جميع المواد المنشورة بالمدونة تخضع لقوانين حماية حقوق الملكية الفكرية .. وأي نقل أو إقتباس بدون ذكر المصدر يعرضك للمساءلة القانونية

Friday, March 16, 2007

!!! الكوســـة


من منا لما يعاني من الوساطة أو الواسطة عندما يريد أن يقضي أي مصلحة له سواء كان تعيين في مكان عمل أوتخليص أوراق سيارة في المرور أو استخراج رخصة قيادة لأول مرة أو للتعيين كمعيد في الجامعة كخريج متفوق ، الواسطة أو الكوسة كما نسميها في مصر ، أو فيتامين واو كما يسمونها في دول الخليج هي آفة في المجتمعات العربية فهي تقضي على مبدأ تكافؤ الفرص ، وتقضي على سير أمور الحياة والمعاملات اليومية بشكل طبيعي دون تدخل طرف ثالث يلعب دور الوساطة ، عندما كنت طالب في الجامعة حصلت على تقدير جيد جدا في السنة الثانية مما حمسني أن أجتهد أكثر في السنة الثالثة حتى أكون من العشرة الأوائل على الدفعة... وكان لي زميل يرافقني دائماً ولا أبخل عليه بالمذكرات والاستشارات الفنية ... ولكنه كان كثير التقرب من أساتذتنا في الجامعة ... وكان يجاملهم ..المهم ..في نهاية العام الدراسي وجدته واحد من العشرة الأوائل ووجدت نفسي حاصل على تقدير جيد بفارق درجات بسيطة ... شعرت بالاحباط وعدت إلى المنزل لأكتب الكلمات التالية
الكوسة لما أستوت....قالت للسوس أطلعوا....في ناس كتير انكوت....وفي كتير اتدلعوا ....الكوسة دلعتهم ... طلعتهم ...واتدلعوا واتشخلعوا
وأنا لو بابيع الصبر... من كتر الصبر الناس ....الناس ولعوا

وبعد ما كتبت الكلام ده مسكت العود والاورج وكل العدد الموسيقية اللي عندي في البيت وكنت أهوى التلحين والتأليف الموسيقي من منازلهم ... وساعات كنت أكتب أغاني على قدي بأوصف فيها مشاعري آنذاك ... وأحضرت جهاز التسجيل وقمت بتسجيل لحن متواضع لهذه الكلمات التي ظلت داخل ذهني إلى يومنا هذا فالواسطة أو الكوسة مازالت موجودة بيننا وكلما مررت بموقف مشابه أتذكر هذه الكلمات
إلى أن سجلتها هذه الايام بشكل شبه محترف تمهيداً لتحويلها إلى كليب كارتون.. رسوم متحركة ... أقوم بوضعه في موقعي على النت قريباً إن شاء الله أما الآن فقد أحببت أن أعرض عليكم التسجيل الصوتي للكليب لآخذ الآراء حول التصور الكارتوني للكليب...فهناك تصور مخطط له عندي ... ولكن رأيكم هام بالنسبة لي في انتظار تعليقاتكم
ملحوظة : الموقع المستضيف للاغنية له وقت معين ويقوم بحذفها

17 comments:

وينكى said...

أنا أول واحداااااااااااا
ههههههههه حلو جدا موضوع الكوسه
وأغنيه مفيده ومغذيه زى اسمها
خصوصا لأولاد الوسايط
بس مين يسمع بقى
التوزيع بتاع الاغنيه حلو
صوت يوسف وهبى اللى فى الاخر ده لذيذ موت
مستنيين الكارتون

مشمش said...

انا التانية
جامد اوي موضوع الكوسة دة بس برضة مفيش فايدة وحتي الي بيقولو رايهم وزعلانين من موضوع الوسايط دة اكيد هما كمان اتعرضو لموقفهم في حياتهم خلاهم يلجاءو للواسطة يعني غصب عنهم ماهو مكنش في طريق تاني الا انك تعمل شريف ومتوافقش ويضيع حقك الي ليك اصلا وبتاعك وتستحقة بس مش هتاخدة الا بالواسطة يعني العيب مش في الناس دة في الي بيتحكمو في الناس وحسبي الله ونعمة الوكيل

ياسر حسين said...

وينكى
حمدلله ع السلامة بقالك مدة مزورتيناش
فعلا الكوسة لذيذة ومفيدة
بس في الأكل
مش في ضياع الفرص ووقف الحال

مشمش
اهلا بيكي في المدونة
كلامك مضبوط
بس لو الناس لجأت للواسطة كحل أخير أكيد هتقل
مش أي حاجة ندور على واسطة عشان نحققها
بس واضح أن الغنوة مش عجباكي لأنك معلقتيش عليها...واحتمال تكوني نسيتي

تحياتي للجميع

أشرف حمدي said...

أستاذ ياسر بينافسني يا جدعان
بس أنا ليا السبق في موضوع الأغاني ده , ماحدش ينسى !

للأسف لم استطع سماع الأغنية
يبدو أن مشغل
media player
ليس علي ما يرام
أتمنى اضافة الأغنية بهيئة
rm
أو
mp3
تحياتي وفي انتظار المزيد

ياسر حسين said...

الفنان أشرف حمدي
أشهد لك إن لك السبق في وضع أغانيك ع المدونة
وأنا شخصيا عاملهم دوون لوود عندي هنا
أغنية انا لك على طول برؤيتك الجديدة
وأغنية بطاقتك
وأغنية البنات
وأي تي وبحب الويندوز
بس لو تلاحظ صورتي اللي مع البوست واخدها من سنة 1996
والاغنية كتبتها ولحنتها 1992
يعنى برضه انا سابق شوية بحكم السن
هاهاهاهاهه
الملف امتداد دبليو إم أيه
وممكن يشتغل على ميديا بليير
أو وين آمب .. ورييل ون كمان
معلهش حاول انزاله مرة تانية ويهمني رأيك بعد سماع الاغنية
تحياتي

أحمد مختار عاشور said...

أهم حاجة فى الاغنية انها قدرت تخليك - اكيد - احسن و اشطر من صاحبك اللى طلع بالكوسة
..................
بحب اوى الناس اللى بتعرف تصبر نفسها من اى ظلم يحيق بهم
لأ
و كمان بطريقة مشروعة
.................
فى انتظار اغنية للقرع عشان هو اللى بيسود البلد اليومين دول

سامح عبد المنعم said...

الغنوة دي هادفة وبتقول معاني كتير
وأديك بتغني على الكوسة
أحسن من اللي غني للعنب
بس كل الناس اللي بغنوا معاك دول جبتهم منين؟

koukawy said...

انا مش متخيله ليها تصور بس انا عموما كنت كاتبه بوست عن نفس الموضوع تقريبا اسمه الواسطه المحموده

ياسر حسين said...

أحمد مختار عاشور
هفكر جدياً في عمل أغنية عن القرع بناء على طلب الجماهير ..هاهاهاه

سامح عبد المنعم
أشكرك على تعليقك
الناس اللي بتغني معايا ..صوتي برضه
بس بنظام أسمه التركات في التسجيل ممكن الواحد يسجل صوته كذا مرة مع بعض

koukawy
أكيد الموضوع اللي بنتكلم عنه مثار جدل وحافز للتعليق عليه وممكن أنا وأنت وناس كتير غيرنا يكتبوا عنه بأساليب مختلفة ... هروح مدونتك واقرا الموضوع ..بس أنا معرفتش رأيك في الغنوة

تحياتي للجميع

koukawy said...

الأغنيه حلوه بس رأي بصراحه من غير زعل
حاسه ان ممكن يتعملها لحن احلي من كده و في مشكله تانيه ان الكلام مش واضح اوي يعني انا لولا قريتها كان في كلامش هفهمه بس برافو عليك الفكره

ياسر حسين said...

koukawy
الغنوة درامية أكثر منها طربية
يعني المفروض انها هتتحول إلى شخصيات كارتونية
أما بالنسبة أنك معرفتيش تحددي بعض الكلمات فأنا معاكي فعلا صوت الايقاع عالي ومغطي شوية على صوت الغناء
الكلام ده ممكن معالجته بالهندسة الصوتية
ممكن نقلل صوت الايقاع ونعلي صوت الغنا
وممكن اعيد تسجيلها كلها
هاهاهاهاهاه
تحياتي وشكراً على اهتمامك

Anonymous said...

حلو البلوج بتاعك يا ياسر ، باين عليه بتاع فنان بجد ، انت اعطيتني الرابط من كام اسبوع ، ودخلت طليت كده بسرعة، لكن النهارده اكتشفت فيك مواهب جديدة ، عموما انا بس باسجل اعجابي وتحيتي .

حسام الدين السيد

ياسر حسين said...

حبيب قلبي وصديقي الصحفي الكبير
حسام الدين السيد
أشكرك لزيارتك وتعليقك وياريت تكررها
ويهمني آراءك في الموضوعات اللي بكتبها
كرجل له خبره فى مجال الصحافة والمواقع الالكترونية
تحياتي

قصاقيص said...

الأغنية بالرغم من إنها قصيرة وكان نفسي تبقي أطول من كدة إلا إنها تحفة لأنها بتعبر بجد عن الحال
مستنيين الكليب
"يابلادي فيكي حاجة محيراني...نزع القمح في سنين تطرح الكوسة في ثواني"0
يظهر ماساة الكوسة دي من زمان ومتأصلة فينا...خايفة لو رجعنا للتاريخ اللي بنحب اوى نقلب فيه بطبيعة الحال نلاقي الكوسة أقدم مننا إحنا في الجزء ده من الكرة الأرضية
تحياتي علي هذا البوست وهذة الأغنية الساخرة
ومنتظرة الكليب بفارغ الصبر

ياسر حسين said...

قصاقيص
أنا سعيد بزيارتك وتعليقك
الغنوة مدتها 3 دقايق وأربع ثواني
بس يمكن الكلمات قليلة
وده بسبب انى ألفتها في لحظة انفعالية معينة اشبه بالخواطر
إن شاء الله الكليب هينزل قريبا
أنا شغال فيه
تحياتي

kareem said...

هاااااااااااى
انا اول مرة ادخل مدونتك
بس عجبني الموضوع
كمان الاغنية
شكرا ليك يا فنان

كريم

ياسر حسين said...

kareem
أهلا بيك صديق جديد للمدونة
بس ليه المدونة بتاعتك مبتشتغلش
مدونة أصدقاء كريم شغالة
أما يوميات كريم فيبدو إن بها عطل ما
تحياتي