جميع المواد المنشورة بالمدونة تخضع لقوانين حماية حقوق الملكية الفكرية .. وأي نقل أو إقتباس بدون ذكر المصدر يعرضك للمساءلة القانونية

Friday, December 12, 2008

مسلسل ضرب الأزواج

وأنا بأدعبس في ارشيفي لقيت بعض الكاريكاتيرات التي لم تنشر سواء في الصحف أو على الشبكة العنكبوتية ، حيث وجدت هذا الكاريكاتير الذي كنت قد قمت برسمه بالالوان المائية ، فقمت باخراجه على الكمبيوتر لاعرضه عليكم حيث انه ليس مجرد كاريكاتير لسيدة تضرب زوجها لأنه تأخر عن المنزل ولكنه يحمل في طياته معاني أخرى من الممكن بقليل من التفكير ،يستطيع المشاهد أن يصل إلى تلك المعاني
في انتظار تعليقاتكم
:)

9 comments:

Unknown said...

هاهاهاهاهاىىىىىىى
حلو جدا الرسمه دي
الست مستقويه على الراجل الغلبان يا عيني
بس خلي بالك
المسلسل ده جديد في الاسواق
زمان الست هي اللى كانت بتنضرب
ومازالت

نبيله الوكيل said...

ايه الجبروت دا بقا ؟؟


قصدك ايه يعنى بضرب الازواج واحنا مش بنشوف الناس دي ليه ؟؟؟؟؟؟

عموما دايما الكاريكاتير ومعظم الفنون بتكون عن تجربه

فلو انت حاسس بالقهر احنا ممكن نتوسط وكده )؛

عموما ازيك يارب تكون كويس انا نبيله لو فاكرنى وكنت منقطعه من فتره طويله

بس كنت ببص علي كام مدونه من وقت للتانى وعلي طول متألق

بس خلاص ... said...

اول تعليق .... شفت الهنا اللى انا فيه
تصور ياستاذ ياسر انى لسه عامله بوست حالا عن صورة من صور الستات المفترية ... وهى الست اللى بتستنزف زوجها ماديا ..بس للاسف انا مش باعرف ارسم كاركاتير استعرت صور من جوجل

بس خلاص ... said...

جميلجدا جدا الكاريكاتير وواضح فيه جدا ذكاء حضرتك من خلال التوريه الموجوده فى اسم الست فيله .. ماشاء الله عليك يسلم قلمك ويسلم فكرك ..ودائما تسعدنا ثبخفة ظل كاريكاتيراك

Yasser Hussein said...

لماضة
المسلسل مش جديد في الاسواق ولا حاجة
والكاريكاتير مسلط الضوء عليه من اكتر من عشرين سنة
:)

Yasser Hussein said...

نبيله الوكيل
اولا ظاهرة ضرب الزوجات للازواج موجودة بالفعل
لدرجة ان عمرو اديب افرد لها حلقة كاملة من برنامج القاهرة اليوم
واستضاف فيها رؤساء 3 جمعيات تم تأسيسها لحماية الازواج من بطش الزوجات
غير كده حضرتك هتشوفيهم فين؟
أما تعليقك الظريف أن معظم الفنون بتكون عن تجربة وأني حاسس بالقهر
فلا تعليق عندي سوى إن دمك خفيف
ولا يشترط على سبيل المثال أن أذوق الفقر حتى أعبر بالكاريكاتير عن الفقراء
بتقولي كنتي منقطعة من فترة طويلة
لعل المانع خير
:)

Yasser Hussein said...

بس خلاص ...
شكرا على تعليقك
بس انا مش قصدي التورية اللفظية للاسم فقط
وان كان ده اللي وصل لك
فده شيء كويس
:)

koukawy said...

هل انت تقصد شئ بكفيله دي؟؟؟؟؟؟؟؟؟؟

Yasser Hussein said...

koukawy
المعنى في بطن الشاعر
:)