حلوة دي
bos bos
أدينا بنشخبط ورانا أيه
FemTo
أشكرك يا عزيزي
من الشخبطة أحياناً بتطلع حاجات كويسة
خالص تحياتي للجميع
تسلم ايديك يا أستاذ ياسر
حقيقى حضرتك فنان
أمال لو مش شخبطة كان طلع لنا أيه؟
ألف مبروك على الهيدر الجديد والمتميز
للبلوج ... أستاذ ورئيس قسم
ميرسى كتير على البوستات الحلوة دي
بــــــــاى
شخبط يا فنان ولا يهمك
هى حياتنا ايه غير شويا شخابيط
نهى منير
أهلا بيكي ... الله يبارك فيكي
semsem
حياتنا شوية شخابيط
حلوة دي
:)
خالص تحياتي للجميع
لا انت لازم متعملش حاجه غير انك تشخبط طول كا تنت عايش علي وجهه الأرض
شخابيطك جميله
و احتمال احتاجك في تعاون
ما بين نبشي و شخبطك الكميله دي
لو معندكش مانع
شخبطة جامدة جدا
اوعى بجد تبطل شخبطة.....تبطل ازاي؟
دة انت لو بطلت تشخبط نمووت
تحياتي يا فنان يا كبير
koukawy
أهلا بيكي
مفيش مانع من التعاون بين النبش والشخبطة
أكيد إن شاء الله هتكون النتيجة حلوة
A.SAMIR
إن جيت للحق لو بطلت أشخبط .. أموت
م الغيظ
:)
الشخبطة برضه بتفرغ الطاقة الزايدة
خالص تحياتي للجميع
لو دى يبقى اسمها شخبطه يبقى ماتحرمناش منه ابدا
بجد رائعه و ياريت كل الشخابيط حلوه كده
:)
some one
اوعى تبطل شخبطه
بس هو الراجل الغريب ده بيبص على القلم كده ليه ؟؟؟
هو بيشكره انه رسمه ولا بيقوله ليه جبتنى للدنيا ؟؟
عجبتنى اوى الشخبوطه التانيه
انت فنان يا باشا
وبجد تسلم ايدك
some one
اشكرك على تعليقك ... حقيقي الكلمات دي بتشجعني أني اشخبط أكتر
:)
Dalia
الراجل غالباً مذعور أنه أترسم
الشخبوطة التانية ستايل تاني في الشخبطة
ادم المصري
الله يسلمك .. منور كارتونيا
خالص تحياتي للجميع
أشكركم على حسن تواصلكم
جميل جدا طبعا
تحياتي لشخبطاتك الرائعة
ماحدش يقدر يقول طبعا تبطل شخبطه
بس عارف
فى علم النفس بيقولوا ان كل خط يطلع من القلم اللى ماسكه واحد سرحان ليه مدلولات بتمس شخصيته
انا شايفه من الشخبوطه دى انها بتورينى روح قلقه لفنان لا يهدأ
بيدور على الالهام او المجهول ويمكن يكون بيبص للقلم اللى هو سر وجوده
شخبطه صادره من روح حائره منهكه
لا تقنع الا بالتجديد
ياترى انفع محلله نفسيه؟؟
:P
انا وانا سرحانه باشخبط حاجات عجيبه جدا
بارسم بيت جحا خطوطه مابتتقاطعش
وبارسم باقه من اوراق شجر كبيره
ياترى ده تفسيره ايه؟؟
انا عارفه تفسير اوراق الشجر بس مش هاقول لحد
:)
الفنان أشرف حمدي
أشكرك على تعليقك ... بعض ما عندكم يا فنان
وينكي
طالما جبتي سيرة علم النفس
أحب اقول لك إن فيه اختبار أسمه
اتش تي بي
HTP... Home..Tree..Person
البيت .. الشجرة .. الشخص
بيتطلب من الحالة اللي بيتم عمل الاختبار عليها رسم الثلاثة اشياء دول
وعلى ما اتذكر
تبعا لقواعد معينة
طريقة رسم الشخص للبيت تدل على علاقته بالمجتمع
وطريقة رسمه للشجرة واوراقها تدل على علاقته بأسرته
أما بالنسبة لرسم الشخص
فاذا كان ذكر ورسم ذكرا فهذه دلالة على نظرته لنفسه
وإذا كان رجل ورسم انثى فهذه دلالة على نظرته للآخر
وكذلك بالنسبة للانثى
يعنى أنا عارف تفسير ورق الشجر الكتير ايه
بس مش هاقول
:)
خالص تحياتي
الله عليك يا فنان الشخصية الصلعاء فى قمة الروعة عجبنى اووى
شخبط شخابيط
مسك الألوان ورسم عالحيط
:D
لو شاطر قولي مين بيغنيها
ههههه
الريس
حلو مسمى الشخصية الصلعاء
:)
مرحبا بك في كارتونيا
BaSsMa
أنا مش شاطر
بس اللي بتغني الغنوة دي
نانسي عجرم
:)
خالص تحياتي للجميع
مدونة محترمة لفنان موهوب
جمبلة الشخبطة
و متبطلش شخبطة
و مسنيين شخابيط جديدة
تحياتي
Sharm
أشكرك على تقييمك الأنيق
علاء
مرحبا بك في كارتونيا
وانتظر شخابيط جديدة قريبا
إن شاء الله
خالص تحياتي للجميع
انا عارفه انى برد متأخر
بس اعذرنى يا استاذى
الايام الى فاتت كانت فظيعه عليا
بجد
المهم حتى شخبطتك حلوة؟
ياما نفسى اشخبط زيك كده
التانيه عجبانى اكتر مش عارفه ليه؟
بس عجبانى كده اوى
وحسه ان الاولى واحد بيدعى ربنا
وهو مظلوم
الدمعه خلاص هتفر
هههههههههههه
لا بجد شخابيط حلوة موت
تحياتى يا استاذ ياسر
اقدم دعوة لحضرتك ولكل زوار المدونه
للقاء المدونين فى بورسعيد
للتواصل
بين كل المدونين
لقاء صيفى جدا
ولمزيد من التفاصيل ارجو زيارة مدونتى
تحياتى
جميلة اوى
انا نفسى اعرف اشخبط هو ممكن الواحد يتعلم الشخبطة ؟ ولا دى بتبقى موهبة فقط
ولا ممكن تتدرس وتعلم ؟
تحياتى يا فنان ;)
شيماء الجيزى
حمدلله ع السلامة
مع تمنياتي بالنجاح والتوفيق
في اللقاء الصيفي ببور سعيد
YHYيــوســف الـمصـرى
الشخبطة دي موهبة اكثر منها دراسة
بدليل وجود رسامين كاريكاتير كتير
ع الساحة غير دارسين للفن التشكيلي
ولكن الدراسة بتخليك تفهم أكتر أنت بترسم الخط ده ليه وازاي
خالص تحياتي للجميع
Post a Comment