جميع المواد المنشورة بالمدونة تخضع لقوانين حماية حقوق الملكية الفكرية .. وأي نقل أو إقتباس بدون ذكر المصدر يعرضك للمساءلة القانونية

Sunday, December 28, 2008

خواطر مزعجة

عدسة المصور الصحفي : أحمد جابر

صرح الفنان حسين فهمي أنه كان ينوي إلقاء بوش بالحذاء عندما كان في شرم الشيخ ولكنه تراجع حتى لا تحدث أزمة دبلوماسية ، لأ بجد واد تقيل .. يا ترى مين تاني كان ناوي يعمل زيه .. وتراجع ؟

*************************

تم الحكم على المدرس قاتل التلميذ إسلام بالاسكندرية بعقوبة ستة سنوات ، الحكم لم يرضى أهل الفقيد ، استوقفتني عبارة يرددها بشكل دائم والد إسلام ومن بعده عمه وهي : جايبين عيل عمره 23 سنة يدرس للعيال .. عيل بيدرس لعيل

أمال لو كان خريج مدرسة المعلمين اللي كان بيتخرج منها مدرسين الابتدائي زمان بعد دراسة لمدة خمسة سنوات بعد الاعدادية كنتم قلتم ع المدرس أيه؟

*************************

بعد ما حدث من ضرب للفلسطينين على ايدي الصهاينة الانجاس تعالت الاصوات تسب في مصر وتطالبها بالتدخل

أنا بأقول للأصوات دي .. أنتم عايزين أيه بالضبط؟

ويا ريت الاصوات اللي بتسب عمال على بطال ومش فاهمة حاجة تحط في بقها جزمة مقاس 48 وتبطل قلة أدب

**************************

الكابتن ابراهيم حسن انفعل في الجزائر وعمل حركة مش لطيفة بذراعه للجمهور ، مش فاهم ايه حكاية لغة الاشارة مع الكابتن زمان برضه عمل حركه بصباعه ، ويبدو إن التطور الطبيعي للصباع أنه يبقى ذراع

*************************
ده برومو تجريبي لـ ياسرتوون ستوديو يهمني رأيكم

******************************************
فنان الكاريكاتيرالعربي بين الفن ولقمة العيش .. مقال بقلمي في موقع بيت الكرتون العربي
لقراءة المقال وإرسال تعليق عليه اضغط هنا
:)

18 comments:

Anonymous said...

el Mawdoo3 gameel gedan.. begad maqala to7fa wel Video a7la.. we kol a3mal 7adretak gameela .. rabena yewafak.

تامر حسين said...

والله هي مزعجه فعلا والي شدي اكتر حكايه الي عاوزين مصر تتدخل
محسسني ان مصر الماسوره الام في كل حاجا
هو صحيح تعبير سباكيني شويه بس بجد الناس مورهاش غير التسخين عمال علي بطال ووقت ميحصل تدخل اول حاجا يعملهوها هو الانقلاب ضدنا
تحياتي وحركاتي

Shimaa Esmail said...

السيد الأستاذ/ ياسر حسين
صاحب مدونة / كارتونيا
" تحية طيبة" وبعد..
اعتذر عن الخروج من موضوع التدوينة، لكنني أرسلت لك رسالة عبر البريد الإلكتروني تتعلق باستمارة استقصاء بيانات عن المدونات المصرية.
أرجو الاهتمام والرد سريعا بالإيجاب أو السلب.
تحياتي وتقديري
شيماء إسماعيل
باحث ماجستير- كلية الآداب جامعة القاهرة.

koukawy said...

ما هو عمر ما هيبقي فيه حكم علي المدرس يشفي غليل الأهل حتي لو كان 60 سنه سجن

Unknown said...

كلمات جميلة مكثفة ومعبرة بس الفيديو مش هو ده مستوى الفنان ياسر حسين
يعنى مش عاجبنى تقليدى شوية ومفيهوش جديد

Yasser Hussein said...

reham salem
اشكرك على تعليقك هنا وفي بيت الكرتون العربي
ويسعدني إن في متابعين لي في الولايات المتحدة
شرفتي كارتونيا بالزيارة والتعليق
:)

Yasser Hussein said...

تامر حسين
مصر كأكبر وأقدم دولة عربية في المنطقة هي الام بالفعل ولكن لايصح أن تسب ويستثار شعبها بكلمات أقل ما يقال عليها انها قلة أدب من جهات لا تعلم أي شيء في سياسات الدول

Yasser Hussein said...

Shimaa Esmail
مرحبا بيكي في كارتونيا
اعتذر عن عدم المشاركة
مع خالص تمنياتي بالتوفيق
:)

Yasser Hussein said...

koukawy
بنظرة عقلانية بحتة
اولا مفيش مدرس بيضرب تلميذ متعمد قتله وإلا كان اعتبروه مختل عقليا وطلع براءة
ثانيا أي حد مكان أهل الفقيد مكنش هيرتاح غير لما يشوف قاتل ابنهم متعلق في حبل المشنقة سواء كان قاصد يقتله أو مش قاصد
الله يرحمك يا اسلام ويصبر أهلك
ويهدي المدرسين اللي بتنفعل على التلاميذ

Yasser Hussein said...

أيمن بدر
أنا سعيد جدا برأيك في الفيديو
هو فعلا تقليدي نوعا ما
لكنه مجرد تجربة
إن شاء الله يكون القادم أفضل
:)

Anonymous said...

انا اقول لحضرتك مصر تعمل ايه
تسحب السفير وتطرد السفير
وتوقف تصدير الغاز تنفيذا لحكم القضاء
ومسالة جزمة مقاس 48 ما يصحش يقولها فنان مرهف الحس لحد مختلف معاه فى الراى

Yasser Hussein said...

سما احمد
لو سحب السفير وطرد السفير ووقف تصدير الغاز هيحرر فلسطين ويوقف الضرب في الفلسطنين أكيد الحكومة المصرية مكنتش هتستنى لامظاهرات ولا حد يشتم في مصر
وأما مسالة جزمة مقاس 48 واللي ما يصحش يقولها فنان مرهف الحس لحد مختلف معاه فى الراى
بمنتهى البساطة أي حد يسب بلدي ويحرق علمها معندهوش عندي غير الرد ده
مفيهاش بقى لا فنان ولا مرهف الحس
فيها مصري غيور على بلده اللي بتتشتم
وهي لا تستحق ذلك

تامر حسين said...

الي اخي وصديقي الفنان ياسر حسين انا احييك في اخر رد رديته علي الاخت سما
واحب اقولها شالو الدو وجابو شاهين
وربنا يخليلنا شعبان عبد الرحيم
وبالمره لما تحبي تبقي تقولي لمصر تعملي ايه متضيعيش وقتك وتخشي وتتعبي نفسك عشان تقولي ميصحش يقولها فنان مرهف
ابقي روحي للجهات المختصه وهي هتقطع عنهم الغاز وربنا يستر وميقطعوش عنك الكهربه والغاز والميه بالمره
سوري علي كلامي السمج بس هي جت كده بقي

المـــفـــــــقــــــــوعـــــة مــرارتـهــا said...

انا يوم ماقلت اننا مش عاوزين حرب ولا نقدر علي حرب فيه الناس هجمتني
فاكرين الحرب دي رحلة هانروحها
الحرب دي دمار وخراب ولا احنا ولا شبابنا المغيب هانغقدر نغطيها
هانعمل ايه في الشباب عاوز يحارب احنا ننزلهم ببراشوت علي غزة ونشوف هايحاربوا ازاااااي ؟
تحياتي

Yasser Hussein said...

تامر حسين
عادي يا تيمو
دي وجهات نظر .. منور كارتونيا
:)

Yasser Hussein said...

المـــفـــــــقــــــــوعـــــة مــرارتـهــا
الكلام مافيش اسهل منه
والمصطلح الشعبي
فلان فنجري بُق
ينطبق على ناس كتير بتطلع تشتم وتشجب وتدين ولكن ساعة الفعل كله بيجري ويستخبى تحت السرير
:)))))))))

Anonymous said...

بيتكلموا عن مصر وكان مصر هى اللى بتضرب فى غزة

Yasser Hussein said...

Anonymous
معلهش
ربنا يسامحهم
بكره يعرفوا قيمتها