جميع المواد المنشورة بالمدونة تخضع لقوانين حماية حقوق الملكية الفكرية .. وأي نقل أو إقتباس بدون ذكر المصدر يعرضك للمساءلة القانونية

Thursday, May 10, 2007

عمري

عمري ما بكيت .. ولا قلت ياريت
ولا عمري ندمت ... أني حبيت
يا جميــلة جمــــــالك خــــــانك
وجمــــــالك أصـــله غـــــــرور
وغـــــــرورك ضـــــــــيع حبي
ويـــــــا الأيــــــــــــــــام بيدور
ويــــــا الأيـــــــــــــــــام بيدور
عمري ما حكيت .. ولا حتى شكيت
ولا عمــــــري ندمت .. أني حبيت

20 comments:

Anonymous said...

اولا انا سعيدة اني اول واحدة اعلق ثانيا الاغنية اكيد ليها معني وهدف عندك وانت طبعا موضحتوش بس جميلة جدا لو من تاليفك احييك عليها لو مش من تاليفك احييك لختيارك ليها يافنان في كل شيء حتي اختيارك للاغاني

Anonymous said...

نسيت حاجة مهمة الصورةبتاعت حضرتك الجديدة دي فيها حاجة جديدة فيها تفاؤل وشكلك فيها سعيد يارب اكون علي حق وتكون سعيد علي طول عمرك

SomeOne said...

مسيرك حتبكي و حتندم

هي الحياة كده
:)

Yasser Hussein said...

مشمش
الغنوة من تأليفي واشكرك على تعليقك
وربنا يجعل أيامنا جميعاً كلها تفاؤل

شادي فايد
البكاء والندم على الذنب والتوجه إلى الله بالدعاء حتى يعفو عنا ده شيء محمود
ولكن البكاء علشان واحدة مغرورة كنت بتحبها وهجرتك ..
ده موضوع الغنوة
وفيها بأستنكر النوع ده من البكاء
ولا أيه رأيك يا أستاذ شادي

خالص تحياتي
وأشكركم على تعليقاتكم الجميلة

Anonymous said...

7elwa awy w lw en da she2 mot3b l2n el boka byry7 fy 7alat kter bs msh daymn el wa7d by2dr
w 3omr ely by7b bgd byndm 3la 7obo abdn
wallahy ma3ndesh e mail leh ma7dsh bysd2ny? ana b7b arg3 lltabe3a w el7ayah el baseta
some one

شيماء الجيزى said...

يا جميــلة جمــــــالك خــــــانك
وجمــــــالك أصـــله غـــــــرور
وغـــــــرورك ضـــــــــيع حبي

بصراحه البيتين دول عجبونى جدا جدا
فيهم المعنى كله بشكل كبير
انا معاك
متندمش ولا تبكى
على واحده مغروره
مسير غرورها
يضيع الجمال
ويضيع الحب

تحياتى

Yasser Hussein said...

some one
أهلا بيكي
أنا عارف إن البكاء ساعات بيريح
بس مش مع كل الناس
ومش أي حد يستحق أننا نبكي علشانه
وبالنسبة للإيميل
معتقدش أنه ممكن يؤثر على الحياة البسيطة
لأنه صورة متطورة من البريد بتاع زمان اللي كان في ظرف وعليه ورقة بوسته
ولسه في ناس بتستخدمه لحد النهاردة



شيماء الجيزى
أحيكي على تعليقك
وعلى تذوقك لمعاني الكلمات
وده طبيعي لأنك بتكتبي أشعار جميلة

خالص تحياتي للجميع

نهى منير said...

حقيقى جميل يا فنان
بس حضرتك شايف إن البنت الجميلة لازم تبقى مغرورة؟
ولا أيه؟

hoda omran said...

حلوة الاغنية
وفعلا كتير اوى الغرور بيغطى على جمال البنت او الانسان اللى ادامك
وبعدين من تواضع لله رفعه
ولا ايه
:)

البتاع said...

فى رأيى
الندم على تجربة مرينا بيها
.....هو شئ يستحق الندم عليه

وحتى لو انت حبيت واحدة غرورها زاد عن جمالها ودول بينى وبينك اكتر بنات مؤرفة اسألنى انا
انا بنت وعارفة :-)
ده مش معاناه ان الغلط منك
انت حد مشاعره نقية ملكش دعوة بباقى الناس

......
مدونة جميلة بجد
تحياتى

Yasser Hussein said...

نهى منير
مش شرط البنت الجميلة تبقى مغرورة
ولكن في كتير من البنات الجميلات بيغتروا
بجمالهم وده بينفر الناس منهم

همسات
جميل تعليقك
وديماً منورة المدونة بتعليقاتك الجميلة
ولا أيه؟


البتاع
اشكرك على كلامك الرقيق
بس على فكرة مش شرط إن الكلام
اللي بأكتبه يكون عني أو عن تجربة خاصة
أنا بأكتب عن حالة عامة
وأشكرك مرة تانية على زيارتك

خالص تحياتي للجميع

Dalia said...

جميله جدا يا استاذ ياسر

فعلا الندم مش حل ولا الدموع هتعمل حاجه

Anonymous said...

وليه تبكى على واحده مغروره ماقدرتش مشاعرك؟؟
هل بتبكى على رحيلها ولا بتبكى حالك من بعدها؟؟
كلماتك سلسه ومعبره..مستنيه اسمعها متلحنه ومغناه يا فنان
انا عارفه انك زعلان منى وانى مقصره جدااااااافى حق المدونه والمنتدى
بس ثقتى فى تفهمك للضغوط اللى عندى تشفعلى
انا امتحانى الفاينال كمان اسبوعين بالتمام والكمال
ادعيلى

Yasser Hussein said...

Dalia
أزيك .. فينك من زمان
تعليقك مختصر بس فيه المفيد

وينكي
دي كلمات غنوة وفي نفس الوقت مبدأ
وأنا مقدر ضغوط الامتحانات
ما أنا كنت طالب في الجامعة يوما ما
ومريت بنفس الضغوط دي
ربنا يوفقك

خالص تحياتي للجميع

بسمه عبدالباسط said...

البكاء لازم يكون على حد يستاهل
والغرور نهايتة وحشة قوى وحله أنك تتجاهله

Yasser Hussein said...

bos bos
كلامك في الصميم

خالص تحياتي

البتاع said...

انا فاهمة على فكرة انه شيطان الشعر مش تجربة خاصة
انا بس بناقشك بحكم انك نائب عن بطل القصيدة
:-)

تحياتى الحارة

Yasser Hussein said...

البتاع
أعوذ بالله من الشيطان الرجيم
أيه اللي جاب سيرة الشياطين
هاهاهاهه
أهلا بيكي
خالص تحياتي

تامر حسين said...

اغنيه حلوه بس قصيره
تحياتي

Yasser Hussein said...

تامر حسين
متشكر يا تيمو على تعليقك

تحياتي