جميع المواد المنشورة بالمدونة تخضع لقوانين حماية حقوق الملكية الفكرية .. وأي نقل أو إقتباس بدون ذكر المصدر يعرضك للمساءلة القانونية

Wednesday, January 23, 2008

ستة وثلاثون

غداً إن شاء الله الرابع والعشرون من يناير هيكون عمري 36 سنة ، ياااه الأيام بتجري زي الصاروخ ، لكن من أجمل الأشياء أن يمر عمرك وأنت تبتكر وتتقدم في مجال عملك وتطور من أسلوب حياتك وتحاول أن تصلح من نفسك
ستة وثلاثون عامًا هو عمري ، وسبعة عشر عامًا هو عمر مشواري في مجال الكاريكاتير والصحافة
دخلت المجال وأنا عمري تسعة عشر عامًا وفي داخلي إصرار على تحقيق الهدف وحب شديد لفن الكاريكاتير والصحافة
أمارس هذا الفن منذ أن كان عمري عشرة سنوات وأتابعه في المجلات والصحف ولم أكن أتخيل أنني سوف أكون واحد من هؤلاء الفنانين
الذين يرسمون الكاريكاتير في الصحف
أو قصص الأطفال في المجلات عندما أكبر
وبمناسبة ذكري يوم ميلادي توكلت على الله وقررت أنزل أجازة قصيرة إلى مصر
حتى أرى أهلي وأصدقائي وأسعد بيهم .. وذلك غدًا صباحًا
وسوف أحاول نشر موضوعات جديدة أثناء تواجدي بالقاهرة
دعواتكم وآراكم قريبًا إن شاء الله

22 comments:

appy said...

كل سنه وانت طيب
مصر كلهااااااااااااا هتنور واذا كنت من القاهرة فكلهاااااااااا هتنوررررررررررررررر يا رب عقبال 104 سنه بس هيبقوا كتير مش مهم مش خسارة فيك

Anonymous said...

العمر كلو ياسر باشا وسنين مديدة وسعيدة مملؤة بالصحة والعافية

وطبعا انا هفتقد تواجدك جدا بالكويت وانى كل يوم اشوفك واضحك وياك ونتفرج عالافلام اللى بنحبهاويارب توصل بالسلامة وترجع تانى بالسلامة وان شاء الله الاهل سالمين وبصحة وعافية

اخوك / حوكا " عبقرينو"

semsem said...

وانا عيد ميلادى النهارده :)

كل سنه وانت طيب يا فنان

ايوية said...

كل سنة وانت طيب وعقبال ميت سنة
ولما يخلصوا نبقى ندعى تانى

لماضة said...

كل سنه وحضرتك طيب يا استاذ ياسر
ويارب عقبال 96 سنه كده
وتنور مصر كلها
بس ايدك قى على الشوكولاته وانت راجع

ياسمين حميد said...

كل سنة وأنت طيب وعقبال 360 سنة
!!!

S H A H said...

كويس لحقتك في اول يوم في سنك الجديد
كل سنة و انت طيب يا فنان

و بعدين مش كنت تقول بدري عشان ابعت معاك شوية اشاربات للحجة

ترجعلنا بالسلامة

maii omar said...

كل سنة وحضرتك طيب
أنا سعيدة إني أول مرة أزورك يكون عيد ميلادك...يارب تكون السنة دي خير عليك وعلى كل اللي بتحبهم

:)

شيماء الجيزى said...

كل سنة وانت بألف خير
انا جاية اقولك عيد ميلاد سعيد
وعقبال مليييييييييون سنة

تحياتى يا استاذى
وعيد ميلاد سعيد مرة تانية

اسكندراني اوي said...

نحن السابقون من سنتين
وانتم اللاحقون
ربنا يديك الصحه وطوله العمر

ويمتعك بانجازاتك يارب

عبد الرحمن أبو بكر said...

كل سنة وانت فنان يا فنان

وكل سنة وانت طيب

وهتنور مصر كلها

وضروررررررررررررررررررررررري نتقابل

عايز اتكلم معاك كتيررررررررررر

bos bos said...

اولا انا لسة ما قريتش البوست ده بس دخلت اشوف التعليقات على بوست الأيس كريم وشفت تعليق حضرتك على تعليقى وطبعا زعلت جدا لان حضرتك فهمتنى غلط ولانى ماكنتش أقصد حضرتك خالص بالكلام
وبعتذر لو كان كلامى أتفهم غلط أو زعلك

Ala'a said...

كل سنة وانت طيب
واتمني ان حضرتك تشرفني في مدونتي المتواضعه لاني عارضه فيها شويه رسومات عمالتها
ياريت تقوللي رائيك فيها
الاء

mado80 said...

ماشاء الله كل سنه وانت طيب يا فنان وعقبال ميت سنه

وللأمام دايما بأذن الله....تحياتي

loza said...

كل سنه وانت طيب ..

وانشاء الله دايما في تقدم ..

ربنا يوفقك ..

أسامة أبوالخير said...

استاذ ياسر أنا آسف جدا على تأخيري لتهنئتك بمناسبة اكمال عمرك الـ 36 سنة ربنا يبارك في عمرك ويديك الصحة وعلى فكره افتقدناك في الكويت والله اليومين اللي فاتو ياريت تجينا بسرعة وعلى فكره لمن يقرأ هذه الكلمات من اصحاب المدونات الأخرى أقولهم الفنان ياسر زميل عمل وأخ فاضل نعتز بيه من قلوبنا لأنه يستاهل كل خير ربنا يوفقك

تامر حسين said...

كل سنه وانت طيب يا حبي ويا اخويه الوحيد
ويارب كل سنه تزيد من انجازاتك الفنيه واهدافك الادبيه
ربنا يوفقك
تحياتي

A.SAMIR said...

هو النور اللي ضرب في مصر دة كان علشان انت نزلت؟
كل سنة وانت طيب يا فنان وعقبال عيد ميلادك ال 360
مش كنت بمناسبة عيد ميلادك السعيد حطيت رسم كاريكاتوري هدية لنا كدة؟
تحياتي واحتراماتي

عاليا حليم said...

حمد الله ع السلامة القاهرة نورت
كل سنة و انت طيب يا فنان

بلقيس said...

كل لحظه وانت سعيد

مشمش said...

كل سنة وانت في سعادة وخير يارب ومصر هتنور بجد وشفت كابل النت اتقطع من زيادة النور الي جه لما وصلت مصر ياريت تزورني في مدونتي المتواضعة جدااا وتقول رايك

ياسر حسين said...

appy
حوكا
semsem
ايوية
لماضة
ياسمين حميد
S H A H
maii omar
شيماء الجيزى
اسكندراني اوي
عبد الرحمن أبو بكر
bos bos
Ala'a
mado80
loza
أسامة أبوالخير
تامر حسين
A.SAMIR
عاليا حليم
بلقيس
مشمش
أشكركم جميعاً من كل قلبي لأنكم شاركتوني هذه اللحظات وتعليقاتكم تدل على أنكم أصدقاء فعلا
وأشكركم على تشجيعكم لي مما سوف يدفعني إلى الأمام لكي أنجز وأطور من نفسي ومن عملي
آدام الله علينا نعمة الصداقة
خالص تحياتي وشكري للجميع