كنت ألف و أتجول في أحد المجمعات التجارية بالكويت فوجدت محل لبيع المنتجات اليابانية ، دخلت وتجولت وشاهدت منتجات يابانية ولكن صنعت في الصين!!! ، المهم .. وجدت مجموعة تي شيرتات صغيرة الحجم بدرجة ملحوظة وكانت المفاجأة حين علمت أنها مخصصة للكلاب
تصوروا .. حتى الكلاب في اليابان والصين بيصنعوا لها ملابس .. مع أني سمعت أنهم في الصين بيأكلوا الكلاب لكن هذا لم يمنعهم
من صناعة ملابس لهم وتصديرها لجميع أنحاء العالم
تخيلت في هذه اللحظة منظر شخص دخل هو وكلبه إلى المحل حتى ينتقي الكلب
التي شيرت المحبب له ، والرجل يسأل كلبه : تحبه أحمر ولا أزرق؟
وعلى رأي المثل : اللي يعيش يا ما يشوف .. واللي يلف يشوف أكتر
وعجبي
19 comments:
عجبا ثم عجبا ولا ينتهي العجب ولو كان في شهر رجب أخيرا مرت الأيام وجاءالزمان الزي نرى فيه أن الدول الشرق آسيوية باتت أكثر رحمة من قلوب الامهات حتى صنعت للكلاب تي شيرتات ذات مقاسات مختلفة وألوان متنوعة كما لم أستبعد أن الشركة الصينية أو اليابانية المنتجة أجرت دراسة نفسية لأذواق الكلام قبل عمل التصميمات وأختيار الألوان المناسبة ..ز ولا عزاء للفتاة السعودية التي توفت منذ يومين في المنطقة الجنوبية بالمملكة العربية السعودية إثر تعرضها للبرودة ةاللصقيع الشديد لأنها تعيش وأسرتها في بيت من الصفيح كما أورد مراسل إذاعة الـ "بي بي سي" ولأنها لا تملك من الملابس الشتوية التي تستطيع أن تحجميها من برودة الشتاء القارص
هههههههههههه
عجبتني قوي نظرة الازبهلال دي يا فنان :)
ده مين اللي مصور الصورة دي ؟ صاحب المحل ؟
ويا ترى بقى فيه مقاسات للكلاب
يعنى نظام انا عايزة تى شريت فحلوؤى مقاس اكس هاو
او اكس هاو هاو
والسؤال الألذ هى الصين كمان وصلت لليابان
ما الاقيش معاك عقد عمل فى الصين ؟؟؟؟؟؟
تحييياتى
هاهاهاهاه .. هوهوهوهو
ولسه كمان فى صنف تانى للقطط
موضوع لذيذ كالعادة يا فنان
بـــــــاى
هوهوهو، الأحمر، هوهو
هههههههههه حلو قوى طيب ممكن اتنين من فضلك لانى هشترى التى شيرت واجيب كلب له فيكون عنده غيرات ههههههههه معلش بقى اصل الناس دى عارفه حقوق الانسان وخلصانه منها فبتدور على حقوق الحيوان رفاهيه بس
هههههههههههههه
صورة موتتنى من الضحك
واحنا هنا مش لاقيين شوال نلبسه حتى
يلاالحمدلله
لومنك استنهز الفرصه واشترى تيشيرت وبعدين اشترى كلب
زى الزرار والبدلة كده
وعجبى عليك يا زمن
هههه
بجد انا مش عاجبني غير الصوره
غطت علي الموضوع هههههه
تحياتي الاخويه
الناس تطلب العلم ولو في الصين
ونحو نطلب لبس لكلابنا من هناك
الله يرحم عبد الفتاح القصري
عجبت لك يا زمن
تحياتي
أسامة أبوالخير
تعليق صحفي شامل وموجز .. جميل
أشرف حمدي
لأ .. اللي صورني واحد صاحبي
:)
بنوتة من وسط البلد
المنتجات الصيني غزت العالم
بالنسبة للمقاسات فيه تريبل اكس هاو كمان
:)
نهى منير
اكيد مش هينسوا القطط ... خربش
ياسمين حميد
هههههههه .. مقلكيش مقاس كام؟
appy
مش بعيد يكون في بمبرز للكلاب والقطط زي ما محمد صبحي في مسلسل رحلة المليون لما أخترع البمبرز للحمير
لماضة
حلوة نظرية الزرار والبدلة دي لكن بجد أكل الكلاب وتربيتهم بيكلف أكتر من البني آدم والغاوي ينقط بطاقيته
:)
تامر حسين
أعمل أيه الكاريكاتير بيجري في دمي لدرجة أنه طلع على وشي
:)))
Ahmed AL-Hussany
ويا ريت مقاساتهم تنفع لكلابنا
كلابنا مقاساتها تريبل أكس عضم
:))))
خالص تحياتي للجميع
انا اتخيلت منظر الفقراء في بلادنا و هما بيتفرجو على صاحب الكلب و هوا بيلبسه
لا و الكلب مطلع لسانه كمان
هأوووووووووووووووووووووو
الناس فى بلدنا مش لقيا تاكل عيش حاف
عجبى عليك يا زمن
بس حلوه نظره الأندهاش دى....معبره أوى
:)
some one
اخي العزيز انا لاحظت عندي لما بفتح البلوج بتاعك بيظهر اوتوماتيك
اباوت مكتوب فيه
اسكن واعمل في الولايات المتحدة الأمريكية - شارك في مسابقة اليانصيب الرسمية الأمريكية للبطاقة الخضراء
اعمل تشكل علي البلوج لانها تقريبا في لنك مباشر بيخليه يفتح اتوماتيك مع الصفحه دي
تحياتي
S H A H
حمدلله ع السلامة
حلوة حكاية الكلب اللي مطلع لسانه للناس دي
:)))
some one
ما هو لازم أندهش .. ولا أيه؟
تامر حسين
في أوبشن في الاكسبلورر ممكن تمنع ظهور الاعلانات ومالوش علاقة بالمدونة
خالص تحياتي للجميع
ههههههههههههههه
طيب كده القطط والفأران هتزعل لا والله معندهمش حق ..
المفروض يعملو سوق تبع حديقة الحيوان ..
ههههههههههه
والله انا مش عارفة الناس مش عارفة تلبس ولادها علشان الكلاب تلبس انا من كام يوم شفت اعلان برضة عن اكل للقطط علشان تبقى قوية وان علشان تسعد قطك هاتلة اكل والله مش فاكرة اسمة
وعجبى
تصدق أنا هبدأ أغير منك؟
دمك خفيف بشكل مش طبيعي، و عادي بقى اتعود على الحاجات دي، ألا صحيح ما بيعملوش بنطلونات كمان؟ لأن دي أنا مش لاقيها بصراحة عندنا، لأ بس واضح إنك فعلاً مندهش
ياااااااه
دة الاطفال هنا في مصر ما يعرفوش يعني ايه تيشيرتات اساسا...يقوموا يلبسوها للكلاب؟
نصيحة بقى بجد
هات معاك وانت جاي بتاع 200 او 300 تيشيرت كلابي من دول وتأكد ان هنا هيقيفوها علشان يلبسها البني ادمين
تحياتي
loza
حديقة الحيوان الآن مفيهاش غير الجمل
على حسب ما سمعت
:)
ايوية
كويس أنهم أعترفوا أنه أكل للقطط زمان أيام الانفتاح في ناس أستوردت أكل القطط وباعوه للشعب المصري على انه بلوبيف
محمد فوزي آل ربيع
مينفعش يعملوا لهم بنطلونات .. عشان مش هيعرفوا يدخلوا الحمام
:)
A.SAMIR
أنت عايزهم يصادروهم مني في المطار .. ساعتها هيقولوا عليا تاجر شنطة
:)))
خالص تحياتي للجميع
Post a Comment