العدد رقم 11265
باب أخبار مصر
صفحة 61
قرأت المعلومات الآتية مجمعة في خبر واحد
سجلت احصائيات المركز القومي للسموم لجامعة القاهرة وقوع ألفين و 355 حالة انتحار
بين الشباب وتتراوح أعمارهم ما بين 20 و23 عاماً وذلك خلال عام 2006
أكثر من أربعة ملايين مصري مصابون بالأمراض القلبية في سن مبكرة
خمسة ملايين شاب لم يتزوجوا رغم بلوغهم أكثر من 25 عاماً
ثلاثة وسبعة من عشرة ملايين فتاة مصرية تخطين سن 35 عاماً بدون زواج
عدد المقاهي في القاهرة وحدها بلغ 43ألف مقهى غالبية روادها من الشباب
ازدياد معدلات الطلاق
انتشار ظاهرة الزواج العرفي
و ..... لا تعليق
22 comments:
بالفعل ..فى ناس كتير زهقت لدرجة ان ايمانها ضعف ووصلت لحد الانتحار
انا متضامنه بجد مع البوست
لا تعليق فعلا
تحياتى استاذ ياسر
للأسف الأحوال اللى حوالينا خلت ناس كتير ضعفت ويأست وأنتحرت ناسين أنهم كده هايروحوا لجحيم أكبر بسبب أنتحارهم
وبالنسبة لموضوع القهاوى ما هو ده بقى مكان كل الخريجين والشباب بدل الوظايف يعنى
وبالنسبة لموضوع تأخر سن الزواج روح بص على القهاوى كل اللى عليها شباب يعنى مفيش شغل مفيش أمكانيات مفيش زواج
تحياتى لك ولموضوعك
اول مرة اتدايق من بوست كده
حسبى الله ونعم الوكيل
فى كل حد بيبقى فى ايده يعمل حاجه على شان الناس الغلابه ويطنش
مفيش غير الى انت قولتة لا تعليق معنديش بجد غير الكلمة دة
هي دي الحاجات اللى بتخلى الشباب
يسعوا للسفر ويسيبوا البلد
بطالة وعنوسة بتؤدى للانتحار
ربنا ينتقم من اللى كان السبب
بوست مؤثر يا فنان
من غير تعليق
ولسه التقيل جاى ورا
سؤال يطرح نفسه
جريده كويتيه..مالها ومال أخبارم صر؟؟؟
وكمان تفردلها عمود بحاله؟؟
ولا هى الفضايح لازم تبقى علنى كده؟؟؟
شيماء الجيزى
الكبت يولد الانفجار
ويولد أمراض القلب في سن مبكرة
bos bos
شباب كتير وصلوا لمرحلة اليأس
ومع احترامي
الطالب الجامعي اللي عارف أنه لما هيتخرج مش هيتوظف بسهولة
ليه ميحاولش ينمي قدراته ويتعلم مهنة خارج نطاق التعليم الجامعي
لعله يحيسن من وضعه أحسن من قعدة القهاوي
semsem
أعتذر إن كان البوست قد ضايقك
ولكنها حقائق موثقة
وما لفت انتباهي أنها مجمعة في خبر واحد
وفي جريدة خليجية
في باب يومي تحت عنوان أخبار مصر
نهى منير
السفر هو الحل الأخير في رأيي
حينما يضيق الرزق بإنسان
في الأرض التي يعيش فيها
عملا بمبدأ ..أرض الله واسعة
فليسعى خارج نطاق هذه الارض
وينكى
الجريدة الكويتية مخصصة باب من صفحتين
بعنوان أخبار مصر
وذلك لأن الجالية المصرية من أكبر الجاليات بالكويت
وهذا يضمن للجريدة اكبر توزيع
هذا الباب يجمع الأخبار من الصحف المصريةوالمواقع الالكترونية المصرية
وبأقلام مصرية ايضاً
وبالطبع غير مقصود نشر فضائح
بل نقل حقائق ووقائع
خالص تحياتي للجميع
هنروح فين بعد كده؟؟!!!!!!!...
الحمد الله !
والله اول مرة اشوف الاحصائية دى !!
هى متنشرتش فى جرايد مصرية ولا ايه !!!
طيب .. خير ان شاء الله
تحياتى
طبعا .. ماهو احنا اللي فضحنا نفسنا .. أقصد حكوماتنا هي اللي فضحتنا الله يحرقها بجاز
لما خريج جامعة قاعد يذاكر وينحت في الكتب أجمل سنين عمره وبعدين يطلع يتوظف بـ 100 جنيه يبقى لازم ينتحر قبل ما يموت من الجوع
كويس ان حضرتك سافرت .. البلد هنا خلاااااص بقت مقبرة
تحياتي لهذا الموضوع رغم انه نكد عليا قوي
sabsoob
هنروح الجنة إن شاء الله
YHYيــوســف الـمصـرى
الاحصائية اتنشرت في جرائد مصرية
وأتنقلت لتنشر في جريدة كويتية
والحمد لله
الذي لا يحمد على مكروه سواه
الفنان أشرف حمدي
والله ما كان قصدي أنكد عليك
بس مع الأسف اللي مش هيحاول يتميز في أي مجال غير أنه يبقى موظف حكومي
هتبهدله الأيام
وأكرر إن السفر بالخارج هو الحل الأخير
أنا لم أسافر إلا بعد أن عملت ببلدي
أكثر من 12 عام
صادفت فيها نجاحات مثلما صادفت الاحباطات
الحل مننا فينا مش في الحكومة
خالص تحياتي
حقيقى حقيقى
انا برده لا تعليق
شىء مؤسف
لا تنزعج
هذه هى البداية فقط
فالاسوأ لم يأتى بعد
ولسه ياما
ياما ياما ياما
فى عمر مصر
العيب في الاشخاص في حد ذاتهم ده رأي ممكن اكون مخالفه بس كل انسان مسؤول عن نفسه مش كل مأساه في حياتنا ندور علي شماعه ونعلقها عليها الانسان نفسه سبب مأساته ممكن تكون فيه عوامل مساعده لكن وحده ضعيف الايمان بيتأثر بيها ربنا خلق لكل كائن رزقه بس احنا اللي مش بنسعي
سلامي ليك
الشباب المنتحر ده مستعجل على إيه
الموت بقى قريب من كل مصرى والوسائل
1-العبارات
2-أنفلونزا الطيور
3-الغذاء المسرطن
4-الهواء الملوث
ولسه 5 و 6 و 7 وى وى وى وى
Doba
فعلا شىء مؤسف
Mirage
أنا مش معاك إن الأسوأ لم يأتي بعد
لابد من التفاؤل والأمل في غد مشرق
إن شاء الله
tota
أنا متفق مع رأيك تماما
أسامه يوسف
حقيقي عندك حق
نسأل الله العفو والعافية
خالص تحياتي للجميع
انت بس قلبت علينا المواجع لية بس انا عندي نظرة تانية للامور دي ان لسة في امل واننا احسن من بلاد كتير الحرب دمرتها ومباتش تعرف معني للامان وملاها الجوع والمرض والفقر بسبب الاحتلال ولما تفكر في البلاد دي تقول الحمد لله ان بالرغم من كل دة بتلاقي مكان تنام فية بامان وبيت بيتقفل عليك واكل في بيتك اتخيل وضع الناس دي في غز البرد وبيوتهم مضروبة بقنابل ونص اهلهم استشهدوا واغتصبو واتشردو وميعرفلهمش طريق اكيد هتقول ساعتها عمار يامصر وهتلاقي من جواك بتغني انا مصري وابويا مصري ومش بعيد تحطها نغمة لموبايلك وتفضل تصلي وتدعي للسادات وعبد الناصر ومش بعيد كمان تدعي للريس وتقول ربنا يطولنا في عمرة بس مش اوي والنبي
خالص تحياتي
ربنا يلطف بيا
ولسه
*بينا
مشمش
فعلا احنا في نعمة
ولكن من حق الانسان المشروع أن يطمح للافضل
تامر حسين
ربنا يلطف بيك .. وبينا برضه
خالص تحياتي
اكيد لازم ما يكونش في تعليق
حسبي الله و نعم الوكيل
يتولانا الله برعايته
koukawy
فعلا يتولانا الله برعايته
خالص تحياتي
Post a Comment