جميع المواد المنشورة بالمدونة تخضع لقوانين حماية حقوق الملكية الفكرية .. وأي نقل أو إقتباس بدون ذكر المصدر يعرضك للمساءلة القانونية

Thursday, November 8, 2007

خالد الصاوي

اضغط ع الصورة للتكبير

رسم البورتريهات وأنا

لا اعتبر نفسي حتى هذه اللحظة من فناني رسم البورترية الكاريكاتيري إلا إنني من فترة لأخرى أعلن التمرد على جهاز الكمبيوتر وأهرول إلى علب ألواني المائية لأغمس فرشاتي بين أحضانها ثم اعود لأرسم مرة أخرى على ورق الاسكتش المقوى بعد أن فرق بيني وبينهم الكمبيوتر وبرنامج فوتوشوب ووسائل التكنولوجيا الحديثة الأخرى

لماذا خالد الصاوي؟

ليس الدافع لدي لرسم الفنان الصديق خالد الصاوي إعجابي به كفنان شامل فحسب ولكن لأن ملامح وجهه بارزة وواضحة حيث من الممكن أن تميزها من على بعد ... فالأنف مميز جداً والجبهة أيضاً كذلك استدارة الوجه ... بشكل عام شعرت بالمتعة وأنا ارسم صورته .. وإليكم فيديو لمراحل رسم البورتريه الكاريكاتيري لـ خالد الصاوي

للمشاهدة ع اليوتيوب اضغط هنا

17 comments:

اسكندراني اوي said...

الصوره جميله اوي

اكيد الرسم بالالوان له مذاق خاص

العوده للاصول اجمل واطعم

تحياتي يا يا سر

ياسمين حميد said...

لدي استفساران:
الأول: لماذا لم تبدأ خطوات الرسم من مرحلة القلم الرصاص؟
الثاني: ما هو البرنامج الذي استخدمته لعمل عرض خطوات الرسم؟ أعجبتني بشكل خاص حركة "الكاميرا" في الصورة، نرى في البداية جزءاً من الصورة (يدك) ثم تنتقل الرؤية إلى مكان آخر في الصورة ثم إلى المشهد كاملاً

Yasser Hussein said...

اسكندراني اوي
شكرا على تعليقك
فعلا الفرشاة والألوان هما الأصل

ياسمين حميد
مرحبا بيكي في كارتونيا
إجابة الاستفسار الأول
قرار تصوير العمل لم يأتي إلا بعد أن قمت برسمه ثم بدأت في التلوين.. طقت في دماغي بعدها إني اصور المراحل وأحوله لفيلم
إجابة الاستفسار الثاني
تم استخدام أكثر من برنامج
منهم
windows Movie Maker
Macromedia Director
والأهم من البرامج الحس الاخراجي في تناول اللقطات فهذه البرامج لا تقوم بعمل ما رأيتيه بشكل اتوماتيكي بل يعتمد على رؤيتك كمخرجة
وأسعدني إعجابك بالاخراج ولم يصلني رأيك في الرسم

خالص تحياتي

albida said...

أولا أنا جاية من عند عاليا ووينكى.. أنا البيدا اللى كانوا قاعدين ينوهوا عنى زى المفقودين بتوع القناة التالتة من شهر كده تقريبا.. واسمى منال وبطاقتى الشخصية رقم.. ولا كفاية كده
:) :)

دى أول زيارة ليا لمدونة حضرتك وبجد عجبيتنى أوى.. أنت فنان موهوب فعلا

أنا بموت فى حاجة اسمها رسم!!! هو الحاجة الوحيدة اللى بقدر أنفس منها وأعبر بيها عن حاجات متتقلش بالكلام
بس أنا اختلف عن حضرتك أنى مليش فى الرسم بالالوان.. بالرصاص بشعر بالحرية أكتر

كفاية رغى
نيجى بقى للرسم.. الأستاذ خالد الصاوى فعلا فنان موهوب ومحترم جدا وصديق عزيز علينا كلنا! وأنت عندك حق فى موضوع أن وجهه يشجع على الرسم لأن ملامحه تحسها قوية بتفرض نفسها على الفنان اللى بيرسمه خاصة الأنف والعيون
رسم حضرتك جميل جدا.. الأنف والدقن عجبينى جدا وأن كانت العيون مش أوى علشان ماظهرتش نظرة التحدى اللى موجودة فى الواقع

أنا قلت رأيى بصراحة أهو!!.. عايزة ربع جنيه بقى
:) :) :)
اسمحلى بقى اخد جولة فى مدونتك

Unknown said...

التقنية طبعا عندك مش حنختلف عليها تسلم اديك و انا شفتلك قبل كده بورتريه فى مدونة الاستاذ خالد نفسه بس كان برؤية تانية

سيبك انت مش صاحب البورتريه مميز اكيد البورتريه حيطلع مميز و لا أيه ؟ :)

semsem said...

رائع يا فنان
لا توجد كلمات تصف مدى روعه عملك

تحياتى

YHYيــوســف الـمصـرى said...

السلام عليكم
.........
عمل اكثر من رائع يا فنان و فكرة الفيدو ممتازة مع انها مش جديدة عليك يا رب ديماً موفق
تحياتى

Unknown said...

خطوطك هايله هايله بجد
فيها حده ان اجاز ليا التعبير
عجبنى جدا خط القلم فى العين وتفاصيل فى الوجه والرقبه بجد هايله
رسمة العين نفسها كانها بتنطق
حقيقى فنان رغم انى مليش قوى فى الحكايه دى غير شوية شخابيط عشان ابدى رايى بس حقيقى انا مش بجامل
كمان الفيلم عامله باحتراف اهى دى بقى انا غاوياها
تسلم ايدك بجد على الصوره والفيلم القصير

Anonymous said...

حلوه جدآ الصوره

و لمسات جميلة

تسلم أيدك

عبد الرحمن أبو بكر said...

الفنان ياسر حسين

اولا البورترية جميل جدا وانت جايب فيه روح الفنان خالد الصاوي بنسبة كبيرة . انا بحب الشغل اليدوي اكتر من الكمبيوتر بكتير لانه بيطلع الشغل في نسبة واقعية اكتر . وفكرة استخدامك للتلوين بالألوان المائية جت موفقة جدا واديت التاثيرات المطلوبة في الظل والنور والفنيش جميل قوي انك فنشت بالاقلام الخشب الالوان اديت للملامح نوع من الحدية في الظهور بمعني ان اللين المرسوم واضح وصريح مش تاية وغير معلوم بدايته من نهايته

تسلم ايدك يا فنان

بالنسبة للفيديو المصور حبيت الفكرة اوي وكل الفنانين الاجانب بيعملوا الفكرة دي
بس انا اضم صوتي لياسمين حميد في فكرة انك كنت صورت مراحل العمل من اول الاسكتش الرصاص لغاية الفينش النهائي بس دة ما يمنعش انا الفيديو طالع باخراج ممتاز واختيار زوايا تصوير هايله

Yasser Hussein said...

albida
مرحبا بيكي في كارتونيا
وطالما انتي جايه من عند عاليا ووينكي يبقى اهلا بيكي
ولو مش جايه من عندهم برضه أهلا بيكي
دخول كارتونيا مش محتاج لواسطة
:)
أشكرك على تعليقك
أما بالنسبة لنظرة التحدي فدي حسب الموقف لأن مفيش حد بيفضل ماشي وفي عينيه نظرة تحدي باستمرار .. ولا ايه؟

خالص تحياتي

Yasser Hussein said...

عاليا حليم
من وقت للتاني بيحتاج الفنان لاسترجاع بعض مهاراته حتى لا تندثر ومهارة الرسم والتلوين اليدوي بالالوان المائية هي اللي اعطت احساس بالرؤية المختلفة

semsem
أشكرك يا فنانة على تعليقك

خالص تحياتي

Yasser Hussein said...

YHYيــوســف الـمصـرى
أشكرك على تعليقك وأنا سعيد إن الفيديو عجبك

لماضة
أي خدمة يا فندم المهم تكوني مبسوطة والقادم إن شاء الله هيعجبك طالما بتحبي الفيديو .. ترقبيه

Sarah Daw
الله يخليكي يا فنانة اشكرك على تعليقك المختصر الرقيق

خالص تحياتي للجميع

Yasser Hussein said...

عبد الرحمن أبو بكر
الاقلام اللي استخدمتها في شكلها الخارجي يبدو أنها اقلام الوان خشبية
ولكنها ألوان مائية في صورة اقلام خشبية .. نوع من الالوان
حكاية انى اصور من وقت الرسم الرصاص ممكن ابقى اعملها في الفيديوهات القادمة إن شاء الله لأني أصلا فكرة التصوير لم تحضرني غلا بعد ما بدات في
التلوين وواضح برضه الرسم الرصاص
أما الفيديو فليس حكر على الاجانب لذلك قمت بتحميله ع اليوتيوب وشددت في التترات على أن كارتونست مصري يرسم ممثل مصري

خالص تحياتي

نهى منير said...

الفنان ياسر حسين
حقيقى تسلم ايديك ..أيه البراعة دى؟
والفيديو بيفكرنى بالافلام الوثائقية أو بالبرومو بتاع الافلام الاجنبية
مستنيين الجديد
بـــــــــاى

تامر حسين said...

اهو كده ارجع للاصل بردو وسيبك من الكمبيوتر
ده هو الابداع الحقيقي
تحياتي يا فنان

Yasser Hussein said...

نهى منير
حمدلله ع السلامة يا نهى
من فترة طويلة وأنتي مختفية
إن شاء الله في جديد قريباً جداً

تامرحسين
أخي العزيز المتعة الحقيقية في الرسم بالفرشاة والألوان .. هما فعلا الأصل

خالص تحياتي