جميع المواد المنشورة بالمدونة تخضع لقوانين حماية حقوق الملكية الفكرية .. وأي نقل أو إقتباس بدون ذكر المصدر يعرضك للمساءلة القانونية

Monday, December 17, 2007

شخابيط ولخابيط

قناة مش هتقدر تغمض عينيك باتت تخضع لمقص الرقيب وذلك في الفترة الأخيرة يبدو أنها ايقنت أخيرًا أن النظافة من الإيمان بعد أن تحدت إحدى القنوات الصفراء الملل بالقذارة ... التنافس على النظافة شىء يدعو للاحترام
.......................................................
خروف العيد عند الكثير من الأسر المصرية إما حدوتة تحكى .. أو فلكلور شعبي ... أو كاريكاتير زي اللي أنا راسمه فوق ده
يا ترى أيه السبب؟ ... ومين السبب؟
.......................................................
أفلام العيد كلها أكشن والكوميديا اختفت تماما ... هي الناس ناقصة أكشن ... ولا خلاص الناس زهقت من كتر الضحك؟
.......................................................
المخرج خالد يوسف يبدو أنه ناوي يسلك سكة مدرسة الواقعية في السينما ... بس الواقعية بتاعة عزب الصفيح ومقالب الزبالة وعرض كل ما هو قذر في حواري مصر .... أيها المخرج الواعد .. مصر مش كده
.......................................................
اعلان الجدع اللي لحق القطر ...... لا تعليق
.......................................................
أيه شعور بنت محترمة خريجة جامعية ومش لاقيه شغل .. ولو لقت تلاقي بمرتب أي كلام لما تقرأ في مجلة إن الفنانة اللي طالعه من هدومها افتتحت محل مجوهرات أو أمنت على جسمها بمليار دولار ... اكيد هي كمان هتفكر تطلع من هدومها
......................................................
كل سنة وأنتم طيبين وعيد سعيد عليكم وعلى الأمة الاسلامية كلها

17 comments:

أشرف حمدي said...

كل سنة وانت طيب يا فنان
مافيش إعلان حلو كده عن القرطاس ؟

Unknown said...

انا معاك معاك معاك يا ا ستاذ ياسر
مصر مش كده
مصر مش كده
مصر مش كده
ليه دايما بنحاول نظهر السىء فينا وبنخبى الكويس
ليه بنعمل للسىء بروباجندنا ونهلله
والكويس بيكون مش اكتر من خبر زى الطقس النهارده احواله ايه
مصر لسه بخير وهتفضل بخير طول ما فيها شباب لسه بيجتهدوا وعارفين طريقهم وفوق كل ده بيتقوا ربنا
اه نسيت
انا عاوزه ورقة لحمه من الخروف ده
:)

اسكندراني اوي said...

كل سنه وانت طيب يا ابو اليسر

حلو الخروف المرسوم

ربنا يفكها من عنده


تحياتي

حقى اهرتل said...

مواضيعك لزيزه حدا ولوكنت باخالفك الراي غى حاجات صغيره بس انا سعيد جدا انى اتعرفت على فنان كريكاتير جميل

Unknown said...

كل سنة و انت طيب يا فنان و يعود عليك بالخير

اعلان الشاب الى لحق القطر ده ارجوك ما تفكرنيش بيه بيستفزنى لدرجة حرق الدم

خالد يوسف شفته مرة على روتانا بيقول الى ضد عرض كل ماهو قذر يروح يدفن راسه فى الرمل زى النعام و الممثلين الى بيرفضوا المشاهد الاباحية مش محترمين المهنة :)))))))))
أيه رأيك فى الكاركاتير الشفهى ده ؟

أه انا ملاحظة ان أفلام العيد كلها أكشن ما عدا فيلم طباخ الريس بتاع طلعت زكريا يلا كويس اهوه تغيير

كاريكاتير الخروف حلو اوى و كل سنة و انت طيب مرة تانية

gogo we bas said...

اولا كل سنة وانت طيب
وخلى بالك من الخروف بتاعك لو غالى عليك ياريت بلاش يظهر فى الساحة الكام ساعة الجايين دول
************
لافت نظرى قوى حوار افلام العيد
اهم حاجة ان معظمها بيدور حول تجار المخدرات.. وحرب المخدرات والباقى شكله كده مبشر بجرعة كأبة وبؤس على رأيك (زبالة حوارى مصر) ربنا يستر ويكون فيه اى جانب ايجابى

بس اهو يعنى فيه امل خرجنا من مرحلة الافلام التى بلا هدف


عييييييييييييد سعيييييييييد

عبد الرحمن أبو بكر said...

كل عيد وانت طيب يا فنان

ربنا يسترها علي الخروف المرسوم دة

ومفيش جزار مرسوم علي ورق برضة يدبحة

AHMED SAMIR said...

لا والله هي مش شخابيط ولا لخابيط
هي افكار وتستحق كمان التقدير والاحترام
بالنسبة لخالد يوسف للاسف
مصر كدة فعلا
بس احنا اللي مش شايفين كدة
مصر لا هي فنانة بتفتتح محل مجوهرات بس ولا هي عشش الصفيح ومقالب الزبالة بس
انما مصر فيها كل دة واكتر من كدة كمان
وبما ان السينما هي مرأة الواقع
فشكرا لك يا خالد يا يوسف
تحياتي لك يافنان وكل سنة وانت طيب

Masria said...

كل سنة و حضرتك طيب
:)

loza said...

كل سنه وحضرتك طيب..

وينعاد عليك بالخير انشاء الله

son's egypt said...

كل عام وانت بخير

Unknown said...

اولا كل سنة وانت طيب
ثانيا فعلا انا بقول للاستاذ خالد يوسف بالش السكة دة
لانها بجد مش كويسة
يا تلميذ الاستاذ يوسف شاهين

أمل عبد الحكيم said...

كل سنه وانت طيب
يااستاذى
بجد فعلا الخروف بقه زى حواديت الف ليله وليله
والقناة اللى مبتغمضش عنيها ياريت فعلا يتنافسوا على الاحترام

semsem said...

كل سنه وانت طيب

عيد سعيد با فنان

عــلاء ســالـــم said...

السلام عليكم

إزيك يا فنان
كل سنه وانت طيب وأعاد الله عليك العيد بكل الخير والبركات.

البوست قوي جداً وينطبق عليه مقولة خير الكلام ما قل ودل.
إختصرت عدة قضايا وآراء أحييك عليها بكلمات بسيطه ومختصرة.

الرسم جميل كما تعودنا منك

تحياتي

فى القلب said...

كل سنه وأنت طيب

وكل حرف منحروفك فى الصميم

Yasser Hussein said...

أشرف حمدي
وأنت طيب يا فنان الإعلان نزل

لماضة
إبراز السيء كيف عند البعض ويعتقد البعض الآخر أنه تميز وإبداع

اسكندراني اوي
ربنا يفكها علينا جميعاً

حقى اهرتل
مرحبا بك في كارتونيا وأنا سعيد جداً بزيارتك وزيارة مدونتك من قبل

عاليا حليم
مع احترامي للمخرج خالد يوسف النعام بيدفن رأسه في الرمال عشان يسمع صوت خطوات العدو وكمان لينقب عن الطعام
أما الفيلم الكوميدي الوحيد اللي تم عرضه هو شيكامارا بطولة مي عزالدين

gogo we bas
مرحبا بيكي في كارتونيا صديقة جديدة للمدونة
الموضوع بمنتهى البساطة إننا فرحانين بتقنية التفجيرات وقلب العربيات وضرب النار بالتصوير البطيء وكلها طبعا مأخوذة من الافلام الامريكاني وعلشان نقدر نتفرج ع الكلام ده لازم يدور في سياق حرب المخدرات والعصابات وكعادة السينما عندنا لما ينجح فيلم كوميدي كله يشتغل كوميدي ولما ينجح فيلم اكشن كله يديها أكشن ....إلخ

عبد الرحمن أبو بكر
منور يافنان ... عيد سعيد
الجزار بقى أنت ترسمهولنا
:)

A.SAMIR
مع احترامي لرأيك
أنا شخصياً أحب لما أتفرج على فيلم استمتع بمناظر جميلة وأسمع موسيقى تصويرية نظيفة مش صراخ وعويل وشتائم قذرة ومشاهد جنسية مقززة ... لو كان ده الواقع فأنا لا أحب أن أعيش مثل هذا الواقع وأهرب منه لدور السينما بحثاُ عن واقع أجمل .. والفن هو إعادة صياغة الواقع بشكل جميل كما عرفه المثال الراحل محمود مختار
:)

Masria
وأنت طيبة ...أشكرك

loza
وأنت طيبة وينعاد عليكي أنتي كمان بألف خير

son's egypt
وأنت بخير .. أشكرك

ايوية
وأنت طيبة
تلميذ يوسف شاهين لازم يكون مميز
:)

امل عبد الحكيم
كل سنة وأنتي طيبة يا صحفية المستقبل

semsem
عيد سعيد يافنانة

alaa salim
عيد سعيد يا شاعر الجيل

فى القلب
كل سنة وأنتي طيبة
ويجعل أيامك كلها أعياد ويصرف عنك الأحزان

خالص تحياتي وشكري للجميع