جميع المواد المنشورة بالمدونة تخضع لقوانين حماية حقوق الملكية الفكرية .. وأي نقل أو إقتباس بدون ذكر المصدر يعرضك للمساءلة القانونية

Monday, September 7, 2009

رامز حول العالم

أيه احساسك لو صورت لقاء تلفزيوني مع التلفزيون الصيني واكتشفت بعد ترجمة اللقاء إلى اللغة العربية إن المذيع بيقول لك
الله يحرقك
ده السؤال اللي قفز إلى ذهني وأنا أشاهد احدى حلقات برنامج رامز حول العالم الذي يقدمه رامز جلال
وكانت في الصين حيث تمدد رامز لعمل مساج لجسمه وقدميه
وأخذ يتوجع ويشتم في القائمين على المساج وهم يبتسمون لأنهم لا يعلمون طبعا أنها شتائم
وعلى رأسها كما ذكرت عبارة الله يحرقك
مع الاسف بالرغم المصاريف الباهظة لتصوير هذه الحلقات والانتقال من بلد إلى بلد
والمخاطر التي تعرض لها رامز من قفز وغطس وضرب نار
إلا أن البرنامج يفتقر إلى الاعداد لما يجب أن يقول وما لا يجب أن يقول
ولا أيه رأيكم
:)

8 comments:

تامر حسين said...

حمدله علي سلامتي بما اني بقالي كتير مش بخش علي البلوج المتألق كارتونيا
انا معاك يا اخي العزيز في الموضوع ده مليون الميه وحتي ياسيدي بلاش يترجم وكل الحوارات دي مهو في صينيين في بلدنا بيتكلمو عربي اكتر احسن مننا
بس هتقول ايه
ربنا يستر
تحياتي البلوجريه

Sonnet said...

السلاعليكم
حضرتك معك حق
بالرغم من ان الفكرة جيدة لكن الاستظراف و العبارات الغريبة تسقط من اسهم أى برنامج
كل رمضان و حضرتك بخير

ياسر حسين said...

تامر حسين
ازيك يا تيمو
فينك في عالم التدوين من زمااان
حمدلله ع السلامة
فعلا في صينين بيفهموا عربي
ربنا يستر ومتحصلش ازمة دبلوماسية
:)

ياسر حسين said...

Sonnet
كلامك تمام
واهلا بك في كارتونيا
:)

camera_girl said...

ايوالله كلامك حكم يا أستاذ

دى قلة ادب ده مش افتقار لللأعداد ده افتقار لللأدب ولأخلااقيات الأعلام...ده حاجه تقرف

ياسر حسين said...

camera_girl
مرحبا بيكي صديقة جديدة لكارتونيا
اشكرك على تعليقك
أنا زرت مدونتك ولقيتها لطيفة جدا
:)

Sharm said...

طبعا موافق جدا للي قلته

ياسر حسين said...

Sharm
شفت بقى مش قلت لك
:)
اشكرك على تعليقك