جميع المواد المنشورة بالمدونة تخضع لقوانين حماية حقوق الملكية الفكرية .. وأي نقل أو إقتباس بدون ذكر المصدر يعرضك للمساءلة القانونية

Sunday, September 16, 2007

فانوس زمان


واحشني فانوسي
واحشني صحيح
بنوره الصغنن
وبابه الصفيح
خنقني البلاستيك
بشكله الخنيق
بصوته المغلوش
بلونه الغميق
ماهو أصله صيني
وبيغني مصري
وفي الضلمه تهنا
وتاه الطريق

13 comments:

شيماء الجيزى said...

لا تخلو شخابيطك دائما من فكرة ومغزى ما
فعلا
انا ايضا وحشنى هذا الفانوس ..الذى رأيته قريبا وما ان رأيته حتى تذكرت ايام الطفوله
والعاده
والمرح بعد الإفطار
وزيارتى لمدفع رمضان

اين هذا الفانوس المصرى؟
الذى اصبح الآن صينيا بحتاً

فعلا وحشنى انا كمان

تحياتى لك استاذ ياسر

Unknown said...

اضم صوتى لصوتك
واقول بجد واحشنى فانوسى الصفيح
ونور شمعتة وحلاوتة الوان زجاجة

الصقر الجارح said...

كل سنه وانت طيب معلش جت متاخره

Yasser Hussein said...

شيماء الجيزى
يا بختك زرتي مدفع رمضان أنا عمري ما شفته ع الطبيعة

ايوية
أكيد الفانوس هيكون فرحان إنه واحش ناس كتير

الصقر الجارح
ولا متأخره وا حاجة عندك لحد آخر يوم في العيد ..قول كل سنة وأنت طيب براحتك:)

Egyptiana Trapped Soul said...

كل سنة وانت طيب اولاً

ليس فقط الفانوس هو ما اصبح صينى... روح رمضان نفسها اصبحت مختلفة... مش عارفه اجنا فعلا رايحين على فين

Anonymous said...

أولا كل سنه و أنت طيب و الفانوس زى العسل و بجد يبعث البهجه فى النفس
و الكلام حلو اوى و بيعبر عن كل حاجه حلوه مفقوده فى حياتنا
some one

عبد الرحمن أبو بكر said...

الفنان ياسر حسين

والله انا كمان وحشني الفانوس
ووحشني ايامة بس هنعمل اية ما الصين عملت كل حاجة حتي الفوانيس ما سبتهاش
في حالها والنبي يافنان لو معاك فانوس زيادة ابقي قولي
بس يكون فانوس حقيقي مش فانوس مرسوم

Unknown said...

كلام جميل يا ياسر

Yasser Hussein said...

Miss Egyptiana "Trapped Soul"
روح رمضان كنا بنحسها أكتر وإحنا أطفال .. أعتقد إن الأطفال هما أكثر الناس إحساس بالمناسبات لأنهم لا يحملون هم شراء المتطلبات الخاصة بكل مناسبة ..يعني كل تركيزهم بيكون في الاحتفال بالمناسبة فقط .. عشان كده إحنا الكبار مبقيناش نشعر بنفس شعورنا زمان بالمناسبة وإحنا أطفال

some one
أشكرك على تعليقك الرقيق

عبد الرحمن أبو بكر
على فكرة الفانوس الصفيح مازال موجود بس المشكلة إن البلاستيك الصيني طغى عليه والطفل طبعاً بينجذب للمزيكا الصاخبة اللي بتطلع منه والاضواء الملونة ولكنه شكله دخيل علينا ومش هو ده الفانوس المصري بتاعنا

عاليا حليم
شكراً يا عاليا

خالص تحياتي للجميع

Anonymous said...

ما أحلى شخابيطك
بكره العيل هاينزل من بطن أمه مكتوب على قفاه
صنع فى الصين
وعجبى

تامر حسين said...

والله عندك حق كان زمان وجبر
نفسي الاقي الفانوس الي كان ليه باب وأزازه ملون بنضافه وكان كمان معمول بألمونيه نضيفه ومكنش بيصدي
تعالي دلوقتي
هتلاقي الفانوس شكله واحد ولو قلبت الفانو وبصيت من جواه هتلاقيه معمول بعلب صفيح سمنه وهتلاقي مرسوم عليه كمان شكل البقره . اه والله
ده بقي جنب الفوانيس الي بتغني بابا اوبح و الواوا دح
حتي اهلا رمضان مبقتش بتتقال
حسبي الله ونعمي الوكيل
سي يو
اخوك

koukawy said...

ايوه ليك حق احلي فانوس الفانوس الصفيح
بس تعرف بقي غااااااااالي اوي

Yasser Hussein said...

وينكى
هو هيتولد ويتاكل على قفاه ويشتري البضاعة الصيني

تامر حسين
هو مع الاسف انتشر القبح حتى في صناعة عمل فني جميل مثل فانوس رمضان
والتاجر يهمه المكسب من الهوا
بقايا علب صفيح وبقايا زجاج ملون
والاب بيخاف يشتريه لأبنه أحسن الصفيح والزجاج ممكن يعوره
وساعة ما هيتعور هيضطر يشتري له فانوس صيني بيقول
بوس الواوا

koukawy
الفانوس الصفيح بقى غالي قوي؟
أنا بصراحة بقالي يجي عشرين سنة مجبتهوش
ومعرفش كان بكام ولا بقى بكام
إحتمال لأنه هاند مييد..صناعة يدوية
:)

خالص تحياتي للجميع
رمضان كريم