جميع المواد المنشورة بالمدونة تخضع لقوانين حماية حقوق الملكية الفكرية .. وأي نقل أو إقتباس بدون ذكر المصدر يعرضك للمساءلة القانونية

Monday, August 18, 2008

AFRICAN FACE

اضغط على الصورة للتكبير
كالعادة قاعد باشخبط وأطلقت للقلم العنان وبدون تفكير أو تحديد مسبق لما سوف اقوم برسمه خرج هذا الاسكتش ، لم أحدد هو لرجل أم لامرأة ولكني شعرت بعد الانتهاء أنه وجه أفريقي وذكرني بالاسكتشات التي كنت أقوم برسمها لأعمال النحت الخزفي قبل تنفيذها بالصلصال
في انتظار تعليقاتكم
:)

17 comments:

محمد عبد الغفار said...

بيفكرنى بكرم جابر

Unknown said...

حلوة
كنت لسه هقول فكرني بالنحت
يمكن فكرك عشان شعره مكتكت ومنخيره مفلطحه شويتين
بس تصدق مسمسم
:)
ضحكني قوي تعليق استاذ محمد عبد الغفار

بطل مصر الخارق said...

الله ينور يا فنان
أنت اثبت إن رسامين الكاريكاتير
ليهم فى الفن التشكيلى
وكمان كنت يتشتغل نحت
أول زيارة ومش هتكون الاخيرة
سلام يانجم

AHMED SAMIR said...

بيفكرني اكتر بالقضاة اللي بيبقوا في المحاكم الامريكية
اللي بيبقى شعرهم عجيب كدة وملفوف
بس شخابيطك فن يا فنان
تحيااتي

Mahmoud البطراوى said...

انا بقالى كتيييييييييير اوى معلقتش هنا يجى من سنه
:D
بس شدنى السؤال فقلت اجاوب

الصوره لحد بيجى فى الاخبار من بتوع السودان
معرفش اسمه ايه
لما اشوفه هقولك عليه

Anonymous said...

محمد عبد الغفار said...
بيفكرنى بكرم جابر

==========

جدا
انا اول ماشفتها كرم جابر اترسم قدام عيني على طول

Yasser Hussein said...

محمد عبد الغفار
تصور .. طلع شبهه بجد
:)

خالص تحياتي

Yasser Hussein said...

لماضة
بصراحة انا في الاول كان تايه عن بالي مين كرم جابر
لحد ما افتكرت انه لاعب مصارعة مصري
:)
وحلوة مسمسم دي

خالص تحياتي

Yasser Hussein said...

بطل مصر الخارق
مرحبا بك في كارتونيا
صديق جديد ودائم ان شاء الله
بالفعل فناني الكاريكاتير الحقيقين
مارسوا الفنون التشكيلية وعلى سبيل المثال لا الحصر
الفنان مصطفى حسين خريج فنون جميلة قسم تصوير زيتي
والفنان الكبير الراحل زهدي العدوي له أعمال نحتيه مميزه
والفنان ناجي كامل والفنان بهجوري له أعمال نحتيه وتشكيلية أيضا
لذلك أنا لاأعتبر نفسي شيء ملفت
لأن كل ما سلف ذكرهم من فناني الكاريكاتير الكبار مارسوا الفن التشكيلي مع الكاريكاتير
:)
أشكرك على التعليق

Yasser Hussein said...

A.SAMIR
تشبيهك في مكانه يا دكتور
:)

خالص تحياتي

Yasser Hussein said...

بطوط حبوب
أولا منور كارتونيا
ثانيا ليه معلقتش يجي من سنة .. مفيش موضوع خالص لفت انتباهك هنا
:)
ثالثا أنا لم أطرح سؤال الشخص ده يشبه مين لأنه اسكتش غير محدد الهوية
يعني تقدر تقول تخاريف قلم رصاص
هههههههههههه
في انتظار اسم بتاع نشرة أخبار السودان
:)

خالص تحياتي

Yasser Hussein said...

ketchup
على كده كرم جابر ده يستحق أنه يتحول لشخصية كارتونية
:)))

خالص تحياتي

koukawy said...

تحس انك نحته مش رسمه
موصلي احساس التحمل ..... الوش منحوت نحتة اللي اكل عليه الدهر و شرب
بقول كلام كبير انا اوي
ههههههههههههههههههه

koukawy said...

بس تعرف بعد نظره تانيه هو مفيهوش من الوجه الافريقي الا مناخيره
بس بقيته روماني

Yasser Hussein said...

koukawy
ماهو على راي الاستاذ محمد عبد الغفار شبه كرم جابر
بيلعب مصارعة روماني
الظاهر عشان كده مناخيره بقت روماني
:)))))))))))

خالص تحياتي

Unknown said...

دى شخبطة
امال لو عن قصد بقى وناوى ترسم كنت طلعت ايه
بجد فنان حقيقى مش اى كلام
والخلاصة الله عليك

Yasser Hussein said...

ayman badr
أخجلتم تواضعنا
:)

خالص تحياتي