جميع المواد المنشورة بالمدونة تخضع لقوانين حماية حقوق الملكية الفكرية .. وأي نقل أو إقتباس بدون ذكر المصدر يعرضك للمساءلة القانونية

Thursday, November 15, 2007

الحكومة الالكترونية

اضغط على الصورة للتكبير
أغلبنا سمع عن الحكومات الالكترونية وكانت هناك محاولات لتطبيق أنظمة الحضور والانصراف إلى ومن العمل بشكل تكنولوجي في العديد من الوزارات العربية ففي مصر على سبيل المثال سنة 2003 تم تطبيق نظام الكارت والبصمة الالكتروني لدخول الموظفين إلى وزارة التربية والتعليم وهو شكل من اشكال تطبيق نظام الحكومة الالكترونية وكذلك في دول الخليج .. وهنا بالخليج حيث أعمل حالياً باحدى المجلات قدمت هذه القصة التى تنتقد الموظف الحكومي الذي يستخدم نظام البصمة لاثبات حضوره في العمل صباحًا ثم يخرج خلسة ليعود آخر اليوم في موعد الانصراف ليضع بصمته على الجهاز المخصص لذلك .. وطبعًا هذا سلوك غير مقبول كثيرًا ما يتكرر في مجتماعتنا العربية ولقد عبرت هنا بهذا الشكل وباللهجة الخليجية وتم قبوله ونشره بالمجلة ولاقى استحسان والحمدلله وأرجو أن ينال إعجابكم

28 comments:

اسكندراني اوي said...

هههههههههههههه
حلوه دي

بس بجد كويس انهم قبلو النقد لانهم في الحاجات دي حساسين اوي

تسلم ايدك

شيماء الجيزى said...

حلوةةةةةةةة مرررررررررررررررررة

هههههههههههههههه

لما الحق ابصم بقى

نقد جميل يا استاذ ياسر

تحياتى للكاريكاتير

Yasser Hussein said...

اسكندراني اوي
على فكرة خارج مصر عندهم ديمقراطية أكثر مما تتخيل وفيه تقبل للنقد طالما في الصالح العام
:)

شيماء الجيزى
حلوة مرة!!!؟؟؟
تعبير جديد
اشكرك على تعليقك
:)

خالص تحياتي وشكري للجميع

آخــر قــرصان said...

مقدرش اوصفك باكتر من كلمة فنان مفكر
تمام قوى يا استاذ ياسر واعذرنى على التأخير لظروف ومشاغل وجوابات
ههههههههه
تحياتى ليك واتمنى مرورك على مدونتى عاوز اعرف رأيك فى اخر بوست
تحياتى مرة تانية لريشتك يا.....ا
فنــــــــــــــان

ياسمين حميد said...

هههه
البصمة الالكترونية وحدها ليست الحل. من كان في الماضي يوقّع حضور وانصراف ويغيب باقي الوقت أصبح يبصم بدلاً من التوقيع
ولذا إما أن يكون فتح الباب بالبصمة، يعني ألا يستطيع الموظفين الخروج إلا إذا بصموا انصراف، وهذا صعب التحقيق وغير عملي لأن من يأتي للمصالح الحكومية لتوقيع أوراق أو ما شابه لن يستطيع الدخول
ربما كان الحل أن يطلب من كل موظف أن يبصم إثبات حضور كل ساعة؟

بالمناسبة، في أي مجلة نشرت هذا الكاريكاتير؟

Yasser Hussein said...

آخــر قــرصان
أشكرك ياعزيزي على مرورك وتعليقك وإن شاء الله أزور مدونتك

ياسمين حميد
المشكلة مش في البصمة ولا التوقيع
المشكلة أزمة ضمير
نشرت هذا الكاريكاتير في المجلة اللي شغال فيها
:)

خالص تحياتي للجميع

عــلاء ســالـــم said...

السلام عليكم

كاريكاتير جميل كما تعودنا منك
محتاجين نعلق نسخه منه على كل مصلحة حكومية في مصر

koukawy said...

مبروك

و ليك حق التجاوز كتير اوي
احنا عندنا في الشغل كده بس في باب لازم الريسبشن يفتحهولك عشان تعرف تخرج فلا مفر

بسمه عبدالباسط said...

حلوة قوى بجد
أحسن حاجة حكاية النقد عن طريق الكاريكاتير

تحياتى لك

semsem said...

هههههههههههه
حلو قوى موضوع البصمه ده

Yasser Hussein said...

alaa salim
أشكرك على تعليقك
واقتراحك روعة وأتمنى تطبيقه على الأقل الرسالة المقصودة من الكارتون هتوصل لناس كتيييير
:)

koukawy
الف حمدلله ع السلامة
منوره كارتونيا
اللي بتحكي فيه ده موجود في اماكن كتير وطبعا الفهلوة هي الشعار المرفوع دائمًا
:)

bos bos
طبيعي النقد هو دور أساسي للكاريكاتير .. والتوجيه ايضًا

semsem
كويس إن الموضوع عجبك
بس ده حقيقي وموجود فعلاً

خالص تحياتي وشكري للجميع

Eric Matt said...


جميل يا فنان

وفقك الله

تحياتي من ماناساس البلد

أسامة أبوالخير said...

تحياتي استاذ ياسر لقد قرأت موضوعك عن الحكومة الالكترونية، وأجد أنها لفته قوية منك من خلال طرحك لهذا الموضوع لكن لي تعليق واحد أن موضوع البصمة الالكترونية وتطبيقها في المؤسسات الحكومية في دول الخليج بشكل عام أمر لابد منه لفرض نوع من الالتزام أثناء مواعيد الدوامات الرسمية، أما أن تطبق البصمة الالكترونية في مصر فهو أمر يدعو للسخرية وإلى الضحك من كثرة البقاء على ما يعيشه الموظف المصري تحديدا من محنة وكرب دفعه إلى أن يمد يده لقبول الرشوى وسياسة فتح الأدراج واهرش وحك وهكذا من المصطلحات التي غذتهاالحكومة المصرية وفي النهاية الموظف عبد فقير مغلوب على أمره فإلى الله المشتكى وهو المستعان
مع خالص تحياتي للفنان ياسر حسين.

Unknown said...

طب كويس و الله انهم قبلوا النقد دى قليل لما بتحصل

تامر حسين said...

جميل يا فنان
وعلي فكره شكل الراجل مسخره وهو بيجري هههههههه
تحياتي

Yasser Hussein said...

The Groom
أهو أنت اللي جميل
:)

أسامة أبوالخير
فعلا الموظف اللي بيقبض 200 جنيه في الشهر هيراقبوا فيه ايه؟
:)

عاليا حليم
بيقبلوا النقد لما بيكون في صالح العمل مش السخرية منه

تامر حسين
فعلا اكثر كادر انا باحبه اللي بيجري فيه الموظف

خالص تحياتي للجميع

Anonymous said...

هههههههههههه الكترونية ايه باشا
الشعب العربى ينفع معاه المواضيع دى

مشمش said...

جميل اوي النقد دة تسلم ايدك ودماغك
وياريتني تزورني في المدونة المتواضعة بتاعتي ويشرفني تعليقك

AHMED SAMIR said...

جميلة
انا طبعا عارف انك كاتبها بلهجتهم علشان توصل لهم الفكرة
بس ياريت ماتتعديش منهم زي غالبية العاملين عندهم وتقول انت كمان
شنوووو؟!!!!!
تحياتي

Yasser Hussein said...

Dr-hema
ينفع أو مينفعش مفيش مانع من لو نحاول
:)

مشمش
مبروك المدونة .. بس أسم مشمش ده كتير .. يا ترى أنت مشمش اللي كانت بتعلق عندي قبل كده ولا حد تاني
:)

A.SAMIR
أولا انا أعمل معهم وليس عندهم .. هناك فرق ولا مجال للتوضيح أكثر من ذلك
ثانياً أنا أعتز بلهجتي المصرية جداً ولا اتحدث إلا هي أو الانجليزية إذا ما أحتجت إلى ذلك
ثالثا الحوار أنا كنت كاتبه بأسلوبي ومدير التحرير اقترح التعديل باللهجة الخليجية لتكون اقرب إلى الجمهور الموجه إليه هذا النقد
وبس
:)

خالص تحياتي للجميع

Anonymous said...

بجد هايل يااستاذى
فعلا الحكومه الاليكترونيه ولا ليها اى فايدة اللى بيبقى عايز يعمل الغلط بيتصرف وبردة بيعمله
وعلى فكرة الكريكاتيرة احسن مافيها انها بلغتهم عشان يفهموها صعب اوى نعمل كاركتير مثلا لمصرين ونعملهم التعليق فرنساوى
خابوا الناس على قدر عقولهم
خلونا نقولها خاطبوا الناس على قدر لغاتهم
وبجد الكاركاتيرة هايله
ومنتظرين القادم

بسمه عبدالباسط said...

فين الجديد اتأخرت ليه خير

Yasser Hussein said...

amal abd elhakim
أشكرك على تعليقك
ولما الواحد بيخاطب الناس بلغتهم أكيد الفكرة بتوصل أسرع

bos bos
خير إن شاء الله .. الجديد قادم بس أنا بأحب أبحث في موضوعات ذات قيمة وده بيحتاج وقت أحيانا
أشكرك على سؤالك
:)

خالص تحياتي

Anonymous said...

تعليق رائع
وريشه أروع
سلمت أناملك

Yasser Hussein said...

cinderella
مرحبا بيكي في كارتونيا
اسعدتني زيارتك
واسعدني تعليقك كثيرا

خالص تحياتي

خمسة فضفضة said...

السلام عليكم ورحمة الله وبركاته

جميل اوي الكاريكتر ده

بس عارف يا فنان مهما عملوا ، حكومه الكترونيه ولا مهلبيه
بصمة الصوابع ولا التوقيع علي الساعه ، برضو الموظفين هايزوغوا مافيش فايده
دا طبع والطبع غلاب واللي فيه طبع ما يخرجش منه الا بالموت


تحياتي

Anonymous said...

:D 7lw awy da.....ana mtab3a m3ak dymn bs sa3at msh bla2y t3leq monasb....i'm always there :)
some one

Yasser Hussein said...

خمسة فضفضة
لو الموظف شعر أنه بياخد كامل حقوقه أكيد هينضبط ويؤدي واجباته
لأنه مش هيلاقي مبرر للزوغان
ولكن الموظف اللي بياخد مرتب محترم وعنده كافة الرفاهيات وبعدها يزوغ
ده فعلا اللي طبعه مش تمام وصعب أنه يغيره

some one
اشكرك على تعليقك
وكفاية أنك بتزوري كارتونيا وشغلي بيعجبك .. ده شيء يسعدني

خالص تحياتي وشكري للجميع