جميع المواد المنشورة بالمدونة تخضع لقوانين حماية حقوق الملكية الفكرية .. وأي نقل أو إقتباس بدون ذكر المصدر يعرضك للمساءلة القانونية

Wednesday, March 12, 2008

حكايتي مع الكاميرا

البداية كانت صورة كنت قد التقطها لوالدي وعمي معًا بكاميرا كانوا يطلقون عليها كاميرا مشط لأنها كانت صغيرة ومبططه
مثل المشط ويقال عليها ايضًا كاميرا فيلم 110مم وكان فيلمها يلتقط 24 صورة على الأكثر
كان عمري وقتها 12 سنة ، عمى كان له باع في التصوير فجاء تقييمه للصورة في صفي
مما حمسني لالتقاط الكثير من الصور فيما بعد
وبعد فترة ذهبت في رحلة مع اسرتي إلى سيناء ومعالمها الجميلة مثل سانت كاترين ودهب ونويبع وعيون موسى وحمام فرعون ، كنت أصور والدي من بعيد لتظهر الاماكن السياحية والطبيعة الخلابة التي تحيط به وعند طبع الصور كان والدي يقول لي : ليه يا بني مطلعني صغير كده في الصورة مش باين ، قلت له وقتها : لو على صورك ممكن اصورك فيلم بحاله لكن الاماكن
دي مش هتتواجد فيها كل يوم
وبالفعل بعد مرور عشرين سنة اصبحت الصور دي بالنسبة لنا جميعا ذكريات جميلة وتأكدت وجهة نظري آنذاك
تمر السنين وأعمل بالصحافة وتربطني صداقة بالعديد من مصوري الصحف
فكان من السهل ان تصل يدي إلى كاميرات المحترفين وأداعبها
ومع ظهور الكاميرات الديجيتال اصبح من اليسير على الكل ان يقوموا بالتصوير ولكن المصور الفنان
تختلف لقطته عن أي لقطة أخرى
فعين الفنان مدربة على الملاحظة والتدقيق في التفاصيل وربط العلاقات بين العناصر والاشكال المرئية
في النهاية وجدت نفسي مستمتع بفكرة التصوير .. فأنا أصور طوال الوقت إما بكاميرا الموبايل او بالكاميرا الديجيتال او بكاميرا الفيديو
فالتصوير متعة وإن كنت لا أعتبر نفسي مصور محترف

6 comments:

semsem said...

زانا كمان بموت فى التصوير

عاوزين نشوف الصور بقا

أمل عبد الحكيم said...

فنان طول عمرك
التصوير فن
زيه زى اى فن
وانا كمان بحب التصوير اوى
ومستنين نشوف الصور

Empress appy said...

انا كمان حياتى كلها التصوير عارف دلوقتى عباره عن ايه كاميرا موبيل وواحد ديجتال مش بتتشال من الشنطه وفلاشه افضى كل ده عليها
صحيح الفنون جنون

مشمش said...

التصوير هواية قبل مايبقي مهنة وانت هواياتك كتير
بس هواية جميلة وبتبقي زكرياتها جميلة اوي

Unknown said...

التصوير فن جميل جدا
لانة بينقل وبيسجل اشياء من وجهة نظر المصور وعلى فكرة احلى ما فى الفن احساسك بادائة كهواية فالاختراف من وجهة نظرى يقتل الفن

Yasser Hussein said...

semsem
التصوير فن معترف بيه وأنتي فنانة
الصور مع الاسف مش عندي لكن ان شاء الله آخدها سكنر وانزلها

أمل عبد الحكيم
أشكرك .. وإن شاء الله أنزل الصور

appy
أكيد الكوكب بتاعك مليان صور
:)

مشمش
فعلا عندك حق هو هواية كانت قبل اختراع الديجيتال والكمبيوتر غير متاحة للجميع لكن الآن أعتقد مفيش حد مش بيصور
:)

ايوية
الاحتراف بروح الهاوي لا يقتل الفن
ولكن الاحتراف عشان لقمة العيش وبالشعبي كده
سبوبة
ده أكيد بينتج مسخ مش فن

خالص تحياتي للجميع