جميع المواد المنشورة بالمدونة تخضع لقوانين حماية حقوق الملكية الفكرية .. وأي نقل أو إقتباس بدون ذكر المصدر يعرضك للمساءلة القانونية

Sunday, April 8, 2007

يعني ايه مهرجان؟



yassercartoon الكاريكاتير من موقعي الفرعي

مهرجان .... كل ما أقرأ الكلمة دي في أي مناسبة زي مهرجان السينما ولا مهرجان القراءة ولا مهرجان المسرح باسأل نفسي

يعني ايه مهرجان؟ ... هل معناها تهريج ... ولا هرج ومرج ولخبطة؟ ... ولا معناها تهريج منظم ؟

لو حد عنده إجابة للسؤال ده ياريت يفيدني أفادكم الله

16 comments:

•«ρяoιd»•™ said...

السلام عليكم

ازيك يا ياسر

انت بجد فنان مبدع و ساخر

دمك زي السكر

اما بقي يعني ايه مهرجان

يعني حكومه معاها فلوس من دم الشعب و مش لاقيه حاجه تعملها بفتعمل مهرجنات ملهاش اي فايده

اصل الحمد لله

الشوراع نضيفه

و المواصلات ميه ميه

و الدخل القومي ارتفع

و مفيش معدومي دخل في البلد

و كله ميه ميه

و علي رأي المثل

اللي معاه قرش محيره .. يجيب حمام و يطيره

تحياتي

Yasser Hussein said...

•«ρяoιd»•™
شكرا على زيارتك وتعليقك
أنا زرت مدونتك وسمعت الأغنية اللي بصوتك على المدونة
ولكن عفوا
أنت في بداية الأغنية تبعث إهداء
لم أستطيع أن أفسر كلمات الأهداء
إلى من تهدي الأغنية؟
خالص تحياتي

Ahmed said...

مهرجان يعني شوية ناس مهتمة بموضوع ملمومة حواليه
تتكلم وتلت وتعجن فيه ومفيش مانع من اكل وشرب
ويمكن في الاخر تاخد شوية هدايا معاها
علشان الأولاد مش حاجة تانية
ولما بيبتدوا بيكونوا حاميين ولما ينتهوا بينسوا هما كانوا هنا ليه

Anonymous said...

لما باسمع كلمه مهرجان لازم تيجى على بالى مهرجانات ريودى جانيرو
موسيقى ورقص وصخب للصبح
الناس كالها فى الشوارع بتحتفل.. والزينه فى كل مكان..ولا مانع من حفلات تنكريه
هيصه مالهاش اول من اخر
لكن المهرجانات اللى انت بتتكلم عنها دى....
لاياعم ..أروح أشوف اللى ورايا احسن

Bella said...

كلمة مِهْرَجَان

بكسر الميم وسكون الهاء وفتح باقي الحروف كلمة فارسية مركبة من كلمتين
مِهْر ومن معانيها الشمس

وكلمة جان ومن معانيها الحياة او الروح

ومهرجان تعني إحتفال الاعتدال الخريفي

وتعني ايضا الاحتفال الذي يُقام ابتهاجاً بحادث سعيد أو إحياء لذكرى عزيزة كمهرجان الأزهار , ومهرجان الشباب ومهرجان الجلاء

والتفسير من المعجم الوسيط

تحياتي

Bella said...

نسيت اقول لك ان مدونتك حلوة جدا ورسوماتك جميلة

•«ρяoιd»•™ said...

السلام عليكم

يا رب تكون بخير يا ياسر

الإهداء لأخت لي فلسطنيه

سافرت هي و جوزها و عاشوا في الضفه المحتله

ربنا يفك اسر المسجد الأقصي

و نورت مدونتي يا ياسر بجد ده شرف ليا و مش مجامله

تحياتي

Yasser Hussein said...

Ahmed AL-Hussany
شكرا على تعليقك ...وجهة نظر برضه

وينكى
واضح أنك بتحبي المهرجانات
بس مهرجان عن مهرجان بيفرق

Bella
شكرا على زيارتك وتعليقك الجميل
المعلومة اللي قلتيها من المعجم علميا
أكيد صحيحة
بس أنا كنت منتظر تعريف المهرجان من وجهة نظر القراء
وليس من الكتب

•«ρяoιd»•™
أشكرك على الرد

خالص تحياتي للجميع

Anonymous said...

بص ياسيدي
المهرجان شيء مش منظم بس في جمال لان اوقات بتحب تخرج من حياتك المنظمة نوعا ما وتتجنن وتلخبط الدنيا حواليك عشان تحس ان مفيش قيود ولا كسوف ولا اهتمام بمكان المواضيع والاشياء الصح الي المفروض يكون في مكانة
واهم واحلي مهرجان عندي هو الي الهنود بيحتفلو بيةوهو مهرجان الالوان
والي بيحصل في الشوارع ان الناس كلها بترش علي بعض الوان كتير وبتتلخبط الالوان في عيون الناس وعلي ماقد انة بيكون مفيش تانسق للالوان دي علي قد ما اللخبطة دي بيكون ليها وقع كويس اوي في الناس يعني ممكن عنيك تستريحلة مع انة مش منظم يعني حالة من الخروج عن المالوف ولو لفترة صغيرة لاني بحب الالوان كلها لما اشوفها مع بعض بحس بجمال الدنيا في وقت واحد السما والارض والشجر والبحر والورد وكل شيء اتجمع جوا عنيا وبيديني احساس بالسعادة في وقت واحد حتي الالوان الي مش زاهية باقي الالوان بتدلها جمال حواليها
انا مش همجية عشان بحب المهرجانات بالعكس انا منظمة وحياتي روتينية عشان كدة بحب اخرج ولو لفترة صغيرة من النظام واتجنن واعمل مهرجانات واوقات بتبقي المهرجانات دي في لبسي وشكلي والخبط الدنيا ومدام كدة عاجبني خلاص حتي لو وحشة
انا بحب وبحترم فنك وبقدرة جدازي كل الالوان
وكل المهرجانات

بسمه عبدالباسط said...

المهرجان المفروض أنه يكون حاجة منظمة لكن للأسف كل المهرجانات اللى بنشوفها بيضيع فيها التنظيم وبتكون كلها هرج
مدونتك جميلة وأنا أكتشفتها باصدفة بس عجبتنى قوى

Yasser Hussein said...

مشمش
شكرا على تعليقك المطول
بصراحة أنتى قلتي كلام كتير لدرجة أني مش عارف هو بدأ منين وأنتهى لفين
أحتمال فعلا يكون ده معنى مهرجان

BOS BOS
شكرا على زيارتك ..أنا زرت مدونتك
وتركت لك تعليق هناك
ودوما من أصدقاء المدونة الدائمين

خالص تحياتي للجميع

تامر حسين said...

اعتقد ان مهرجان جمع كلمه مهرج او مهر الجان من البلاوي الي بنشوفها وكانهم بيتفننو في اظهار ملابسهم او بالاصح الي تحت ملابسهم مع احترامي للقراء بس هما فهمين قصدي
علي ما اعتقد

Yasser Hussein said...

تامر حسين
وجهة نظر برضه ... عندك حق لا يخلو مهرجان من استعراض الملابس إياها خصوصا مهرجانات السينما

خالص تحياتي

BaSsMa said...

مهرجان
يعني هرج وهيصة واحتفالية
بس عليك شوية أسئلة
:D

Yasser Hussein said...

BaSsMa
نورتي المحكمة يا باسمة ... أبقي زوري المنتدى بتاعي

خالص تحياتي

semsem said...

والله احنا لما بيقولنا ان فى مهرجان يعنى سهر وتعب وقرف وشغل للصبح وفى الاخر ولا حاجه ناس فاضيه وحكومه معاه فلوس واحنا اللى بنشيل اليله
فى الاخر بتوع الدعايه يعنى