جميع المواد المنشورة بالمدونة تخضع لقوانين حماية حقوق الملكية الفكرية .. وأي نقل أو إقتباس بدون ذكر المصدر يعرضك للمساءلة القانونية

Wednesday, November 12, 2008

حقيقة فتوى إهدار دم ميكي ماوس

تناقل الناس موضوع فتوى إهدار دم ميكي ماوس مع الأسف بشكل ساخر من الشيخ الذي ألصقت فيه هذه الفتوى وهو لم يقل ذلك

الرجل كان بيتكلم عن موقف الشرع من الفأر كحيوان ضار وإن تجسيد الفأر بشكل محبب للأطفال في أفلام الكارتون الاجنبية شيء غير مقبول مثل ميكي ماوس وجيري ، ,اضيف أنا شخصيا ما لم يقوله الشيخ يوجد حيوان آخر مقزز شكلا وصوتا وهو الخنزير يتم تجسيده أيضا في الكارتون الغربي على أنه جميل ولطيف ..عجبي

بشكل عام وبدون كلام في الشرع والدين ، هل هناك شخص مهما كانت ديانته يستطيع أن ينكر أن الفأر حيوان قارض وضار ويعيش في البلوعات والمجاري ، ولو حد مننا دخل بيته فأر مبيعرفش ينام غير لما يطرده بره البيت أو يصطاده ويموته

وهل ينكر أي إنسان أن الخنزير حيوان مقزز بيأكل الزبالة وصوته وشكله يثيروا القرف في نفس البني آدم

الرجل في الفيديو لم يهدر دم ميكي ماوس الشخصية الكارتونية كما حاولت الجهة التي صدرت هذا الفيديو وترجمته إلى الانجليزية ليراه العالم ويسخرون منه ومن الاسلام ، و انما أهدر دم الفأر ذلك الحيوان الضار القارض ساكن المجاري والبالوعات

وأنا كرسام كاريكاتير وعملت في مجال الرسوم المتحركة أرى أن كثيرا ما يتم دس بعض القيم والمفاهيم الهدامة ومنها مالا يناسب مجتمعاتنا العربية والاسلامية من خلال الافلام الكارتون التي أشك أصلا أنها صنعت للأطفال

ده كان رأيي ... يا ترى أيه رأيكم

كارتونيا: مدونة فنان الكاريكاتير المصري ياسر حسين

16 comments:

Cleo said...

الحقيقة فعلا قضية ميكى ماوس والفأر جيرى - قبحهم الله - هى من أهم القضايا التى تؤرق المجتمع المسلم فى العالم كله...

بس يا ريت لو كان مولانا من باب انه يروح عن قلوب المسلمين يفتيلهم فى أى موضوع خفيف كدة يطرى القعدة زى الأمانة فى المعاملات والرحمة والتراحم والكف عن العنصرية القبلية والدعوة إلى الاتجاد فيما بين المسلمين

Unknown said...

خليني امسك في اخر كلمة كتبتها
اشك انها صنعت للاطفال اصلا
وخليني ابعد شوية عن توم وجيري وميكي ماوس
شفت الافلام اللى بتتعمل اليومين دول
وبتتذاع في الفضائيات
ياريتها بتجسد حيوانات
للاسف بتجسد بني ادمين وفي صورة مخله بالاداب
لبس وحش
والفاظ وعنف مينفعش اصلا تقدم للطفل لا كماده ترفيهيه ولا تعليميه

افتكر الحكايه اكبر من ميكي ماوس
:))

daktara said...

اعتقد ان الموضوع اخد اكبر من حجمه
لكني مازلت مصمم علي ذبح ميكي ماوس واي ماوس اخر في ميدان عام

د.؟ خالد عزب

daktara said...

انت حاطط
Your comment has been saved and will be visible after blog owner approval.

be sure that you'll never see me here again till u remove it

Yasser Hussein said...

Cleo
أنا هنا باتكلم عن موضوع محدد
وهو الفتوى الملفقة بقتل ميكى ماوس
ووضحت ذلك فى التدوينة وفي الفيديو بشكل موجز
ولكن لا خلاف في أن هناك موضوعات أخرى تحتاج للنقاش من علماء الدين لصالح المجتمع

خالص تحياتي

Yasser Hussein said...

لماضة
الله ينور عليكي يا دكتوره
جبتي المفيد
:)
خالص تحياتي

Yasser Hussein said...

daktara
أكيد طبعا نحن نؤيد قتل أي ماوس في ميدان عام ما عدا الماوس بتاع الكمبيوتر
:)

أيوه أنا حاطط
Your comment has been saved and will be visible after blog owner approval.
لأن أحيانا في ناس بتعلق على موضوعات قديمة ومش بأشوف تعليقاتهم وأنا بأحترم جميع التعليقات وبأهتم بالرد عليها
أما بالنسبة لتعليقك
be sure that you'll never see me here again till u remove it
فردي
It's up 2 u
As u Like
:)

خالص تحياتي ونورت كارتونيا

بس خلاص ... said...

بالنسبه لموضوع توم وجيرى وميكى ماوس وكل الحيوانات التى يتم تجسيدها فى افلام الكرتون المقصود بيها لفت انتباه الطفل وتعلقه بالافلام دى ..لان الطفل بفطرته بيحب الحيوانات وبتشد انتباههوده اسلوب ذكى للتأثير... بالنسبه لفن الكارتون هو فن بسيط وجذاب ولكنه مؤثر جدا جدا يعنى كده بيجيب المختصر المفيد فى قضايا هامه وبيلقى عليها الضوء سواء بالسلب او بالايجاب .. وده من وجهة نظرى المتواضعة جدا
ولكن انا لى وقفة عند كلمتك أياسر ...منها مالا يناسب مجتمعاتنا العربية والاسلامية من خلال الافلام الكارتون التي أشك أصلا أنها صنعت للأطفال.. اقول لحضرتك هما يعرفوا جيدا ان مرحلة الطفوله هى اكثر مرحلة يمكن التاثير فيها لان دى فترة تكوين الشخصية والثقافة وهما متعمدين يعملوا تغيير هويه وفكر للاطفال بصورة جدذابه ومؤثرة وخبيثة..لانهم يعتمدوا على سياسة النفس الطويل ... ودى مجرد وجهة نظر تحتمل الخطأ والصواب
اسفة على الاطالة ..وارق تحياتى

Yasser Hussein said...

بس خلاص ...
أولا مفيش أي اطاله ولا حاجة
ثانيا اشكرك على تعليقك بما يحتويه من شرح موجز لنقاط عديدة أردت أن أوضحها
وأنتي وضحتيها
:)

خالص تحياتي

Unknown said...

الفن الموجه
لأ انا شايفاها بقي اتعملت للأطفال .. ليه بقي
عشان دول ما شاء الله حاجه سهل تغيير تفكيرها و أفكارها
سهل تغسلهم دماغهم .. و لذلك يبقي سهل تحطلهم رسائل خفيه بإقامة علاقات عاطفيه مثلا زي ما بنشوف أفلام الكارتون
و مثلا ممكن يتعلموا إن اللي بيبقي متمسك بقيمه يبقي ضعيف
و طبعا بيتعلموا قانون الغابه "البقاء للأقوي" من جميع أفلام العنف
و طبعا إبنك يا فرحتك بيتفرج علي ده كله و إنت و لا إنتاش داري إنه بيضيع بشكل مختلف
طبعا ربنا بيكرم ان ممكن ابنك يكون شخصيه مضاده للغسيل
أو ما شابه .. بس الغالبيه اتعلمت إنها تستقبل و الأطفال بقوا مدمنين تليفزيون و ما أدراك بقي ..

تحياتي

ياسمين

Unknown said...

آه علي فكره ممكن ف
settings
Comments
Comment Notification Email
تكتب فيها إيميل ينبهك إن فيه كومنت جديد .. بدل إدارة التعليقات .. مجرد إقتراح

لكن أنا عن نفسي بشوف إن المدونه صاحبها حر فيها إن شالله يقلبها مقلة لب .. مفيهاش حاجه :)

Yasser Hussein said...

عاقلة علي ارض الجنون
انتي عندك حق بخصوص الفن الموجه
حسب معلوماتي الاطفال في الخارج مش بيتفرجوا على التلفزيون بالساعات زي اطفالنا
:)
بالنسبة لادارة التعليقات
سبب آخر لوضعها
الحد من بعض التعليقات التي تحمل الفاظ غير لائقة أو خارج نطاق الموضوع
كالاعلانات مثلا
وعلى رأيك
إن شا الله نعملها مقلة لب
:)

خالص تحياتي

koukawy said...

اهو كل واحد قاعد لواحد تاني علي اللمه عشان يعلق

Yasser Hussein said...

koukawy
عفوا
مش فاهم تقصدي أيه
:)

خالص تحياتي

أُكتب بالرصاص said...

برافو عليك

فعلا
الموضوع اخد اكبر من حجمه
وانا لم اصدق الفتوى
إلا لما شاهدت الفيديو
وعرفت ان الراجل ماكنش يقصد المعنى
انما فعلا اهدر دم الفأر وادخل بلهجة ساخرة ميكي ماوس

Yasser Hussein said...

اكتب بالرصاص
يا مراحب منور كارتونيا
وان شا الله متكونش آخر زيارة
بالنسبة للفتوى
ما هو لازم الواحد يشغل مخه مش كل ما يسمع خبر يصدقه من غير ما يستقصاه
ولا أيه
:)
خالص احتراماتي