جميع المواد المنشورة بالمدونة تخضع لقوانين حماية حقوق الملكية الفكرية .. وأي نقل أو إقتباس بدون ذكر المصدر يعرضك للمساءلة القانونية

Wednesday, May 23, 2007

القاعدة الذهبية


بعد تخرجي من كلية التربية النوعية شعبة التربية الفنية - جامعة القاهرة سنة 1993
تم تعييني مدرس تربية فنية في إحدى المدارس الحكومية .. أجتمع مدير المدرسة بالمدرسين والمدرسات
ليحذرهم من إعطاء الدروس الخصوصية .. حيث يقوم بعض التلاميذ بإبلاغ أولياء أمورهم بأن المدرس الفلاني يحرضهم على أخذ درس خصوصي عنده .. وبالتالي يبلغ ولي أمر التلميذ الادارة التعليمية .. التي بدورها تحول المدرس الفلاني للشئون القانونية
حيث يتم التحقيق معه .. ومن أطرف ما قاله المدير في إجتماعه مع المدرسين
هذه القاعدة الذهبية التي سمعتها لأول مرة في حياتي منه وهي
عايز تفضح راجل سلط عليه ست
عايز تفضح ست سلط عليها عيل
وإحنا يا سادة بنتعامل مع عيال
وعجبي

25 comments:

نهى منير said...

هييييه
أنا جيت الأول
بس مش شايف يافنان
إن حضرتك ظالم المرأة فى الموضوع ده
أنت مطلعها السبب فى فضيحة الراجل
أرجو إن رأيى مش يزعلك

بــــاى

نفسنا said...

تم أفتتاح العدد الأول من مجلة نفسنا
نتمنى منكم زيارتنا

Yasser Hussein said...

أولا مش أنا اللي قايل المثل
ده مدير المدرسة .. وأنا ذكرته لطرافته
ثانياً المقصود هنا بالست ..المرأة اللعوب اللي ممكن تؤدي بالرجل للفضيحة نتيجة لتسليط أحدهم إياها على الرجل
وكلام المدير هنا
بيشير إن التعامل مع العيال أخطر من التعامل مع المرأة اللعوب
لأن العيل لا يلام لأنه عيل
ويوم ما يتم تسليطه على أحد
تكون العواقب وخيمة

خالص تحياتي

Yasser Hussein said...

مجلة نفسنا
ربنا يوفقكم يا شباب
جميل إن الشباب يكون عندهم فكرة ويسعوا لتحقيقها
عقبال المجلة المطبوعة

خالص تحياتي

Anonymous said...

هو فعلا عندة حق الست لما بتكرة راجل بتبقي شرسة خصوصا لو كانت ست لعوب ومش بيهمها حاجة ومبتتكسفش يعني دي مش تفضحة بس دي تخرب بيتة كمان بس رايي انها في الحالة دي بتكون اخطر من العيال لانها مش هيهمها حاجة
انا رجعت تاني وبخير الحمد لله وسعيدة اوي بوجودي بينكو وتحياتي لاستاذي ياسر

تامر حسين said...

الي يمشي ورا العيال ميخلاش من المشاكل

Yasser Hussein said...

مشمش
حمدلله ع السلامة .. رجعتي منين
هو أنتِ كنتِ مسافرة ؟
عموماً أهلاً بيكي وشكراً على تعليقك

تامر حسين
المشاكل برضه؟
نمشيها المشاكل
ههههههههههههههه

خالص تحياتي للجميع

Dalia said...

هههههههههههه

و عجبى

تصدق معاه حق المدير انه يقول كده

:D:D

شيماء الجيزى said...

القاعده الذهبيه

والله الراجل المدير ده بيفهم
يعنى خدوا بالكوا بقى
من......عيالكو

تحياتى يا استاذ ياسر

Dalia said...

اه معلش نسيت اقول حاجه

الصوره اللى فى البوست تحفه

ابلغ من اى كلام

تسلم ايدك يا فنان

تامر حسين said...

لازم تمشيها المشاكل يا كبير

Unknown said...

يمكن الكادر الجديد يحل مشكلة التعامل مع العيال دة
وعجبى

Yasser Hussein said...

Dalia
مدير خبرة بقى

شيماء الجيزى
هو يقصد خلوا بالكم من حركات العيال

تامر حسين
ماشي يا لورد

ايوية
الكادر الجديد ده أصلا لعب عيال

خالص تحياتي للجميع

koukawy said...

انا سمعت الموضوع ده قبل كده بس مش عارفي ده فعلا و لا لأ

semsem said...

طب لو عاوزين نفضح العيل اللى فضح الست نعمل ايه

Yasser Hussein said...

koukawy
الموضوع ده فعلا
اقول لك ازاي
لو عيل ماشي في الشارع وضرب راجل كبير بطوبة وحب الراجل ده يعاقبه ويضربه
أيه اللي بيحصل؟
الناس هتتلم وتعاتب الراجل وتقول له قدك ده؟ ده عيل؟
كذلك لو عيل اتسلط على ست عشان يفضحها بكلام او بفعل
هيفضحها ولا يُلام .. لأنه ببساطة
عيـــــل

semsem
لو عايزين نفضح عيل نسلط عليه عيل أعيل منه .. أصغر منه يعني في السن والفعل

خالص تحياتي

بسمه عبدالباسط said...

بوست هايل
بس أرحموا الستات شوية المدير ده شكله بيكره الستات قوى

وبالنسبة لمجلة نفسنا
شكرا لكلامك ربنا يخليك
بس حكاية المجلة المطبوعة دى كبيرة قوى علينا أعتقد أنه ده أخرنا
وعايزين نعرف رأيك فى المجلة
تحياتى

yamen said...

والله صدق

تحياتي يا فنان

BaSsMa said...

يعني كده الست بقت فاضح ومفضوح
مع الراجل بتفضح
ومع العيل بتتفضح
..
في كلا الحالتين صورتها مشوهة
لكن بما انه تم ذكر ست مش بنت
سماح المرة دي
:D

Yasser Hussein said...

bos bos
المدير بيكره حركات العيال مش الستات
:)
المجلة لطيفة وموضوعاتها متنوعة بس في منها موضوعات قديمة زي موضوع فيلم اوقات فراغ
الفيلم ده تقريبا بقاله اكتر من سنة ونص

yamen
شكرا يا دكتور يا موسيقار

BaSsMa
صدقيني يا بسمة الراجل مش بيقصد أي ست
هو مركز بالمثل ده على مدى خطورة التعامل مع العيال والوثوق فيهم
ولاحظي إن العيل أكثر خطورة من الست ع الراجل وعلى الست
لأنه كما ذكرت من قبل
لا يُلام

خالص تحياتي للجميع

Anonymous said...

الكبير فيه اكبر منه
والقوى فيه اقوى منه
والعيل






ماعلينا

Yasser Hussein said...

وينكي
:) :) :)
كلامك في الجوووووول

خالص تحياتي

•«ρяoιd»•™ said...

سلمت يمناك يا استاذ ياسر يا حبيب قلبي

انا فاكر اني رديت هنا مش عارف الرد راح فين بقي

تقريباً موصلش و لا النت كان مهنج مني

تحياتي

koukawy said...

وجهة نظر تحتر
ميرسي علي الشرح
:)

Yasser Hussein said...

•«ρяoιd»•™
أهو أنت اللي حبيب قلبي
:)
أكيد النت كان مهنج

koukawy
العفو يا فندم
سلامي إلى كوكو الكميل

خالص تحياتي للجميع