جميع المواد المنشورة بالمدونة تخضع لقوانين حماية حقوق الملكية الفكرية .. وأي نقل أو إقتباس بدون ذكر المصدر يعرضك للمساءلة القانونية

Sunday, May 11, 2008

نعم لرفع أسعار السجائر

شكرا للحكومات الرشيدة التي عملت على رفع أسعار السجائر بأنواعها حرصا على صحة مواطنيها فقد لا يتمكن بعض المواطنون من شراء السجائر الفرط في بعض البلدان وأعتقد أن رفع أسعار السجائر يعتبر من الوسائل الجبرية للاقلاع عن التدخين خاصة للمواطنين محدودي الدخل .. فما بالك بمعدومي الدخل
كما نلتمس من الحكومات الرشيدة التي قامت برفع اسعار الوقود أن تتراجع عن هذا القرار فعلى سبيل المثال هناك مواطن بيقبض مئة وخمسين سحتوت وتوصيلة الميكروباص اللي بيوديه كل يوم لشغله سحتوت رايح سحتوت جاي
يعني في الشهر هيصرف سته وخمسين سحتوت .. طيب هيدفع ايجار شقته ومصاريف عياله وأكلهم وكسوتهم منين .. ده على اعتبار ان أجرة الميكروباص سحتوت ولم تزيد بعد زيادة أسعار السولار
لذلك فأنني مع زيادة اسعار السجائر
ولست مع زيادة أسعار الوقود .. في بلاد من المفترض أنها تنتج الوقود والغاز وتصدره
على فكرة هذا الموضوع لا يخص الغلاء في مصر فقط بل في جميع البلدان العربية
ملحوظة : البوستراللي مع الموضوع ده للجميع

16 comments:

Anonymous said...

FAHشوف يا استاذ حسين
مش مهم عدد السحاتيت (جمع سحتوت) اللى المواطن بيقبضهم ويصرفهم ازاى المهتم الحكومة تجمع السحاتيت لكن بعيد الغلاء والحكومة المتخصصصين بيقولو لازم الحاجة تتباع بسعرها الحقيقى.... طيب
يصلحوا الرواتب ويشوفو الغلابة وكل سختوت وانت طيب
HTTP://ALABALATTA.BLOGSPOT.COM

A.SAMIR said...

هم رفعوا اسعار السجائر ولم يرفعوا اسعار السيجار رأفة بمحدودي الدخل
يعني لما يبقى واحد محدود الدخل كدة ومش عارف يجيب السيجار الكوبي الجميل الي بيحبه...دة عدل؟؟؟؟
اااااااااااايه
دنيا

صاحب المضيفة said...

اول مرة أحس ان الحكومة بترفع حاجه تستاهل الرفع اكترمن كده كمان


علشان الناس تسيبها اكتر واكتر



تحياتي على الابداع

محمد عبد الغفار said...

السجائر لو صارت مائه ضعف فلا مشاكل ولا ينبغى ان يكون

البنزين . . ينطبق عليه فعلاً فكر الأخذ من الاقدرين لصالح الغير قادرين

السولار . . اعيانى فهم هذه الزياده ولم استطع ايجاد مبرر لها لأه يؤثر مباشره فى عكس اتجاه مصلحه الفقير

Anonymous said...

Yasser BASHA
teslam Edeek 3la elposter dah
Design 100 100
we be2ool 7agat keteer
Go a Head
Sameer Farouk

نهى منير said...

فناننا الكبير
روعة البوستر ده
مكنتش أعرف إن حضرتك مصمم جرافيك كمان
وألذ حاجة ان البوستر له هدف
أحسن من ناس تانية كتير
بتعمل حاجات بتقول عليها فن
من غير هدف
غير الفرقعة ولفت الانتباه
:))))
بـــــــــــــــــــــاى

semsem said...

يارب يستر يا فنان من رفع كل الحاجات
وبعدين اللى بيشرب سجاير ناس معاه فلوس زياده
يعنى مش هممهم

المهم ان احنا مش من المدخنين
ولا ايه يا فنان

ياسر حسين said...

ALABALATTA
اشكرك يا عزيزي على تعليقك
ومرحبا بك في كارتونيا

خالص تحياتي

ياسر حسين said...

A.SAMIR
ممكن يخطف رجله لحد كوبا
يشد له نفسين ويرجع في السريع
:)

خالص تحياتي

اهو ده عيبه said...

هما رفعوا اسعار السجاير ورفعوا البنزين ورفعوا ضغطنا
والتلاته بيتحرقوا كل يوم

موضوع السجاير ده مش بطال لانها فى الاول والاخر شئ مؤذى وحتى لو مكنوش غلوها كانت الناس هتبطلها خلقه علشان تلاحق على باقى الحاجات التانية

انما بقى غلو مصادر الطاقه ده بجد خراب بيوت لانه كده بيغلى كل حاجه فى الدنيا

ياسر حسين said...

صاحب المضيفة
اشكرك على تعليقك

خالص تحياتي

ياسر حسين said...

محمد عبد الغفار
ازاي البنزين بياخد من الاقدرين لصالح الغير قادرين؟
لو قصدك على البنزين ال95 بتاع السيارات الواردة من الخليج
مفيش مشكلة
لكن إن ال90 يغلى كمان
حتى الاسر البسيطة اصبح عندها سيارات متواضعة بيوصلوا بيها عيالهم للمدرسة وبيرحموا بناتهم من بهدلة المواصلات
ده غير ان مش كل الميكروباصات بتمشي بالسولار
في منها شغال بالبنزين وبالتالي هيغلوا الاجره على الناس

خالص تحياتي

ياسر حسين said...

Sameer Farouk
مرحبا بك في كارتونيا
صديق جديد ودائم ان شاء الله
أنا سعيد إن التصميم عجبك
:)

خالص تحياتي

ياسر حسين said...

نهى منير
اشكرك على تعليقك
أنا من ضمن دراستي في الجامعة كان التصميم
درسته في الاربع سنين
ولكني ركزت أكثر في الكاريكاتير
كويس إن التصميم عجبك
:)

خالص تحياتي

ياسر حسين said...

semsem
ازيك يا فنانه
ما اعتقدش ان اللي بيدخنوا معاهم فلوس زيادة فبيدخنوا
لأن والعياذ بالله مدمن التدخين ممكن لا ياكل ولا يشرب وكفايه عليه السيجارة
لكن فعلا
الله يكون في عون الكل مع الارتفاع الجنوني للاسعار

خالص تحياتي

ياسر حسين said...

اهو ده عيبه
الغلاء في مصادرالطاقة وفي بلد بتنتج وتصدر الغاز والبترول شيء يدعو للدهشة
:O

خالص تحياتي