سافرت يوم بعيد عنك
وطار النوم .. ياعيوني
سهرت الليل ونور منك
ينور ليلي .. وعيوني
وليلي فى حلمي بالقاكي
ونور الصبح يرعاكي
ندهت وقلت يا ملاكي
إمتى تعودي لعيوني
إمتى تعودي لعيوني
لكن عمري .. أنتي برضه
وإبتسامته ..بكره ترجع
ويا نظره ..من عينيا
في عينيكى
حبي يرجع
12 comments:
كلام فى منتهى الرقه
اتمنى انك ترجعلها بسرعه
فعلا كلام جميل ..واحلى حاجه الامل
اكيد هترجعلها
ربنا يخليكو لبعض
مدونة جميلة
كلها فن
كاريكاتير وموسيقى وكمان شعر
أنت فنان بجد
ايه يا عم الصورة الطحن دي
بجد حلوه
كلمات معبرة عن الغربة والبعاد
جميل إن الفنان يكون شامل
تسلم إيديك يافنان
وينكى
ومين مالوش حبيب أو حبيبة
بتبعدهم الظروف ويتمنى أنهم يرجعوا لبعض
شيماء الجيزى
كلامك سليم .. أحلى حاجة الأمل
مشمش
ربنا يخليهملك
رانيا
نورتى المدونة وشكراً على المجاملة الرقيقة
Ahmed AL-Hussany
متشكرين يا عم بعض ما عندكم
بس أيه رأيك في الشعر؟
خالد
فعلا أنا قاصد أني أركز ع الاحساس
بالغربة والبعاد
أشكرك على زيارتك وتعليقك
خالص تحياتي للجميع
جميل جميل جميل جميل مش عارفة اقعد اقول جميل لحد امتى بجد
ايوية
شكرا على التعليق ومتحرمناش
من تكرار الزيارة
خالص تحياتي
والله وربنا وحيات النبى انا بنت يتقلها متحرميناش من الزيارة مش متحرمناش
وشكرا
ايوية
الأخت العزيزة أنا عارف أنك بنت
ولو دقننا على الأخطاء الاملائية ده لو افترضنا أني كاتب غلط ...كلمة وحياة النبي مش بالتاء المفتوحة بل بالتاء المربوطة ونضيف إلى ذلك لا يجوز الحلف بغير الله فإن هذا يعتبر نوع من أنواع الشرك ... وإن شاء الله في الردود القادمة سوف أقوم بتشكيل الحروف وعرضها على مجمع اللغة العربية قبل نشرها
خالص تحياتي
ايوية
اوعي تزعلي أنا بهزر
خالص تحياتي
Post a Comment