جميع المواد المنشورة بالمدونة تخضع لقوانين حماية حقوق الملكية الفكرية .. وأي نقل أو إقتباس بدون ذكر المصدر يعرضك للمساءلة القانونية

Monday, May 26, 2008

أول واحد اسم الله عليه

تم تعديل صياغة هذه التدوينة حيث وجدت أنني قد أعطيت الموضوع أكبر من حجمه وسأكتفي بوضع الكلمات التالية مع فيديو من انتاجي منذ خمس سنوات
أحب أن أقول للأخوة المدونين اصحاب الابداعات الفنية والافكار المبتكرة
الفن يا جماعة مش ملك حد .. الفن ملك الناس كلها وبرامج الجرافيك والصوت مالية النت بس العبرة مين اللي هيعرف يستغلها صح ويوظفها في عمل فني ناجح
الخلاصة مفيش حاجة اسمها أنا أول واحد من المدونين عملت الحاجة الفلانية والناس بتقلدني
ولو اعتقدت في نفسك أو غيرك أعتقد فيك أنك الأول والفريد والباقي تقليد
فأنت وهو واهمين و متخليش الشيطان يضحك عليك
وفي النهاية كل واحد حر في المدونة بتاعته ومحدش له حاجة عند التاني ولا هي مسابقة ولا هو سباق
لا أول واحد ولا آخر واحد
مش كده ولا أيييييييييييه


17 comments:

اهو ده عيبه said...

والله يا استاذ ياسر انا شايفه ان التدوينة مش للكبار
انا شايفاها لصغار النفوس
اللى متخيلين ان التدوين مجال منافسه او تقليد او سباق

مفيش فن حكر على حد وطبيعى يكون فى تشابه خواطر او افكار مع اختلاف التناول وطريقه العرض
وياما فى موضوعات بتتالف فيها عشرات الكتب لكن كل كتاب بيتناولها من منظور مختلف وطريقه عرض مغايرة
احنا هنا علشان نقول اللى حاسينه وحابينه مش علشان نتصيد لبعض اخطاء وهمية

تحياتى ليك

A.SAMIR said...

انا اول واحد اسم الله عليك بس في التعليق لاني اول تعليق
ايه يا فنان...انت واخد الموضوع على اعصابك ليه كدة..ما تسيب اللي يتكلم يتكلم
عادي يعني
طول ما انت بتعمل وبتكتب وبترسم طول ما هتلاقي ناس تنتقدك وناس تانية تشيد بيك
ممكن ترتاح من كل دة..لو بطلت تشتغل
ارجو الا يشغلك الموضوع دة او يأخد اكبر من حجمه معاك
تحياتي واحتراماتي

ٍSOU said...

بجد حاجة تضايق التعليق
معلش يا استاذ ياسر .. انت عندك حق .. وبعدين فى واحد ممكن يعمل فكرة و غيرة كتير بعده يعملوها بس باسلوب تانى خالص..ماتعصبش نفسك يا فندم حضرتك و استاذ اشرف عملتوا فيديوهات فيها ليكوا انتوا و القرين بتاعكم و انا اكتشتف نظرية اللى تثبت الفيديوهات دى :))

Sampateek said...

واضح اني مش فاهمة حاجة

Amy said...

والله لو اللي علق كان عايز يقول وجة نظره باحترام كان عالاقل دخل باسمه مش مجهول.
سيبك من خفافيش البلوج المجهولة دي

موضوع بقي انك تقلد اشرف حمدي او ان اشرف يقلدك فدا من حقكم انتوا الاتنين. عمرنا ما سمعنا ان محدش عمل افلام رعب بعد هتشكوك عشان محدش يقول انه بيقلده. دا كلام فارغ

من حقك تعمل الفكرة اللي تعجبك و من حق اي حد يعمل الفكرة اللي تعجبه. العيب الوحيد ان حد يسرق فكرة شخص تاني و ينسبها لنفسه

ياسر حسين said...

اهو ده عيبه
أشكرك على تعليقك الموزون

خالص تحياتي

ياسر حسين said...

A.SAMIR
يبدو يا عزيزي
أنه شخص مريض وتافه
وأنا عرفت هو مين
:)
لذلك أنا ما أخذتش الموضوع على أعصابي ولا حاجة أنا بس حبيت انزل تدوينة توضح الأمور بشكل عام

خالص تحياتي

ياسر حسين said...

ٍSOU
سواء أنا عملت فيديو أو الدكتور أشرف عمل فيديو ففي الآخر المستفيد المشاهدين اللي بيتفرجوا على ابتكاراتنا ومحاولاتنا الفنية
أنا شخصيا بابقى مبسوط لما انتج عمل فني بيسعد الناس
واعتقد أشرف كذلك
:)

خالص تحياتي

ياسر حسين said...

Sampateek
مش فاهمة حاجة؟
ولا أنا
:)))

نورتي كارتونيا


Amy
الله ينور عليكي
جبتي الخلاصة
:)

خالص تحياتي وشكري للجميع

عبد الرحمن أبو بكر said...

الفنان ياسر حسين

انا مؤيدك في ان كل اللي فاكرك بتقلد اشرف انه واهم

لان فعلا الفن ما فيهوش حكر علي حد معين

كل واحد قدامه المجال وانت وتميزك وشطارتك بقي

واحشتني تعليقاتك يا فنان

ياسر حسين said...

عبد الرحمن أبو بكر
أشكرك يا بيبو على تعليقك
أنت فنان واعد ومحترم
والأخلاق مع الفن بتكون شيء جميل
الشخص اللي علق تعليق سخيف عندي .. وله أكثر من تعليق
ما هو إلا شخص مريض يريد اشعال الفتنة
ويعتقد أنه بأسلوبه لاغير محترم ده
ممكن يخلق بيني وبين أشرف عداوة
وأنا شخصيا أكن لأشرف كل احترام وتقدير
لأنه من الفنانين الشباب المجتهدين والواعدين مثلك
:)

خالص تحياتي

واحد من البلد دى said...

ياعم ياسر سيبك منهم..
أى حد بيعمل حاجة حلوة لازم يلاقى ناس تهاجمه..
وبعدين أنا عن نفسى الموضوع ده بيحصل معايا شخصيا بالنسبة للكتابة..
بس أنا رأيى الشخصى إن ممكن يكون فيه فكرة حد كاتبها و تكون إمكانياته فى الكتابة ضعيفة مثلا و الفكرة تعجبنى وعلى إعتبار إنى راجل باعرف أكتب باروح واخد الفكرة و كاتبها بالصورة اللى انا شايفها و دى على ما أعتقد إسمها(رؤية أخرى)..
وبعدين على كده بقى يبقى كل المدونين يبطلوا تدوين و يسيبوا الموضوع لأول واحد مدون...
ويبقى يرد بقى على نفسه و يبارك لنفسه فى المناسبات و يعزى نفسه ...
بس أقولك على حاجة يا فنان...
بيتهيألى لو ده حصل ممكن المدون -الوحيد-ده يرد برضه على نفسه(بغير معرف)وبعدين يبدأ يهاجم نفسه و يشتم نفسه و يقعد يدور على نفسه و فى النهاية.........؟؟؟؟؟؟؟؟؟؟؟؟؟؟؟؟؟؟؟
يقتل نفسه..
ههههههههههههههههههههههه
أيوه كده ياعم إضحك وماتاخدهاش جد كده..
كل المدونين عارفينك ..وعارفين د/أشرف حمدى ..
وبنحبكم كلكم بلا أى تفاوت لأننا أصدقاء بجد..
وأنا باقول للمعلم(غير معرف)ده يا سيدى إحنا عاجبنا التقليد و إحنا كلنا بنقلد بعض..
وبعدين إنت بتعلق عندنا ليه أساسا هو إنت لازم تقلدنا فى التعليق..
سيبك منه يا ياسر..
و روق يا معلم و إهدى كده..
أجيب لك شاى؟؟؟؟؟
سلامى يا رايق

son's egypt said...

السلام عليكم
فعلا التدوين مش مهمنه تكتب في البطاقة
لانها ببساطة شئ بيعبر عن شخصية الانسان وكلا بطريقته

ياسر حسين said...

واحد من البلد دى
اشكرك من كل قلبي على تعليقك الجميل
وفعلا لازم الواحد ما يعطيش بال
للغير معرف وأن يتجاهله تماما
لذلك تم تحديد التعليقات للمدونين فقط
:)

خالص تحياتي

ياسر حسين said...

son's egypt
فعلا التدوين تعبير عن الذات والاتجاهات وأحيانا الاحلام والطموحات
أشكرك على تعليقك

خالص تحياتي

تامر حسين said...

اخي العزيز قلتهالك بدل المره الفين مره
وراء كل عظيم اثنان
حسود وحقود

ياسر حسين said...

تامر حسين
أخي العزيز
بس الحسودين والحقودين كتروا اليومين دول بزيادة ومش عارف على ايه
:(

خالص تحياتي