فلحوط بعد أن أعلن أمام الجميع وعلى الهواء مباشرة في اللقاء التلفزيوني ... إن زقلوط هو الكاتب الشاب الوحيد الواعد .. كان متوقع أن يبادله زقلوط نفس هذه المجاملة في أول لقاء تلفزيوني له ... فعندما سألت المذيعة زقلوط من هو الكاتب الذي ترى أنه يمثل جيلك من الكتاب الشبان ... أجاب زقلوط سريعا ضاحكا ... هاهاها .. هما فين الكُتاب الشبان دول؟ .. أعتقد إن أنا أول جيلي ويمكن بعد كام سنه يطلع واحد ولا أتنين يكتبوا حاجة تنفع تتقري ... انفجر فلحوط من الغيظ .. وضرب شاشة التلفزيون بزجاجة الكاتشب التي كانت في يده .. إنفجرت شاشة التلفزيون .. وتطايرت شظاياها في الهواء .. في حين فلحوط أخذ يصرخ : الواطي .. الجبان .. بقى بعد ما أطلعه السما ... يتجاهلني كده .. يرن التليفون فيرفع فلحوط السماعة صارخاً ..آلو .. مين معايا .. يرد عليه صوت مألوف ... آلو .. أزيك يا أستاذي .. شفت البرنامج بتاعي ؟ .. إن شا الله يكون عجبك .. يشعر فلحوط أن الدنيا تدور به .. غالباً من ارتفاع ضغط الدم الذي اصابه .. يرد ببرود .. زقلوط .. يا سلام .. ده برنامج جميييل .. وكنت منور ع الشاشة لدرجة إنها إنفجرت من كتر النور
4 comments:
البوست دة اكيد بمناسبة المسخرة الاعلامية اللي شغالة بين الاعلاميين اليومين دول
تمام يا ريس هو بالفعل كده وبالرغم أني كاتبه من سنتين فاتوا الا أني أرى أنه مواكب جدا للاحداث اليومين دول
:)
يستاهل فلحوط أنه قدر زقلوط إلي واخد في نفسه قلمين وكل واحد يتقدر زيه وهو ما يستاهلش، وفي منهم كتير
الشجرة الأم
مرحبا بكي صديقة جديدة لكارتونيا
وأشكرك على تعليقك
:)
Post a Comment