هناك مثل مصري قديم بيقول : الخواجه لما يفلس بيدور في دفاتره القديمة ، وهذا ما فعله نجم العضلات الهوليودي سلفستر ستالوني بعد أن انحصرت عنه الأضواء فرجع إلى دفاتره القديمة والأكثر نجاحا وربما التي كانت من أهم أسباب نجاحه سلسلة أفلام روكي فقام بعمل جزء جديد لينضم لباقي الأجزاء ولكن روكي هنا أصبح عمره فوق الستين وحقن البوتكس وشد الوش آثارها واضحه فلا يوجد أي تعبيرات على الوجه ، ثم يكرر الخواجه ستالوني البحث في دفاتره القديمة ليخرج علينا بفيلم آخر من سلسلة رامبو وأسماه جون رامبو وهو من انتاجه واخراجه كما أسمى الجزء الأخير من روكي باسم روكي بالبوا وكأنه يخرج علينا بالاسم بالكامل وربما يخرج علينا بفيلم آخر ويسميه جون رامبو السيد حتى يكون الأسم ثلاثيا .. تعبيرات وجهه مازالت جامده وصوته مازال جاهوري وفمه مازال يعوج عند الانفعال ، ربما لم تطوله ابر البوتكس بعد
خلاصة الكلام ده كله .. إن الممثل في
هولييود أضعف من الممثل في مصر ويعتمد فقط على الامكانيات المادية في الصرف على الفيلم والخدع البصرية وتاريخ الممثل والاعتماد على السمعة بينما الممثل في مصر كلما كبر في السن كلما ازداد قدرة على التعبير وعلى الابداع والتعبير بوجهه ولم نسمع عن ممثل مصري شد وجهه أو ضرب حقنة بوتكس في خدوده .. لو اعطي الممثل المصري نفس امكانيات هولييوود في الصرف على أفلامه لشاهدنا أروع الأعمال من حيث الآداء والاتقان
7 comments:
تصدق فعلا انا لما شوفت الاعلان بتاع الفيلم مرضيتش انزله اساسا ولا عاوز اشوفه لان مينفعش بعد مشفت فيلم رامبو بتاع زمان افكر اشوفه وهو اونكل كده او جدو من الاخر حتي شكله غير مقنع
وغير كده خلاص سيلفستر راحت عليه
واخر فيلم شوفتهوله وعجبني كان فيلم اساسينز او القتله بتاع الراجل ده وانطونيو بندارس
ومن بعدها معجبنيش اي فيلم ليه
ما علينا
ياريت تعدي وتشوف اخر اخبار مدونتي المتواضعه وليك وحشه يا شقيقي
بص انا معاك فى كلامك كله ومؤيداه بس مننكرش ان فعلا امكانياتهم فى الانتاج والمصاريف سنداهم كمان ومش كل المصريين لما بيكبروا بيكونوا كويسين بدليل مريم فخر الدين اللى بتخرف دى
والله احنا عندنا حجات كتير قوى احسن من برة مش بس الممثلين بس مين يقراء ومين يسمع ومين يستفيد بالخبرات
اهم حاجة ان ال السبكي يبعدوا عن السينما وساعتها كل حاجة هتبقى تمام التمام
تحياتي يا فنان
تامر حسين
ياااااه القتلة
ده فيلم قديييم قوي
على كده انت بطلت تتفرج على ستالوني من 15 سنة
:)
appy
أنا أقصد الممثلين الرجال
مش الممثلات الحريم
يعني مثلا محدش يقدر ينكر لمعان النجم محمود يس في فيلم الجزيرة
:)
ايوية
مع الأسف بلدنا أصبحت طارده للخبرات .. أغلب أصحاب القدرات والمتميزين بيسعوا إلى السفر سعيا وراء المادة .. وده من حقهم
ولا أيه
:)
A.SAMIR
ولاد السبكي وربما احفاده شكلهم كده دخلوا اللعبة
وده شيء من العدل
:)))
خالص تحياتي
أنا مش باحب ستالونى
ومعاك فى ان ممثلين مصر عندهم ابداع اكتر فى التمثيل خصوصا لما بيكبروا
بــــــــــاى
نهى منير
متشكر على تعليقك
خالص تحياتي
Post a Comment