جميع المواد المنشورة بالمدونة تخضع لقوانين حماية حقوق الملكية الفكرية .. وأي نقل أو إقتباس بدون ذكر المصدر يعرضك للمساءلة القانونية

Wednesday, April 18, 2007

من مميزات الحكم الجمهوري

yassercartoon القصة من موقعي الفرعي
كنت قد رسمت هذه القصة لإحدى المجلات العربية للاطفال وكان ذلك منذ عدة سنوات .. وعندما شاهدها المسئول الفني عن المجلة .. طلب مني تعديل القصة .. لأنها تدور حول الأسد .. ويتم وصفه في القصة أنه ملك الغابة .. مما قد يتسبب في وصول فكرة غير صحيحة وهي أننا نسخر لا سمح الله من الملك حاكم هذا البلد الذي تصدر منه المجلة ... وقتها رفضت التعديل .. فقال لي : نحن كمحترفين نضطر أحياناً لتعديل بعض أعمالنا طبقاً لمتطلبات السوق .. فرددت عليه قائلاً : وأنا لست مضطر .. الخلاصة تم قبول هذه القصة ليتم نشرها بعد ذلك كغلاف أخير لمجلة سمير الشهيرة الصادرة عن دار الهلال المصرية .. ساعتها شعرت بقيمة أن نظام الحكم عندنا مش ملكي .. يعني أرسم ملك الغابة براحتي
و ... تحيا جمهورية مصر العربية

13 comments:

safa7_karmooz said...

اوقات كتييير بشوف البانر بتاع حضرتك فى مدونات كتيرة ...فقلت النهاردة ااسبر اغوار هذا العالم المجهول وادخل ااشوف من يكون ياسر توون

ولقيت حاجه لذيذة جدا ...

وللاسف فيه ناس هنا فى مصر ...بيخافوا اى حاجه ...حتى لو قصة الارنب والسلحفاة تمس حاجه من الناس اللى فوق...عشان ميزعلووش وزعلهم وحش ...

وكمان حكاية مخترفين ومتطلبات السوق...كلمة عفا عليها الزمن...او معناها كده انه بيبيع الفن ...مش بيتذوقه...

تحياتى ليك...وتحياتى اكتر انك مغيرتش الحدوتة :D

koukawy said...

من قلبك الكلام ده؟؟؟

ياسر حسين said...

safa7_karmooz
أهلا ومرحبا بيك صديق جديد للمدونة واشكرك على تعليقك

koukawy
لأ مش من قلبي من كي بوردي
هاهاهاههههه
طبعا وأكيد ومن كل قلبي بأحب بلدي
وتحيا جمهورية مصر العربية كمان مرة

خالص حبي وتقديري

أحمد مختار عاشور said...

أولا القصة جميلة و تدعو للتفكير
ثانيا الرسومات أجمل
ثالثا
انا شايف ان البوست ده فيه تأييد للنظام المصرى
اى نعم انت وصفت مصر كغابة
فى كلامك الرمزى عن "أرسم ملك الغابة براحتى"ا
و هى فعلا كدة
عشان الكبير فيها بياكل الصغير
بس عمر ما كان النظام بتاعنا ملك الغابة
فهو لا يرقى لهذه المنزلة
للأسف يا فنان البوست ده برغم غموضك فيه الا انى مش شامم فيه غير كل تأييد للنظام الحاكم
حتى لو كان تأييد من النوع المتفلسف
لكنى أحسبه تأييد و السلام

ياسر حسين said...

أحمد مختار عاشور
أولا : أنا حكيت واقعة حصلت فعلا

ثانيا: كنت متوقع إن ممكن يتفسر البوست ده بأكتر من تفسير حسب الاتجاه الفكري لكل قاريء

ثالثاً : مش مصر بس اللي غابة الكبير فيها بياكل الصغير .. العالم كله ومنذ قديم الأزل كده ولكن بدرجات متفاوته
الدول الكبرى بتاكل الدول الصغيرة

خالص تحياتي

أبو كريم said...

العقول المغلقة موجودة في كل مكان ولا علاقة لذلك بنظام الحكم سواء كان جمهوري أو ملكي
ربما في حالتك لم يقف النظام الجمهوري عائقاً لنشر قصتك في بلدك بينما وقف النظام الملكي في بلد أخر كعائق
أنا معك في أن الكبير يأكل الصغير ظاهرة عالمية
أشكرك على مدونتك الجميلة

المزاجنجي said...

ارسم يا عم الملك والغابة زي مانت عايز وافرح بيهم وابقي ارسم مرات الاسد كمان لو عايز، لأن الاسد بتاعنا مكبر دماغه وميصغرهاش زي بقيت اخواته، ويمكن دي الحاجة الوحيدة اللي تتحسبله.

ياسر حسين said...

أبو كريم
أهلا بيك ومرحباً بك دائماً

المزاجنجي
أنت شايف كده؟

خالص تحياتي للجميع

BaSsMa said...

القصة تحفة والرسم جنان
وفعلا انتو معندكوش مملكة الدور والباقي علينا

ياسر حسين said...

BaSsMa
أشكرك على تعليقك
لكن أفهم من كده إن الحكم الجمهوري أفضل؟

BaSsMa said...

اعتقد المفروض يكون أفضل لكن في ظل المشاكل لي انتو بتعيشوها المملكة أرحم
كنت اتمنى تكون عندكم مملكة وترتاحو من وجع الدماغ وكلو بقا يشوف حاله بدل ماكلو بقا بيكلم في السياسة على الاقل متكونش مشاكل الحكم واصلة لكل بيت

ياسر حسين said...

BaSsMa
عموما أنا لم أعاصر مصر في عهد الحكم الملكي حتى أستشعر الفارق بين النظام الملكي والجمهوري
وعلى حسب ما قرأت وسمعت
أن لكل منهم مميزاته وعيوبه
وأنا عادة أنظر للجزء الممتليء من الكوب

خالص تحياتي

مشمش said...

هي دي الحسنة الوحيدة
بس كدة