أيه يا جماعة اللي بيحصل ده ؟ قرأت عدة موضوعات عن مطرب شهير المعجبات بتعيط وتترمي عليه والأدهى من ذلك أن هناك بعض الأقاويل أن هذا المطرب يشترط وجود مثل هؤلاء المعجبات بحركاتهن الهستيرية في حفلاته التي يتفق عليهاحقيقي لا أجد تعليق مناسب لهذه الأخبار سوى هذا الكاريكاتير الذي أعتبره رسالة موجهة لكل مطرب تسول له نفسه أن يؤجر معجبات لحفلاته لأن هذا لا يليق بفنان يقدم فن اصيل ويحترم فنه وجمهوره
الكاريكاتير من عدد شهر يونيو 2008 - مجلة علي صوتك
لمشاهدة المزيد اضغط هنا
10 comments:
فن أصيل إيه اللي بتحكي عنه أستاذ ياسر مكلوه بقى في الكلوب ونعنشني أفرفشك وبعدين البنت لما بتجري كده على الفنان وهي في حاله هستيريه تتوقع تكون عايزه منه إيه؟
مع خالص تحياتي واعتذر عن لغة الإسفاف التي انتقدها دائما ولكن لكل مقام مقال
برافو و الله عليك
ده انا بعتبره نوع من انواع التلوث الفنى عندنا و نوع من انواع اهانت المرىة التى لا تنتهى
زى لو تفتكر الاعلان بتاع الرنات قال الى معاه رنة روشة البنات حتتلم عليه و الى معاه رنة قديمة البنات حتسيبه
منتهى السطحية و الهيافة لنظرة المرآة و لا أدرى امتى حتختفى
تحياتى
أسامة أبوالخير
هو بلا شك انحلال اخلاقي من كلا الطرفين
:(
خالص تحياتي
عاليا حليم
عفوا .. أنا شايف هنا إن المرأة هي اللي بتهين نفسها كونها تكون آداة لإظهار مدى الاعجاب المبالغ فيه والزائف احيانا بهذا المطرب
لكن جرى العرف مع الأسف للترويج لأي سلعة بيتم استخدام عارضات فاتنات
أتمنى أن تتوارى هذه الهيافة والسطحية مع زيادة الوعي لدى الشباب
:)
خالص تحياتي
هو موضوع شراء المعجبين دا من زمان. ابتدا بانهم يرفعوا بوستر صور الفنان طول ما هو بيغني في الحفلة و انتهى بمهزلة ان البنات تترمي عليه. دا غالبا التطور الطبيعي لفساد الاخلاق
و العيب مش في اللي عامل نفسه فنان مرغوب من المعجبين. العيب في الناس اللي بتسمح لنفسها تعمل كدا
Amy
ممكن تضيفي على ذلك المتفرجين في برامج التووك شو
اللي بيصرخوا ويصفقوا ويهيصوا لضيف البرنامج حسب التعليمات
كله بيضحك على كله
:)
خالص تحياتي
تامر حسني مريض نفسي شوية بس بالنسبة لي انا مش شايف اي مهزلة اخلاقية دا بيدخل في منظومة الدعاية وطالما الطرفان متفقين يبقي مفيش مشكلة
تائة بين العشق الالهي والالحاد
وعرفت منين أني باتكلم على تامر حسني؟
:)
عموما وجهة نظرك قد تكون سليمة
لكن هذا النوع من الدعاية
عمره قصير جدا
خالص تحياتي
ده مين....هه...مين قولي و مش هقول لحد
koukawy
يااااااه
حمدلله ع السلامة
فينك من زمان؟؟
أسألي كوكو الكميل وهو يقول لك هو مين
:)
خالص تحياتي
Post a Comment