جميع المواد المنشورة بالمدونة تخضع لقوانين حماية حقوق الملكية الفكرية .. وأي نقل أو إقتباس بدون ذكر المصدر يعرضك للمساءلة القانونية

Monday, January 7, 2008

وصلة ردح

سعدت كثيرًا بتدوينتي المرئية الثانيةالمعروضة على موقع يوتيوب الشهير
حينما وجدت أن قد شاهدها ثلاثة وثلاثين ألف وستمائة وثلاثة وسبعون شخص ، حينها شعرت أن كلمتي قد وصلت للكثير من الناس ولكن سريعًا ما تبخرت هذه السعادة حينما بدأت أقرأ التعليقات الموجودة اسفل الفيديو المعروض
والتي أتت مع الأسف لا تعبر عن أي رأي حول ما قلت في هذا الفيديو .. بل اتت عبارة عن شتائم متبادلة بين بعض المسلمين والمسيحين ومن لا ديانة لهم كما لو كانت هناك مباراة في الردح والقاء التهم فيما بينهم وإن كنت أرجح أن أصحاب هذه التعليقات لا هم مسلمين ولا مسيحين بل أناس يسعون إلى إثارة الفتنة والبلبلة .. كنت أتمنى أن يعلقوا على ما جاء في الفيديو من آراء ومقترحات لمواجهة هذه الرسوم بشكل عقلاني وعملي ، لا أن تتحول ساحة التعليقات إلي ساحة سب وقذف وردح واتهامات
حقيقي أنا حزين على أصحاب مثل هذا الفكر
نسأل الله أن يهدينا جميعاً وأن نغير ما بأنفسنا قبل أن يفوت الآوان

11 comments:

نبيله الوكيل said...

للاسف انا مشوفتش الفيديو

بس كويس اننا نتعامل مع المشاكل بموضوعيه وندور حلول بدل الكلام والزعل ورد السب على بعض

بسمه عبدالباسط said...

فعلا بندعى ليهم ربنا يهديهم
وهو ممكن يكون اللى كتبوا الكلام ده لا مسلمين ولا مسيحين بس عايزين يعملوا فتنه وبلبلة وخلاص
بس المهم أننا ما نقفش عند المواقف دى ونفضل مستمرين فى طريقتنا وطريقتك اللى أكيد كويسة جدا
وماتحطش فى بالك الحاجات دى
وربنا يهدينا جميعا

Unknown said...

اعتقد يا استاذ ياسر زى ما حضرتك قلت انها مجرد بلبله لا مسلمين ولا مسيحيين
ربنا يهدى

شيماء الجيزى said...

فعلا ربنا يهديهم
وفعلا ده شئ يدعى للحزن على شباب زى دول
المفروض يتفكروا ويحاولوا يفكروا بعقلهم مش ينجاروا وراء افكار خاطئه واساليب مش كويسة

.....................

استاذ ياسر
ارجو ان حضرتك تكون بخير حال
وانا من فتره طويلة جدا لم ادخل المدونات
ولم ابدا فى الدخول الا منذ يومين
لاصرارى على وجودى التدوينى
ولانى انا وغيرى حسينا اننا بعدنا بجد

وارجو ان ده ميحصلش
هكون دائما موجوده فى بيتى الثانى وهى كارتونيا
المحببه لقلبى

سعدت بوجودى هنا
تحياتى لك

حسن ارابيسك said...
This comment has been removed by the author.
حسن ارابيسك said...

ياسر
اذيك يا فنان كارتونيا
شئ مؤسف حقا بخصوص التعليقات
ولكن يبقى فيها أيضا شئ إيجابيا ترى فيه مكنونات الأنفس دون رتوش وترى الوجوه دون ماسكات
وبالنسبة لك أنت .. ليس عليك اللوم في أي شئ فنان.. فأنت تزرع لهم حيقة غناء جميلة بزهورها
فيأتي من يفهم ويعي ,ويستمتع برائحتها الذكية ويملئ عينية بجمال العشب والزهور والأشجار وفراشاتها التي تحط على زهورها
ويأتي أيضا من لا يعرفون معنى اي شئ عن جماليات الشئ فيسيئوا إلى أنفسهم قبل أن يسيئوا إلى تلك الحديقة الرائعة
شكراً يافنان وشكرا لكارتونيا

Unknown said...

المشكلة اننا بقى طبع فينا نسيب المشكلة الاساسية ونخلق مشكلات فرعية تبعدنا عن هدفنا
ربنا يهدى

Yasser Hussein said...

Nabila
ياريت تتفرجي ع الفيديو وبعد كده نعرف رأيك .. لكن مبدئيًا تعليقك بيحمل معاني جميلة

bos bos
مع الأسف كثروا هؤلاء المفسدين والمثيرين للفتن

لماضة
ماهي حاجة بالعقل ايه اللي دخل حوار المسلمين والمسيحين في الموضوع أنا مكنتش بأتكلم عن كده خالص في الفيديو

شيماء الجيزى
عودا حميدا
قالوا في الأمثال من فات قديمة تاه
وأعتقد أن وجودك التدويني كان فاتحة خير عليكي فأحرصي عليه

حسن ارابيسك
تعليقك مليء بالصور التعبيرية الجميلة
أنت فنان تشكيلي ولا شاعر ولا أيه حكايتك بالضبط
:)

ايوية
حقيقي حاجة عجيبة سابوا الأصل ومسكوا في الفروع .. ناس عايزه تتكلم وخلاص سواء كان في الموضوع أو بره الموضوع

خالص تحياتي وشكري للجميع

أمل عبد الحكيم said...

الفيديو كان يستاهل كل الزيارات دى واكتر بس تبقى بتعبر عن رايهم فى فكر الفنان اللى بيتكلم
انما الردود اللى وصلت عبارة عن نتيجه للى بيحصل طول الوقت
عايزين يبينوا ان فى وحدة وطنيه
ومع اول مشكله بتظهر بتلاقى مفيش حد طايق التانى المفروض ندور على القصور اللى جوانا وبعدين نقدر نرد على اللى برة
كلامك سليم يااستاذى
ويارب المسلمين والمسيحين يعقلوها هيلاقواها فى الاخر واحدة فى الاخر كلنا بنتكتب بنفس الجنسيه
مصريين

Anonymous said...

أستاذ ياسر
حقيقى أنا معجبة جدا بمدونتك كارتونيا
اللى حسيت أنها موقع مش مجرد مدونة
لما فيها من موضوعات مختلفة ومتنوعة
والفيديو بتاع حضرتك هايل
والأفكار اللى فيه جميلة
الناس اللى بتعلق متعصبة لأفكار معينة بيعرضوها وخلاص دون الالتفات لموضوع الكليب
امضى فى طريقك ولا تلتفت للتعليقات السخيفة دى

Yasser Hussein said...

امل عبد الحكيم
نتمنى أن تتحقق فعلا الوحدة الوطنية ع اليوتيوب بشكل فعلي وتختفي أشكال الهجوم المتبادل بالقول بين الطرفين ع اليو تيوب
:)

مروة
اشكرك علي تعليقك
ومرحباً بيكي صديقة جديدة لكاتونيا
عقبال ما نشوف مدونتك
:)

خالص تحياتي وشكري للجميع