جميع المواد المنشورة بالمدونة تخضع لقوانين حماية حقوق الملكية الفكرية .. وأي نقل أو إقتباس بدون ذكر المصدر يعرضك للمساءلة القانونية

Sunday, January 6, 2008

ذهب6630 ثم جاء 6300


لم أكن من المهتمين بالموبايلات ولا التفاخر بانني أحمل موبايل ماركته كذا أو ثمنه كذا

حتى ظهرت خاصية التصوير في الموبايلات وانا من عشاق التصوير الفوتوغرافي

فأشتريت جهاز موديل 6630 وقد أبلى هذا الجهاز معي بلاء حسنًا على مدار سنتين بالرغم من أنني كنت قد أشتريته مستعمل. تعرض إلى عدة اصابات وكنت أقوم باصلاحه والصرف عليه ولم افرط فيه حتى ظهرت موديلات أحدث بها كاميرات أحدث ومع ذلك لم أغيره حتى حدث موقف أول أمس تكرر معي كما لو كان إنذار وهو أن الجهاز ينغلق بمفرده أحيانا ثم يسقط استقبال الشبكة أحيانا أخرى فعملاً بمبدأ خسارة قريبة ولا مكسب بعيد قررت أن أبيعه وأستبدله بجهاز آخر رأيت أنه من وجهة نظري أنيق والكاميرا المدمجة به 2ميجا بيكسل يعني بنت حلال وتصويرها مش بطال وهو موديل 6300 قد يكون كل هذا الحوار لا يعنيكم في شيء ولكنني أحب أن أقول إن تغيير الموبايلات لمجرد التغيير والفشخرة شيء مالهوش لازمة ولكن يأتي التغيير للضرورة والاحتياج فكثيرا من الناس يحملون موبايلات باهظة الثمن ولا يستخدمون كل امكانياتها وربما لا يعلمون كيفية استخدامها .. أنا شخصيًا فوجئت بشخص يحمل موبايل حديث جدًا ليستمع إلى الأغاني عليه بينما لايوجد خط داخل التليفون .. وعجبي

هذه الاجهزة مع الاستعمال الجيد والمحافظة عليها لا تحتاج إلى تغيير .. وكما يقولون في علم النفس التجاري الدافع إلي الشراء هو الرغبة في مجاراة الأخرين .. وأنا أقول علينا أن نجاري التطور الحديث ولكن فيما نحتاج بالفعل لا لمجاراة الأخرين

في انتظار تعليقاتكم

صورة موبايلي الجديد


شاريه مستعمل


:))))

11 comments:

تامر حسين said...

وماله التغيير محبب بردو حتي لو مش هتستعمله في حاجا غير انك تتكلم واعتقد ان موبيلك شاف منك الويل بردو
صحيح ان كل ماده الموبيلات بتقل كفائتها وخامتها بس بيزيد امكانياتها بس هي دي سنه الحياه ولازم نواكب العصر بردو
نحياتي

أمل عبد الحكيم said...

فعلا بقه فى حاله فشخرة عجيبه بالموبايلات
وناس بتجيب الموبايل بس عشان الاغانى
طيب مايجيبوا ام بى فور ارخص واى موبايل بيقول الووو وبيترد منهم وخلاص
وعادى ياعنى احنا مستهلكين تكنولوجيا

Cleo said...

ألف مبروك يا ياسر.. وتدوبهم فى عرق العافية :)

نبيله الوكيل said...

السلام عليكم ورحمة الله وبركاته

مبروك عليك الموبايل والعقبه لنا فى المسرات ان شاء الله

Unknown said...

مبروك العده الجديده
والله ان معايا برضه 6630 وشغال زى الفل الحمد لله
اصلى مش بشترى الحاجات دى
بتجيلى معونات
:)
مجبر اخاك
بس فى رايى انا بحب الحاجات الصغيره
وضحكنى اوى حكايه موبال يسمع فيه اغانى من غير خط دى
الواحد بيدور علىل حاجه تقول الو
ودول بيدوروا على حاجه تقول اخاصمك اه وعجبى

Unknown said...

الف مبروك على التليفون الجديد
وفعلا موضوع التغير من اجل التغير دة بقى سمة عندنا

حسن ارابيسك said...

سحس
مساء الخير
أنا ايضا ممن يصفون أنفسهم بالجهل في وضوع التليفونات ده وما زالت لا أعرف في أرقامها التي أسمع عنها وكنت دائما لا أهتم الا بهاتف يرسل ويستقبل المكالمات والرسائل وبعد موضوعات تكنولوجيا الكاميرات في الموبايلات استشرت أحد أصدقائي على نوع وموديل الهاتف المميز الذي يحمل تلك التكنولوجيا وبالفعل رشحوا أحدهم لي بس خلاص أمر بيحصل مع كتير كنت منتظر برضة لوحة كاريكاتيريه عن الموضوع ده ايه مش معقول الموضوع لم يثير فيك قريحتك الكاريكاتيرية لرسم لوحة للموضوع ودي كانت فرصة لمدونتك القيمة أن تصبح غنية بتلك الأعمال
مبروك الموبايل
ونسيت أبارك المرة اللي فاتت على البدلة الشيك دي
شكراً لاتاحة الفرصة للتعليق

Yasser Hussein said...

تامر حسين
من جهة إن موبايلي شاف الويل فهو شاف كنت مشغل عليه انترنت أكثر من 12 ساعة يومياً .. كويس إن البروسيسور مضربش

امل عبد الحكيم
الام بي فور كمان ده حكاية لوحده وتقليعة جديدة طلعت لنا اليومين دول

Cleo
عشتي ... عقبالك

Nabila
عقبال ما يبقى عندك أجدع منه
:)

لماضة
أمال لو شفتي اللي ماشي وحاطط الموبايل على ودنه زي الراديو الترانزيستور وكأنه بيسمع ماتش كوره

ايوية
التغيير شيء طيب وخصوصاً لو كان للأفضل لكن لمجرد التغيير دون الاحتياج فأعتقد أنه مالهوش معنى

حسن ارابيسك
أنا رسمي قليل في المدونة بالرغم من أنها مدونة كارتونية .. فما أنشره هنا إما سكتشات أو رسومات تم نشرها في الصحافة المطبوعة وذلك بسبب انتشار لصوص النت الذين يسرقون الاعمال ويحذفون التوقيع ويستخدمونها في تصميماتهم .. وعلى فكرة سحس ده مش دلع ياسر خالص .. ده دلع الوالد
:))))

خالص تحياتي وشكري للجميع

نهى منير said...

أزيك يافنان
أنا شخصيا بأحب اغير الموبايل كل ما يطلع موديل جديد
تسميه دلع تسميه فراغ
أهو ده اللى بيحصل
سنة جديدة سعيدة على كل الحبايب
بـــاى

كمال سلطان said...

ربنا يوعدنا يافنان
ونبقى 6300 ولا N70
انا أصلى لسه 6630 وبرضه شاريه مستعمل

Yasser Hussein said...

نهى منير
التغيير مطلوب والدلع مش عيب
:)

كمال سلطان
ربنا يوعدك بالموديل المفيد لك في مجالك والمفيد لك حسب متطلباتك

خالص تحياتي