جميع المواد المنشورة بالمدونة تخضع لقوانين حماية حقوق الملكية الفكرية .. وأي نقل أو إقتباس بدون ذكر المصدر يعرضك للمساءلة القانونية

Friday, April 13, 2007

الدراما اللونية



قمت برسم هذا المشهد في إحدى القصص التاريخية المصورة لإحدى مجلات الاطفال
ونرى فى الصورة الاولى من أعلى حيث تم تلوينها بشكل عادي فكل عناصر اللوحة تم تلوينها بألوان قريبة من الواقع
ولكن في الصورة الثانية تم استخدام لونين فقط بدرجاتهم حيث أن المشهد التاني يمثل ذكرى يتم روايتها اثناء أحداث القصة
فبالرغم أن الرسم واحد ولكن التلوين مختلف وتوظيف المشهد مختلف
وهذا ما أسميه اللعب بالألوان أو الدراما اللونية ... فالألوان تعكس الحالة النفسية للمشهد
وهذا ما نراه ايضاً على خشبة المسرح أو في أفلام السينما
كما تلعب الألوان أدوار متعددة في حياتنا ... فلكل لون دلالة نفسية عند البعض ... فالابيض والاخضر ألوان تبشر بالخير .. والأسود يدعو إلى الحزن ..بينما يعتبر البعض أن اللون الأسود يدل على العمق ..والأحمر يراه كثير من الناس أنه لون الدم بينما يراه الطفل أجمل لون على أغلفة الحلوى والبالونات ... فهذه هي الدراما اللونية من وجهة نظري الخاصة فما رأيكم؟

14 comments:

Anonymous said...

جميل اوى لما الطباخ الشاطر يكشف بعض من تفاصيل مهنته

•«ρяoιd»•™ said...

هو انا اه بحب الرسم قوي

بس مبعرفش اساسا امسكقلم اخبط بيه اساسا

الدراما اللونيه اللي اتكلمت عنها يا استاذ ياسر

ده شئ فعلا موجود

و زي ما حضرتك قولت

مش في الرسم و الألوان بس

في السينما كمان

اما بقي اللي انا بعرف اعمله

و بستخدم فيه الدراما اللونيه دي

هي كتاباتي

بحس اني برسم الكلمات

ما الكلمات برضه بتترسم

لما ترسم مشاعرك و احاسيسك و تستخدم صوربلاغيه تعبّر بيها و ترسم بيها اللوحه اللي انت حخاسسها في عقلك

هي دي الدراما اللونيه اللي بعرف استخدمها

تحياتي

SomeOne said...

:)

كلام جميل مقدرش اقول حاجة عنه

بس انا بحب الالوان
الاخضر - الأسود

دون ان انظر للسبب

:)

Unknown said...

طبعا لكل لون دلالة عن الاشخاص ولو تعرف ان هناك فرع من افرع علم النفس الحديث هو علم نفس ااالالوان
وكمان بيقولك على كل لون يناسب كل مكان وكل حالة مزاجية الاوان فعلا شى مهم فى حياتنا

Yasser Hussein said...

أحمد مختار عاشور
أشكرك يا دكتور ... بس أيه رأيك في نسبة الملح في الطبخة دي؟

•«ρяoιd»•™
لعلمك أنا معجب جدا بالالوان اللي بتستخدمها في اشعارك اللي على مدونتك .. وأتمنى أنك كمان تكون عضو في منتديات ياسرتوون ... ياريت تشارك باشعارك الجميلة

شادي فايد
يمكن علشان مفكرتش أنت ليه بتحب الألوان دي .. عموما أنا عرفت أنت ليه حبيت مدونتي ... أكيد عشان لونها

ايوية
ده غير علم نفس الألوان في اختبارات نفسية قائمة على الرسم زي إختبار
HTPإتش تي بي
Home..Tree..Person
المنزل والشجرة والشخص
مش كده ولا أيه؟
وشكراً على إنضمامك يا أستاذه إلى منتديات ياسرتوون


خالص تحياتي للجميع

أحمد سلامــة said...

هي الالوان دايما ليها دلاله في اي مشهد الانسان بيشوفه
وغالبا بتكون معكوسه على نفسيته
ابسط حاجه لما الانسان بيكون مكتئب
بيشوف الدنيا مغيمه
يعنو لون غامق حزين وكئيب
والعكس طبعا
مش عارف انا خرجت برا الموضوع ولا ايه بس انا من خبرتي الميته في عالم الالوان حابب اقولك انا فاهم كلامك وحاسه قوي
تحياتي لك يا فنان

zordeak said...

امممممممم

شكرا يا جمييل على كلامك ده


وشكرا كمان على مشاركتنا رسمك الجميل


تحياتى

:)

Yasser Hussein said...

أحمد سلامة
أهلا بيك يا أحمد أنت أسمك على أسم زميل دراسة قديم وفنان تشكيلي
جميل أنك حاسس أنا عايز أوصل أيه من خلال الموضوع وإن كنت برضه بأستعرض تقنية من تقنيات التلوين قد تبدو متخصصة بعض الشيء

zordeak
شكرا يا جمييل على كلامك ده
وشكرا كمان على مشاهدتك لرسمنا المتواضع

خالص تحياتي

Anonymous said...

اهم حاجة في الدنيا الالوان الا مكانتش الطبيعة كلها الوان الطيور والحيوانات والشجر والارض ومن هنا خدنا حالتنا النفسية في وجود الالوان الالوان الزاهية الوان الطيور ودي بهجة واللبني والابيض لون السما والبحر وهما يبعثو علي هدوء الاعصاب والاسود الارض والغيامة ودي بتبعث علي الكابة يعني الانسان الطبيعة هي الي وجهتة لاحساس بالالوان من غير مايحس بس احيانا بيكون في شواذ يعني في ناس بتحب الوان معينة وبتبعث في نفسها مشاعر عكس الي ممكن تديها لناس تانية
انا بحب كل الالوان لانها من فضل ربنا علينا ونعمه تخيل الدنيا من غير الوان هتكون فظيعة ومهاش طعم زي الصورة الي حضرتك حاططها مباش ليها معني يتحس بعد ما شلت الالوان
الحمد للة ان الدنيا بتاعتنا بالالوان مش ابيض واسود

Yasser Hussein said...

مشمشم
أعتقد أن قصدك تكتبي مشمش بس طلع حرف زيادة في الآخر ... واضح أنك بتحبي الألوان ومن كتر إنفعالك بالموضوع كتبتي فيه كتير وزودتي حروف كمان

خالص تحياتي

Unknown said...

ايوة طبعا دة غير ة دة بيتدخل فى موضوع اللوان الى تتناسب مع الاماكن يعنى مثلا حجرة السفرة يناسبها الوان اية المستشفى اى الون الى يناسبها وهكذا واضح ان عندك خبرة فى موضوع الاختبارات النفسية انا على فكرة اخصائية نفسية يترى الخبرة دة قراءة ولا حضرتك دارس

Yasser Hussein said...

أيوية
أنا خريج تربية فنية ودرست اربع أنواع من علم النفس المتعارف عليهم
علم نفس النمو .. علم نفس تربوي .. علم نفس تعليمي .. صحة نفسية .. ده غير أني درست علم نفس التربية الفنية ودرست سيكولوجية الفنون ده بالاضافة إلى أن أعز أصدقائي المغني محمد جابي كان آداب قسم علم نفس وكنت باستعير الكتب بتاعته أيام الجامعة وأقراها ..ده غير لوحاتي التشكيلية اللي بنيتها على بعض نظريات فرويد في تفسير الأحلام

خالص تحياتي

BaSsMa said...

انا بحب الأسود والأحمر وعامة بحب الغوامق
ده تفسيرة ايه
:D

وانا متفقة معاك تماما الألوان بتغير كل شيء وكفاية ندي مثل بالليل والنهار مابيتغرش حاجة في اليوم غير ان بدل النور بيبقى ظلام لكن بتفرق كثير في حالتنا النفسية ونلاقي حد بيفضل النهار وآخر بيفضل الليل
وبالنسبة للصور عجبتني الصورة التانية
موضوع ممتاز اوي وقلت لازم ارد :)

Yasser Hussein said...

BaSsMa
أنا متفق معاكي يا باسمه وأنا شخصياً حابب الصورة اللي خلفيتها حمراء

شكرا على تعليقك