جميع المواد المنشورة بالمدونة تخضع لقوانين حماية حقوق الملكية الفكرية .. وأي نقل أو إقتباس بدون ذكر المصدر يعرضك للمساءلة القانونية

Wednesday, June 18, 2008

ايهاب فهمي



ايهاب فهمي نجم من نجوم التلفزيون ولا أحد ينسى قيامه بدور الموسيقار بليغ حمدي في مسلسل العندليب أو دوره في مسلسل بنت بنوت وغيرها من الادوار المتميزة وسمعت أنه قريبا ناوي يطرق ابواب السينما ، وجدت له بروفايل على الفيس بوك وتركت عنده تعليق وعلى غير عادة نجوم الفن أصحاب البروفايلات واللي تلاقي معجبيهم معديين الآلاف ومش بيردوا على تعليقات الناس عندهم .. أهتم ايهاب بالرد على كل من ترك عنده تعليق لذلك شعرت أني أريد أن أحييه على ذوقه بشكل عملي كما فعلت من قبل مع الصديق الفنان خالد الصاوي فقمت برسم هذا البورتريه الكاريكاتيري السريع بالالوان الخشبية أتمنى أن يحوز اعجابه واعجابكم

تحديث


شكرا للفنان ايهاب فهمي على كلماته الرقيقة لي على الفيس بوك

12 comments:

عبد الرحمن أبو بكر said...

الفنان ياسر حسين

مش ها قول غير هايلة جدااااااااااااا

عاجبني اوي الاسلوب الوان خشب وفنشت بالفوتوشوب

ملهاش حل وطالع الرسمة رايقة وتريح العين في الفرجة

وسمبل كالمعتاد في شغلك يا فنان

بجد تسلم ايدك

اهو ده عيبه said...

والله يا استاذ ياسر اتمنى انه يفضل كده حتى بعد ما يتجهه للسينما ولا يتغير نحو جمهوره
والبورتريه هايل جدا وجميل ودايما كده ممتعنا بكل جديد وجميل
تحياتى

ayman badr said...

بجد فنان فنان بكل ما تحمل الكلمة من معنى رسومات حضرتك بتبعث على التفاؤل وتعطى مزيج من الراحة النفسية لمن يشاهدها فيستمتع بها
دمت لنا فنانا عظيما

صاحب المضيفة said...

شكرا لشعوره الجميل

وشكرا لإحساسك الرائع


جميل ذلك التمازج بين الأدب والفن بصورة حضارية واجمل منه التعبير عن الإمتنان بشكل عملي



تحياتي الغاليات

مواطن مصرى نايم said...

جميله جدا جدا
بجد رائعة
و كمان ايهاب فهمى
انسان محترم جدا
و يا رب يوفقه فى السينما
هو يستاهل كل خير و الله

ميه ميه يا فنان

ياسر حسين said...

عبد الرحمن أبو بكر
أنا سعيد يا بيبو أنها عجبتك
رأيك يهمني جدا لأنك تقريبا شبه متفرغ للبورتريه
وما شاء الله عليك متميز فيه جدا
:)

اهو ده عيبه
الفنان الذكي في جميع مجالات الفن لا يبتعد عن الجمهور والا هيخسر خسارة فادحة لكن من خلال سماعي لايهاب فهمي في بعض اللقاءات التلفزيونية حسيت أنه شخص متزن
عموما الايام هي اللي هتثبت
:)

خالص تحياتي

ياسر حسين said...

ayman badr
أشكرك يا ايمن على ذوقك
ده انت اللي كاتب واعد
وسابق سنك
أنا اليوم اول مرة ابص على البروفايل بتاعك وأعرف سنك
:)

صاحب المضيفة
التقدير المعنوي من الحاجات الانسانية بشكل عام
فما بالك بالفنان
:)
أشكرك على تعليقك

خالص تحياتي وشكري للجميع

ياسر حسين said...

مواطن مصرى نايم
فعلا ايهاب تحس فيه كده بالهدوء في الآداء
مين عارف يمكن يبقى من نجوم الصف الاول في السينما يوما ما
كل واحد له وقت بيلمع فيه
:)

خالص تحياتي

ketchup said...



فنان محترم و يستحق التقدير
تسلم ايدك البورتريه هايل



ياسر حسين said...

ketchup
أشكرك على تعليقك
آخر موضوع عندك عجبني
:)

خالص تحياتي

سبهللة عالاخر said...

انت فنااااااااان بجد
انا اول مرة ادخل هنا وان شاء الله مش هاتكون الاخيرة
بس عندى سؤال ؟؟
انتى خريج كلية ايه ودفعة كام
انا خريجة فنون تطبيقية ودفعة 99
يمكن طلع زملاء ولا حاجة
تحياتى ليك
وبالتوفيق ان شاء الله

ياسر حسين said...

سبهللة عالاخر
مرحبا بيكي في كارتونيا
أنا خريج كلية التربية النوعية شعبة تربية فنية جامعة القاهرة
دفعة 1993
وخريج اكاديمية الفنون دراسات عليا في الفنون الشعبية دفعة 1998
وللمزيد عني يسعدني زيارتك لموقعي
يوجد لنكات لجميع صفحاتي ع النت بالمدونة

خالص تحياتي