جميع المواد المنشورة بالمدونة تخضع لقوانين حماية حقوق الملكية الفكرية .. وأي نقل أو إقتباس بدون ذكر المصدر يعرضك للمساءلة القانونية

Sunday, June 17, 2007

شخبطة 2

رجعت اشخبط تاني .. بس يظهر إن الشخبطة قلبت بجد
وطلعت اللوحة دي .. وغالباً جواها افكار مستخبية
أسيبكم تطلعوا المستخبي في اللوحة دي
واروح اغطس لي شوية في بحر الألوان
خالص تحياتي للجميع

26 comments:

أشرف حمدي said...

جميل فعلا
حبيت الخلفية البرتقالي جدا خاصة وان الرسم ابيض واسود
فيه لمسات كده بتكون مؤثرة للغاية
تحياتي

شيماء الجيزى said...

تمثليه عاريه
بأفكار الافاعى
ودموع مصاحبه
لتماسيح الاخابى
ولون يجعلك
بالفرحة تباهى

ده الى توارد ليا لما شوفت الرسمه
تحياتى

Known as PHYSCO said...

جميلة ... اللى جه فى دماغى لما شفتها حد أنهك من كتر الأفكار الغريبة اللى فى دماغه فقرر يستريح منها و يبدأ صفحة جديدة

Anonymous said...

هي فعلا قلبت بجد والي حسيتة منها انة حد جواة افكار سودة وخبيثة زي الافاعي ومعني ان ملامحة ممسوحة وبيداريها انة عايز يخفي ملامحة عشان متظهرش الحقد وافكارة الخبيثة الي جواة وهي صورة كئيبة شوية يمكن عشان مليانة بالحقائق الي بيحاول الانسان يداريها ومش عارف حتي لو اخفي ملامح وشة بس هي فعلا جميلة وتحس انها قصة طويلة لازم تسرح فيها وياخد التفكير في صاحبها وهمومة ومشاكلة
احييك عليها

نهى منير said...

أنا شايفه أنها صورة لواحد قاعد بيفكر
ومن غير هدوم
يعنى مكشوف قدام الكل
وافكاره اللى فى دماغه
أفكار سامه زى الأفاعى
لوحة خطيرة
تسلم ايديك يا فنان
بـــــــــاى

tota said...

نظره سوداويه للحياه ومكتئب وواصل منه الاكتئاب لدرجه انه بيفكر بطريقه خاطئه مش قادر يواجه الناس ومخبي وشه مسدوده الدنيا في وشه لكن مسكين الظروف وصلته للحال ده بس جواه انسان كويس مع ده كله
سلامي ليك يافنان الشخبطه

AHMED SAMIR said...

بما اني راجل علاقتي بالرسم معدومة الا ان بخبرتي المتواضعة اقدر اقول ان دة واحد محبط تماما بس جوة دماغه مجموعة من الافكار الشريرة
مش كدة؟
تحياتي لك

Unknown said...

اقدر اقول ان التعبان الى خارج من راسة دة تعبير عن بعض الافكار الشيطانية الى ممكن تكون جو كل انسان مننا
تحياتى

Yasser Hussein said...

الفنان أشرف حمدي
تحليل جيد لتقنية فنية

شيماء الجيزى
تحليل يكاد يكون شعري للوحة
حقيقي عميق
أنت متذوقة جيدة للفنون التشكيلية ياشيماء

بيقولوا سايكو
مرحبا بك في كارتونيا
تحليل متفاءل خصوصا في نقطة أنه يبدأ
صفحة جديدة

مشمش
أيه الكلام الكبير ده
أنت ناقدة تشكيلية وأنا معرفش
تحليلك رائع

نهى منير
تحليلك خليط ما بين كلام شيماء ومشمش
بس تحليل مش بطال .. شغال يعني
:)

tota
واضح إن قلبك كبير
حسيت في تحليلك أنك بتشفقي على الشخص ده
بالرغم من اللى جوه دماغه
فعلا أحياناً التركيبة النفسية المعقدة دي
تستحق الشفقة

A.SAMIR
محبط تماما...ممكن
جوه دماغه مجموعة من الافكار الشريرة
يجوز
سيبك أنت تحليلك بسيط بس فيه المفيد
:)

خالص تحياتي وشكري للجميع

Yasser Hussein said...

ايوية
حمدلله ع السلامة
أنا لقيت التعليق بتاعك ظهر بعد ما سجلت تعليقي الأخير
يبدو أنك كتبتيه في نفس الوقت اللي كنت بأكتب فيه تعليقي
المهم
تحليلك سليم
كل واحد فينا جوه دماغه بعض الافكار الشيطانية .. طبعا الشيطان هو اللي بيوحي لنا بيها
الشخص القوي هو اللي بيقدر يتحكم في الشيطان اللي جواه مش العكس
وده يا ستي تعقيبي البسيط على تعليقك الجميل

خالص تحياتي

sabsoob said...

هو تقريباً مكنش عارف التعبان الثالث راح فين..
:D

...أعتقد إن التعابين دي مجودة عند كل واحد فينا..بس بإختلاف
كل واحد عايز كام تعبان في دماغة.
ومش كل التعابين بتبقي سامة

سؤال محيرني في الرسمة اللي بجد تحفة ما شاء الله...
صوابع رجلة...ليه المسافة بين الصباع الأول و الثاني..
و لا ده طبيعي و مش موجود عندي
:D

في إنتظار باقي الشخابيط

تامر حسين said...

احيانا كثيره الرسم بيدل علي ما بداخل الشخص من مشاكل وحاله نفسيه
بس انا مش ححللها نفسيا انا ححللها فنيا
الرسم جميل وانا عن نفسي متعود اني اشوف منك رسم جميل ومعبر فمش هعلق علي الرسم والا هيقولو مين يشهد للعروسه تحياتي الاخويه

تامر حسين said...

اخي العزيز ياريت تشوف مدونتي وتقولي رايك في الموضوع الجديد الي ضيفته
تحياتي تاني مره

Doba said...

حسستنى بخوف غريب من شىء مجهول - هو ده الأحساس اللى جانى اول مشوفتها

تحياتى
هبة

Yasser Hussein said...

sabsoob
لو الواحد ضغط على مشط رجله بتبعد المسافه بين الاصبع الكبير وباقي الاصابع
أما بالنسبة لرجلك أنا طبعا مشفتهاش
:) :)

تامر حسين
أخي العزيز مش شرط أكون بأعبر عن نفسي في الشخبطات بس ممكن أكون بأجسد صورة لشخص بأفكر فيه
أنا زرت مدونتك وشفت الرسم الجميل
اللي هناك في إنتظارالمزيد

Doba
عندك حق جدا
أحيانا الفن بيكون مرعب
أيام الدراسة عملت تمثال اترعبت منه
لدرجة اني حطمته
الانطباع اللي وصلك طبيعي
وإن دل يدل على مدى حساسيتك

خالص تحياتي للجميع

تامر حسين said...

علي فكره في تمثال ولوحه في بيتنا القديم لحد دلوقتي بخاف منهم وانت عارفهم كويس يا فنان
لوحه مجسده لملكين بارزين من اللوحه وتمثال للعائله الملتويه
فاكرهم ولا لا

تحياتي

semsem said...

الخلفيه بالالوان الساخنه تعبر عن الصراع الذى يعيشه ذلك الرجل بدون اللوان من ما يدل انه يعيش صراع داخلى غير مرئى والثعابين الخارجه من راسه الرجل تعبر عن الافكار التى تنبعث منه بالرغم من ان وضع الجلوس يوحى بغير ذلك
لتوكد فكرة الصراع الفكرى الذى يعيشها الرجل

Alaa said...

هي متناقضة شوية من وجهة نظري
لانه حزين
و في نفس الوقت في تعابين دايرة جوه دماغه
بس يمكن هو حزين منها

او يمكن ده بيمثل دموع التماسيح و جواه مليان مكر

جميلة

Yasser Hussein said...

تامر حسين
فاكرهم طبعا
بس بصراحة أول مرة أعرف أنهم كانوا بيخوفوك .. لو كنت أعرف كنت أخفيتهم من زمان

semsem
أقول أيه بس بعد كلامك
ما أنتي ناقدة تشكيلية محترفة
وفنانة تشكيلية كمان

علاء
تحليلاتك أنا بأعتبرها افكار للوحات جديدة لأنها بتحمل صور كتير

خالص تحياتي للجميع

Dalia said...

يمكن جواه افكار سامه مش عارفه يتحكم فيها عشان كده قاعد بيعيط

عارى.... مجرد ... حزين
بس دماغه مودياه فى داهيه

ده اللى انا فهمته من الشخبطه

ربنا مايحرمنا من شخبطاتك يا فنان

Anonymous said...

انا اول ما شوفتو حاسيت بخوف عارف لما انسان بيكون جواه شر و مش بمزاجه ولا بموافقته و مش قادر يتحكم فيه
حاسه ان ده حاله ان هو خايف من نفسه و هو عارى دليل ضوح و تجلى الامر بالنسبه له اكن هو قاعد حزين لانوا مش قادر يعمل حاجه
بس برافو اتقدمت فى الشخبطه :)
يا رب ديما
some one

مدونة كسبان said...

اللوحة جمبله
جدا ياياسر بيه
بس ممكن اعرف بتعبر عن ايه؟
وليا سؤال تانى
هل لازم اللوحة تعبر عن حاجه
ولا مش شرط
طبعا انا مبتكلمش عن الفن السريالى
علشان بطبيعة الحال
مبيعبرش عن اى حاجه
لكن بتكلم فى اى لوحة تانيه

سؤال بقى كمان لو سمحت
هل رسم الأشخاص بيحتاج موهبه
ولا ممكن بالتدريب الواحد يعرف يرسم الأشخاص

Yasser Hussein said...

Dalia
على فكرة يا داليا هو مش بيعيط
بس تعبيرك
دماغه مودياه في داهيه
تعبير بسيط ومعبر
تحليل جيد

some one
أيه حكاية الخوف دي
:)
الشر جواه ومش بمزاجه
تعبير جديد وتحليل مختلف

مدونة كسبان
أولا أنت اللي بيه
مدونتك أكثر من رائعة
أنا زرتها ووجدت فيها كل ما لذ وطاب لمساعدة المدونين في إنشاء وتنسيق مدوناتهم
أحييك عليها
نيجي بقى للرد على أسئلتك
أول سؤال
ممكن أعرف بتعبر عن أيه؟
الجواب
لو قلت بتعبر عن ايه أبقى كده بأحكي حدوتة ومش باعطي فرصة لكل مشاهد للوحة أنه يكتشف الحدوتة اللي هو شايفها بنفسه .. وده في حد ذاته متعة تذوق العمل الفني
نقطة استوقفتني
أنت بتقول عن الفن السيريالي
بطبيعة الحال مبيعبرش عن أي حاجة
ودي طبعاً معلومة غير سليمة
لأن الفن السيريالي
هو تصوير الاشكال المألوفة في أماكن غير مألوفة كما نراها في الحلم
ورائد السيريالية سلفادور دالي
تأثر بنظريات سيجموند فرويد
رائد مدرسة التحليل النفسي وتفسير الأحلام وطبق تحليلاته في تفسير الأحلام في لوحاته السيريالية الأشبه بلقطات ممن أحلام
سؤالك التاني
هل لازم اللوحة تعبر عن حاجة؟ ولا مش شرط؟
اللوحة قطعا لازم بتكون بتعبر عن حاجة
حتى لو كنت راسم منظر طبيعي .. أشجار وأنهار ..إلخ
فأنت بتعبر عن الطبيعة
حتى ولو شخبطة غير مفهومة
فهي بتعبر عن صراع داخلي جواك
أو صراع خارجي أنت تأثرت بيه وترجمته في شكل شخبطة
سؤالك الأخير
هل رسم الأشخاص بيحتاج موهبة
ولا ممكن بالتدريب الواحد يعرف يرسم الأشخاص؟
الاجابة
الرسم بشكل عام موهبة
رسم الأشخاص حرفة ممكن التدريب عليها
وهناك اساليب مختلفة لتعلمها
ممكن الشخص يتعلم بعض قواعد الرسم
بس مش كل رسام فنان
ودي قضية تانية
أرجو أن أكون قد أجبت على أسئلتك بشكل يفيدك ويرضيك

خالص تحياتي للجميع

koukawy said...

ياه هو من كتر التفكير التعابين طلعت من دماغه
و لا ده من الارهاق
او يمكن افكار وحشه و مش كميله
و لازم يقول اللهم اغزيك يا شوشو
وهو انت كل مره تشخبط يطلع حاجه احلي من اللي قبلها ؟؟؟

الريس said...

فكرنى بحاجة ساعات بتحصل للىواحد بيلاقى نفسه بيقول كلام فى سات غضب او بيعمل حاجة وهو بيتفرج على نفسه فى نفس الوقت والامور بتتطور لوحدها بيحس ان حاجة تانية بتحركه وهواستسلم ليها فطلعت من مجرد شخصية مكبوتة وكبتته هو ..بصراحة مفهمتش المقصود بين التدرج بين اللونين البرتقالى والاصفر ..ياريت توضحلى النقطة ديه اصلى مش بفهم الحاجات ديه ونفسى اعرف يعنى

Yasser Hussein said...

koukawy
التعابين دي افكار وحشه مش كميله خالص

الريس
الالوان الابرتقالي والاصفر من الألوان الساخنة .. نسبة لألوان النار والشمس
استخدام مثل هذه الألوان في العمل التشكيلي غالباً مايدل على سخونة الموقف الذي تم تجسيده في اللوحة
لكن الفن التشكيلي لا يخضع لقواعد ثابتة

خالص تحياتي