في يوم ثلاثين سبتمبر 2008 وأنا في مطار الكويت الدولي ورايح أستقل الطائرة إلى القاهرة لقضاء عيد الفطر المبارك بين الأهل والأصدقاء
قابلت المدون الجميل والمرح شــــاه صاحب مدونة شهراميات ، وأول ما قلت له لو أحنا كنا متفقين أننا نتقابل مكناش هنتقابل كده
وقلت له لازم نتصور مع بعض وأنزلها في مدونتي وبالفعل آخذ لنا الصورة دي أحد العمال في المطار وده يمكن سبب أنها طالعه مهزوزه شوية لكن يكفي اني سجلت الحدث اللي سعدت به جدا خاصة أني شعرت أنه صديق عزيز جدا وكأننا نعرف بعض في العالم الواقعي منذ زمن وليست مجرد علاقة في العالم الافتراضي سواء على المدونات أو على الفيس بوك
أتمنى أن يكون قد قضى أجازة سعيدة في مصر
خالص تحياتي إلى شـــاه وإلى كل الاصدقـــاء
11 comments:
الحمد لله وصلت فى الوقت الماسب ولحت اول تعليق
صديقى العزيز
بالفعل عندى صديق هو الاقرب الى على الاطلاق واسمه صلاح يسموننا الوأم
ولكن لم نتفق مرة على مكان نتقابل فيه الا وتخلف كلانا عنه
ولكننا نتقابل كثيرا وبدون اى موعد
تحياتى لك ولصديقك
بصراحه احلي مقابله اللي تكون صدفه
ربنا يديم صداقكتكم
تحياتي
كيارا
الازهرى
مرحبا بك في كارتونيا
صديق جديد ودائم ان شاء الله
تحياتي لصديقك صلاح
وربنا يديم الود
خالص تحياتي
كـــيــــــــارا
مرحبا بيكي في كارتونيا
صديقة جديدة ودائمة إن شاء الله
على فكرة شــاه صديق من خلال المدونات والفيس بوك
وكانت دي اول مرة في حياتنا نتقابل
:)
خالص تحياتي
الحقيقه من الواضح ان شاه من الشخصيات الحبوبه ومع الاسف انا قابلته مره واحده عالفيس بوك واتكلمنا لكن ملحقتش اتكلم معاه غير دقيقتين لاني كنت مشغول في الاستوديو كالعاده ولما خرجت ملقتهوش اون لاين اتمني اقبله تاني يا يسور ولو شفته اون لاين ياريت تسلملي عليه اوك
سي يوز
تامر حسين
فعلا يا تيمو شاه حبوب جدا
إن شاء الله لو حصال واتقابلنا تاني او اتصلنا ببعض هأبلغه سلامك
خالص تحياتي
علي فكره هو بعتلي ايميل بيقولي ان كتب كتابه يوم الجمعه بس مع الاسف انا عندي بروفه وحفله ومش هخلص قبل واحده بالليل
بس بجد ربنا يوفقه
تحياتي
تامر حسين
اشكرك على الخبر الجميل ده يا تيمو
وألف مبروك لشاه وعقبال الجميع
خالص تحياتي
مفاجأة جامدة جداااااااااااا اني اشوفك في المطار
و مفاجأة اشد و اجمل اني الاقي صورتنا هنا في مدونتك الجميلة
احب اشكر تامر حسين الاول على التسييح اللي عامله لكتب الكتاب و يا ريتك كنت جيت
بس ملحوقة في الليلة الكبيرة ان شاء الله
الصدفة بجد كانت رائعة, و مش عارف ازاي اول ما شفنا بعض عرفنا بعض على طول من غير حتى انا بشبه عليك شفتك فين؟؟
وسلمت عليك كأني مشفتكش من 30 سنة
و اتكلمنا في مواضيع خاصة جدا من اول ما كان الوالد الحاج حسين فتوة مصر
فعلا رب صدفة خير من الف الف ميعاد
لنا لقاء ان شاء الله في الكويت
سلام مؤقت يا فنان
منور يا شاه
وألف مبروك
وربنا يديم المحبة
بس ابويا الحاج حسين مكنش شغال فتوة
:)
هو بس لما كان بيتطلب الامر للجوء للعنف للدفاع عن حقه
مكنش بيتأخر
:))))))))
خالص تحياتي
Post a Comment