ناس نفسها تعيش .. أغنية من واقع الحياة
كلمات ولحن وآداء : ياسر حسين
نفسي في رغيف العيش
نفسي في إزازة الزيت
نفسي أحس إني عايش
وإن عندي بيت
نفسي أحب وأتحب
ويكون لي زوجة وعيال
نفسي أعيش في بلدي مرتاح
ومشيلش هم المال
ناس كتير نفسها تعيش
لكن مفيش رغيف العيش
نفسي في بق ميه نضيف
نفسي اصيف في حر الصيف
نفسي اتغطى وأنا بردان
نفسي آكل مابتش جعان
ناس كتير نفسها تعيش
لكن مفيش رغيف العيش
اضغط للمشاهدة على موقع يوتيوب
14 comments:
اول كومنت
اعتقد ان الابيات دي تصلح لمواطن في دولة لسة بتتبني جديد
يعني ممكن يكون بيغنيها وهو قاعد في جزيرة في المحيط الهادي
انما المصيبة ان دة فعلا حال مواطن عادي في دولة عمرها 7 الاف سنة
تحياتي واحتراماتي
السلام عليكم
للأسف الشديد فعلاً إن الأبيات دي لا يوجد فيها إلا الأشياء الأساسية اللي بيحتاجها الإنسان علشان بس يعيش .
يعني الأساسيات بس
ومع ذلك فهي للأسف أصبحت أحلام صعبة التحقق لأي مواطن مصري .
كلمات جت على الوجيعة
واللحن والاداء والمؤثرات الصوتية كمان خدمت الموضوع
تحياتى يا فنان على فنك الجميل
عمرو إسماعيل
عازف كمان
الكلام حلو موت بس مع الاسف ان الفيديو بيديني انتس نوت افيلبول
شكله اتشال من اليوتيوب
تشك عليه تاني بليز
سي يو حبي
A.SAMIR
مع الأسف دي الاحلام المشروعة لناس كتير وبيجدوها بصعوبة
:(
خالص تحياتي
علاء سالم
وعليكم السلام ورحمة الله
مع الأسف فعلا اصبح صعب انك تتجوز ويكون لك بيت وفي ناس رغيف العيش بالنسبة لها اصبح حلم
لكي الله يا بلادي
:(
خالص تحياتي
عمرو إسماعيل
مرحبا بك في كارتونيا
صديق جديد ودائم ان شاء الله
أشكرك على ثناءك على اللحن والآداء
تقريبا اول تعليق يجي لي ع النقطة دي
:)
خالص تحياتي
تامر حسين
أخي الحبيب لا يوجد مشكلة في اليوتيوب
غير كده انا رافع الفيديو ع المدونة مباشرة
وعشان خاطر عيونك حطيت لنك كمان لليوتيوب
واتمنى لك استماع جيد
وانها تعجبك لأن رأيك الموسيقي يهمني
خالص تحياتي الاخوية
فعلا هيا أغنية من واقع الحياه
وفيه مطلب بأهم أساسيات الحياه رغيف العيش وأن الواحد نفسه يعيش
بس هل ده بقى ممكن
bos bos
حمدلله ع السلامة
من زمان مش بنشوف تعليقاتك الجميلة
وألف مبروك ع الخطوبة
ربنا يوفقك
أشكرك على تعليقك
خالص تحياتي
انا حاسس ان الغنوة دى عبارة عن مظاهرة وهتافات وناس بتكسر فى زجاج
الكلام بيحمل معانى كتير واللحن مرعب
لكن الصوت مش واضح قوى
لو ده صوتك بصراحة
مش صوت مغنى
لو فى حد ممكن تستعين به يغنيها يكون أحسن
ناصح أمين
ناصح أمين
أشكرك على نقدك الموضوعي
هو بالفعل هتافات ومظاهرات للتعبير عن غضب داخلى لشخص نفسه في كل اللي اتقال
ممكن تقول غنوة درامية
تمثيل يعني
غير كده انا مش مغني
أنا مؤدي وبأحاول أوصل فكرة معينة
يعني الموضوع مش محتاج مطرب يطربنا
لأن الكلام مش كلام أغنية طربية
:)
خالص تحياتي
ياللى إنت نفسك فى الرغيف طب ما الرغيف ساهل..دور على حاجة تانية يا ابنى تستاهل..مثلا.تموت وسط أهلك مش ف وسط الموج..زى اللى رايح إيطاليا و إتقال عليه جاهل....وعجبى
واحد من البلد دى
راااااااااااااااااااااااااااائع
ايه ده
في الجووووووووول
الله ينور عليك
:)
خالص تحياتي
Post a Comment