جميع المواد المنشورة بالمدونة تخضع لقوانين حماية حقوق الملكية الفكرية .. وأي نقل أو إقتباس بدون ذكر المصدر يعرضك للمساءلة القانونية

Wednesday, March 14, 2007

!!وأنا كمان بحب الحمار


لا أعرف ما وجه إعتراض أصحاب الأقلام والنقاد وربما بعض الناس على حب المغني الشعبي سعد الصغير للحمار؟
فلقد سبقه في حب الحمار العديد من المفكرين والكتاب والفنانين
فلا أحد ينسى حمار الحكيم للاديب والكاتب الكبير توفيق الحكيم
ولا كتاب حمار من الشرق للكاتب الساخر الكبير محمود السعدني
ولا جمعية الحمار التي كانت احدى عضواتها البارزين الممثلة نادية لطفي
و أنا شخصياً أحب الحمار وأحب النظر في عينيه وأحب أن أرسمه وأجد متعه في رسمه
فالحمار حمال الأسية يحمل الاثقال على ظهره ولا يشكو ... يتعرض للضرب من صاحبه ولا يشكو
والحمار أكثر ذكاء من البني آدم بدليل أنه يمكنك أن تقابل حمار متنكر في شكل بني آدم ولكنك لا تجد بني آدم متنكر في شكل حمار ... وعجبي

10 comments:

أحمد مختار عاشور said...

بوست مهم
بس مشكلته الوحيد
ان بطل البوست مش هيحس ان فيه ناس بتدافع عنه
ليه
عشان هو حمار
..............
ادخل موقع
youtube.com
اكتب فى البحث
"بنحبك يا حمار"
هتلاقى قصيدة للشاعرة ايمان بكرى
و أفطس من الضحك
........
تحياتى

أماني said...

أنا أول مره أدخل المدونه اللذيذه دي...و ده أول بوست أقراه...و بصراحه...أنا مش من الناس إللي إعترضت على أغنية سعد الصغير "بحبك يا حمار"...و معنديش إستعداد أعترض على كلماته قبل ما أتقبل صوته...و أعتقد إن ده مش هيحصل
بس أنا طبعا سمعت الأغنية...و مش عارفه ماله الحمار؟؟؟ إيه الناس الغريبه دي...بس أنا أقولك هم ليه إعترضوا...يمكن لأنهم بيعتبروا الأغنية تحديف كلام...و إللي على راسه بطحه بقه...يمكن...و يمكن لأن الناس معترضه ع المطرب نفسه و علقوا قرفهم ع الحمار...برضه يمكن...الله أعلم
بس أنا هستغل وجودي عندك...و أعلن إن أنا كمان بحب الحمار...و هو عسووول أوى...و فعلا عنيه حلوة...و عايزه أقوله ميزعلش...و أهي الأغنيه إللي متصيبش تدوش...و أديك إتشهرت برضه
:)

Anonymous said...

يمكنك أن تقابل حمار متنكر في شكل بني آدم ولكنك لا تجد بني آدم متنكر في شكل حمار ... وعجبي هههه الصراحه انا عجبني اوي التعبير ده مع اني حاسس ان في الاغنيه دي نيه تانيه غير الحمار بس مش مهم بقي المهم ان الموضع جميل وشد حيل ومتحرمناش من تعليقاتك الازعه

تامر

ياسر حسين said...

أحمد مختار عاشور
على فكرة يا دكتور أحمد أنا بحب الحمار فعلا .. والحمار اللي بتحبه الشاعرة المذكورة أعتقد أنها تقصد بيه فصيلة تانية من الحمير غير اللي أنا بحبها ..
إحتمال قصدها الحمار المخطط


أماني
شكراً لزيارتك لمدونتي واتمنى انك تداومي علي زيارتها ستجدين ان شاء الله مايسرك
وفعلا زي ما بتقولي الحمار عسوول أوي وفعلا عينيه حلوة ... يبقى أكيد سعد الصغير مش بيرمي كلام على حد عشان مفيش حد عينيه فى جمال عينين الحمار... وعجبي



تامر
نورت المدونة وجميل ان الجملة الاخيرة دي علقت معاك كان نفسي تعلق مع الكل عشان انا حاطط فيها البهايز
بس على فكرة محدش علق على الرسم ..هو مش حلو ولا أيه؟

تحياتي للجميع

BaSsMa said...

أستاذ ياسر
أشكرك على اضافة مدونتي
وشهادة عظيمة منك اني اكون في رأيك شاعرة
أتمنى اني اكون عند حسن الظن
....
وبالنسبة لموضوع الحمار
فالمطرب العظيم شعبان عبد الرحيم غناله وبالتالي الفنان الموقر سعد الصغير
ومن هنا نستنتج أن "الحمار" (اسما) أذكى من البني ادم(فعلا) لأنه بقا مشهور أوي كده زي الناس التي سبق ذكرها والتي نجحت وكسرت الدنيا تكسير لمجرد أنها تغني للحمير

دمت بخير
باسمه

koukawy said...

انا مش معترضه علي الحمار انا معترضه علي اللي بيغنيله انا شايفه ان الحمار مقامه اعلي من ان هذا النحس القصير يغنيله

ياسر حسين said...

BaSsMa
لا شكر على واجب فكتاباتك الشعرية أعجبيتني والفن لا يوجد فيه مجاملات
أما بالنسبة لرأيك عن الحمار
فهذا يضيف إلى البوست جزئية لم أذكرها
ولكني كنت أعتقد أن شعبان عبد الرحيم بيقول بأحب الحوار وليس الحمار واحتمال أكون أخطأت السمع


koukawy
مفيش حد يقدر يعترض ع الحمار لأنه في حاله وغلبان
وعلى فكرة سعد الصغير صوته مش وحش للدرجة دي بس أسلوبه الاستعراضي قد يكون مستفز

تحياتي للجميع

yoyah said...

انا كمان بحب الحمار

بجد فية حمير كتير احن من النى ادم عارفين انا شفت مرة حمار جارر عربية مليانة وصاحب العربية نازل ضرب فية هو اية مش بيحس تفتكروا الحمار لو مكان صاحب العربية كان هيمسك العصايا ويضربة ولا صاحب العربية الى قد الثور مع الاعتذار للثور يقدر يجر العربية دة لوحدة
اظن ان الحمار مكنشى هيرضى يضرب صاحب العربية

ياسر حسين said...

yoyah
اهلا بيكي في المدونة
تعليقك يدل على انك انسانة حساسة بتحس بألام كل المخلوقات وتتعاطف معاهم
بدليل سردك الغاضب لموقف صاحب العربية تجاه الحمار
ويسعدني انك مشتركة معايا ومع اصدقائي في أننا كلنا بنحب الحمار
بس ليه مدوناتك مفيهاش موضوعات؟
أتمنى أقرا لك حاجة قريب
خالص تحياتي

yoyah said...

ميرسى لردك انا الحقيقة لسة جديدة فى مضووع المدونات دة يعنى النهارضة اول يوم فية موضوع على مدونتى ياريت حضرتك تقراءة يارب يعجبك