جميع المواد المنشورة بالمدونة تخضع لقوانين حماية حقوق الملكية الفكرية .. وأي نقل أو إقتباس بدون ذكر المصدر يعرضك للمساءلة القانونية

Thursday, March 22, 2007

أغنية الكوسة.. أكشن تاني مرة

بناء على رغبة أصدقائي زوار المدونة اللي علقوا على مستوى جودة تسجيل الغنوة وكذلك رغبة الأصدقاء اللي ارسلوا لي ميلات عن نفس الموضوع ...أهدي إليكم تسجيل جديد برؤية واداء مختلف لنفس الغنوة ...مع الاعتذار عن ظهور بعض الاعلانات الغير لطيفة على الموقع المستضيف للغنوة الأولي ..أما الجديدة فلن تجدوا مثل هذه الاعلانات اللي انا بريء منها براءة الذئب من دم إبن يعقوب
خالص تحياتي وفي انتظار تعليقاتكم
click here 2 DOWNLOAD KOSA SONG 2

11 comments:

قصاقيص said...

شكراً
لطيفة فعلا بالذات مع الباك جروند
الصوتي صاحب ال
broad base
في بدايتها.......خلي معدل الفانتازيا اكتر

عمرو said...

المدونة رائعة وارجو كتابة الكثير وبصراحة الكوسة اصبحت في كل حتة

ياسر حسين said...

قصاقيص
العفو يا ستي
الحمد لله أنها عجبتك

عمرو
اهلا بيك يا كابتن صديق جديد للمدونة
أنا زرت مدونتك .. لطيفة جدا
خصوصاً لمحبي كرة القدم
يا ريت تلقي الضوء على رياضات تانية
عشان تبقى مدونة رياضية شاملة

تحياتي للجميع وللاصدقاء اللي علقوا في موقع تحميل الغنوة واللي أرسلوا لي ميلات ألف شكر على الاهتمام

koukawy said...

كده اوضح
مبروك

vetrinary said...

يااااااااااااااااااه
مش معقوله
والله العظيم بجد مش معقوله
هيا الدنيا صغير للدرجادى يا استاذ ياسر
انا كنت طالب فى المدرسه اللى انتا درست فيها فى شبرا
اكيد فاكرها طبعا
انا اكتشفت فعلا يعنى ايه العقل الباطن بيخزن كل كلمه وكل لفظ لغايه ما ييجى وقت واحنا نفتكره
انا سعيد اوى للصدفه دى اللى خلتنى اعمل رفريش لدماغى
ولذكرياتى على فكرة انتا درست ليا رسم حصتين او تلاته بس
انا عندى 24 سنه تقريبا
وطالب طب فاشل شويه
لسا فى سنه رابعه

ياسر حسين said...

koukawy
الله يبارك فيكي...المهم تكون عجبتك

vetrinary
أهلا بيك ..على فكرة أنا أشتغلت مدرس سنتين فقط وبعدين أعتزلت ..هاهاهاه
متقولش على نفسك فاشل لأن اللي دخلك الطب أكيد مجموعك الكبير ..بس دراسة الطب سواء بشري أو بيطري معروفة أنها دراسة مش سهلة ..يمكن تكون مش مقتنع بالكلية اللي دخلتها...أنا زرت مدونتك..بس بصراحة حسيت إني داخل غرزة من كتر الموضوعات حول الحشيش وصور المدخنين...على فكرة أنا عدو التدخين رقم واحد.. ياريت تغير فكرك
ولو تحب تراسلني
yasserhusseing@yahoo.com
يسعدني أن نتواصل

تحياتي للجميع

تامر حسين said...

جميل جميل استمر

ياسر حسين said...

تامرحسين
متشكر يا تامر وأبقى كرر الزيارة
خالص تحياتي

BaSsMa said...

عجيبة أوي الأغنية
بس جبت المزيكا منين
سجلتها في استديو ؟

وعلى فكرة أشكرك جدا على الصورة الرائعة لي رسمتها للفنان خالد الصاوي
هو وضعها في مدونته جميلة اوي تسلم ايديك

تحياتي يافنان
باسمه

ياسر حسين said...

BaSsMa
الغنوة دي مسجلها في البيت مش في ستوديو..في برامج على الكمبيوتر بتتيح لك امكانية التسجيل كما لو كنت في ستوديو أما بالنسبة للمزيكا فهي خليط بين مجموعة من الايقاعات قمت بتوليفها على الكمبيوتر
بس هل اعتبر تعليقك بأن الغنوة عجيبة أنها عجبتك ولا العكس؟ هاهاهاه
بالنسبة لصورة الفنان خالد الصاوي
أنا لست فنان بورتريه وقلما أرسم بورتريهات إلا للأشخاص الذين أحبهم وأقدرهم
والفنان خالد الصاوي أمتعني وأمتع الكثيرين بفنه فأستحق من الجميع التقدير
والحق يقال أن هذا الفنان متواضع جدا ولا يضع بينه وبين جمهوره حاجز
وقد أرسلت له الصورة بالميل ورد علي برسالة كلها مودة وأعتقد أن أكبر دليل على ما أقول وضعه للصورة بمدونته وتعليقه الأنيق عليها

خالص تحياتي

BaSsMa said...

يعني تقدر تعمل مزيكا
نفسي أعرف بتتعمل ازاي
وهل لازم الواحد يكون دارس المزيكا والتلحين ؟
لأن الواحد ممكن يسجل صوته بيغني بس بيفضل المشكل فين المزيكا