جميع المواد المنشورة بالمدونة تخضع لقوانين حماية حقوق الملكية الفكرية .. وأي نقل أو إقتباس بدون ذكر المصدر يعرضك للمساءلة القانونية

Tuesday, November 6, 2007

رسالة حب


اشكر كل من علق على الموضوع السابق وكل من بعث لي بايميل ليرفع من روحي المعنوية ويدفعني مرة أخري إلى ممارسة أعمالي الفنية وجاء نتاج ذلك هذه اللوحة التشكيلية التي أمامكم والتي استخدمت فيها أسلوب الخيامية في تكوينها .. والخيامية لمن لا يعرفها هو نوع من أنواع الفنون الشهيرة في مصر وهي عمل لوحات من قصاصات الأقمشة ونجدها تظهر بتجلي في السرادقات التي تقام سواء للاحتفال بافراح أو عزاء فمن الممكن تنفيذ هذه اللوحة كما ترونها بالقماش وتعطي نفس النتيجة التى نراها بتلك الوان الفاقعة

ما حكاية هذه اللوحة؟

الموضوع ببساطة أني استمعت إلى اغنية أعجبتني كثيرا لرقي كلماتها التي تعبر عن أحاسيس حبيبة في غياب حبيبها ، فلا تجد في الكلمات قبلات أو أحتضان جسدي كما أنتشرت في الآونة الأخيرة في معظم الأغاني ، بل نجد أحاسيس راقية تشعر أنها كلمات زوجة محبة تناجي بها زوجها الغائب عنها لذلك أهدي اللوحة لكل زوجة محبة لزوجها وأهدي الأغنية لكل زوج محب لزوجته ويتمنى أن يسمع منها هذه الكلمات

10 comments:

تامر حسين said...

لحقت اول كرسي الحمد لله
مش عارف ليه شوفت كلمه ياسر علي الشمال بالانجليزي مكتوبه
يمكن تكون خداع بصري او يمكن اكون انا الي خيالي واسع
بس طبيعي كالعاده انت فنان شامل وهتفضل فنان شامل وقدوتي في حياتي العمليه والشخصيه
اخوك المخلص
تامر حسين

Yasser Hussein said...

تامر حسين
وبعدين معاك بقى يا تيمو في الكلام اللي يخلي الواحد عينيه تدمع ده
ربنا يديم المحبة وينور لك طريقك يا أخي الحبيب
:)

Unknown said...

جميله اللوحه قوى على فكره
والوانها الفاقعه رغم ان حضرتك شايفها كده الا انى شيفاها ان مينفعش الوان تانيه تركب على بعض غير دول
تسلم خطوطك يا فنان
ايوه كده ورينا القوه

تامر حسين said...

ليه بس يا ياسو معاش الي يخليك تدمع ولا حتي تفكر تدمع
ده واقع ولازم اعترف بيه
وربنا ميحرمنا من اخترام بعض طول عمرنا حتي لو كان في اختلافات في وجهات النظر
تحياتي

اسكندراني اوي said...

ابو اليسر يا فناااان
ايوه كده اشتغل وسيبك من الحاقدين

اللوحه جميله والله قبل ما اقرا البوست قلت اللوحه دي شبه قماش الخيام بتاع الشوادر

تسلم ايدك
تحياتي وربنا معاااااك

Unknown said...

على فكره الاغنيه جميله جدا
انا كنت لسه بسمعها امبارح وبقول فى حد بيغنى كلمات بالجمال ده دلوقتى
تسلم ايدك وذوقك

حبة حاجات (ايمان) said...

مدونتك جميله فاكيد رسوماتك اجمل

تحياتى
وتسمحلى اضبفها عندى فى مدونتى

Unknown said...

استاذ ياسر
لم أحضر للتعليق ولكني فقط لأقدم الشكر لك وهو شكر تأخر سبع سنوات حين قدمت لي أول رسم لمقالاتي الإلكترونية الأولى على شبكة الإنترنت
http://www.islamonline.net/iol-arabic/dowalia/namaa-31/namaa8.asp
هذا الرابط لمشاهدة الرسم
خالص تحياتي لفكرك الراقي .. زيارتك في مدونتي تسرني

Yasser Hussein said...

لماضة
أشكرك على تعليقك
وأحيكي على ذوقك الفني في تذوق الرسم والموسيقى

تامر حسين
الواحد ممكن يدمع تأثرا بالكلام الجميل

اسكندراني اوي
أشكرك يا فندم
وأنا سعيد إن شغلي عجبك

حبة حاجات (ايمان
مرحبا بيكي في كارتونيا
أنتي مش محتاجه الاذن
المدونة متاحة للجميع ويسعدني إضافتك ليها عندك

يوميات عيل مصري
مرحبا بك في كارتونيا
وأنا سعيد اننا تعاونا مع بعض زمان بالرغم أننا لم نتقابل قط
وعلى فكرة أنا بأزور مدونتك من فترة وهي جميلة وذات طابع متميز

خالص تحياتي وشكري للجميع

Unknown said...

اسف إنى معلقتش على البوستات الجديدة بس اللوحة دى شدتنى باغض النظر إنى مش رسام ولكن اللى بيتمتع بالموهبة فى أى مجال أكيد بيستمتع ويعرف الموهبة اول ما يشوفها
جميلة جدا اللوحة بتناسق ألوانها وتعبيرها عن الكلمات الرقيقة اللى أنت سمعتها
اعتبرنى من زوارك الغلسين المتواجدين دائما
أشكرك على إمتاعنا
أيمن بدر