جميع المواد المنشورة بالمدونة تخضع لقوانين حماية حقوق الملكية الفكرية .. وأي نقل أو إقتباس بدون ذكر المصدر يعرضك للمساءلة القانونية

Monday, June 2, 2008

أيهما أهم؟

أيهما أهم .. نظرتك لنفسك .. أم نظرة الناس إليك ؟
بالبلدي كده
منظرك قصاد نفسك ولا منظرك قصاد الناس
:)
يهمني رأيكم

15 comments:

محمد عبد الغفار said...

المسئلة نسبيه جداً فده بيعتمد على نفسك شكلها ايه وعلى الناس هما مين واخلاقهم وفكرهم واهميتهم ايه

فلا يمكن اطلاق قاعده عامه فى هذه الحاله

أسامة أبوالخير said...

أشكرك أستاذ ياسر على هذا الطرح واجيب على سؤالك بسؤال آخر وهو ما الفائدة لو كسب الإنسان كل الناس وخسر نفسه فكثيرا ما قرأنا عن فنانيين حققوا شهرة كبيرة لكنهم خسروا أنفسهم في النهايةوكان منهم على سبيل المثال لا الحصر الفنان رسام الكاريكاتير والشاعر صلاح جاهين والفنان سعيد القصبجي وعبدالسلام النبلسي وحتي فنان الكوميديا اسماعيل ياسين
مع خالص تحياتي

Anonymous said...

منظري قدام نفسي متعلق بضميري. و بالتالي علي قد اهتمامي بضميري علي حسب ما هشوف منظري قدام نفسي

منظري قدام الناس بيساعدني اني اعرف هل انا فعلا بتصرف صح ولا نيتي حاجة و الواقع شئ تاني. الفكرة اني ما اسمحش اني انساق ورا ارضاء الناس عليا

Cleo said...

منظرى قدام نفسى طبعا

*سمر* said...

الاتنيين ..بس نظرت الناس لى ممكن تجاهلها فى حالة شعورى برضائى عن نفسى...

فأقدر أقول كده ..نظرتى لنفسى اهم

Yasser Hussein said...

محمد عبد الغفار
وجهة نظر تستحق الاحترام
ولكنها اجابة دائرية وليست اجابة مباشرة
:)

خالص تحياتي

Yasser Hussein said...

أسامة أبوالخير
لاتوجد فائدة في أن يكسب الانسان كل الناس ويخسر نفسه
لكن مين الفنان سعيد القصبجي؟
:)

خالص تحياتي

Yasser Hussein said...

Amy
يعني من الآخر
منظري قدام نفسي هو اللي له الأولوية
ولا أنساق وراء ارضاء الناس
الله ينور عليكي
:)
ــــــــــــــــــــــــــــــــ
Cleo
عجبني رأيك المباشر جداً
ــــــــــــــــــــــــــــــــ
*سمر*
جميل الرأي ده
يعني نظرتي لنفسي تفوز
:)

خالص تحياتي وشكري للجميع

ناجي العلي 2000 said...

انا آمن بان مظهري امام الناس هو انعكاس لمظهري امام نفسي ... والشخص الي بيفصل بين المظهرين اعتقد انه مصاب بازدواج في الشخصية ويحتاج فورا لاستشارة طبيب نفسي

Yasser Hussein said...

ناجي العلي 2000
على كده أغلب الناس اللي علقت هنا هتروح تعرض نفسها على طبيب نفسي
:)
متعرفش واحد كويس
:)))
خالص تحياتي واحتراماتي

نعكشة said...

طيب كلاكيت تالت مرة عشان حصل لبس و ماس

...

هوه انا أول ما قريت السؤال نط في دماغي ( نفسي طبعاً) دة عقلي

بس وانا بفتح الصفحة عشان اجاوب

ظهرلي شوية افكار منعكشة
يعني انتي مش بتلبسي كويس عشان لما تبقي ماشية مع صحباتك يقوللولك الله دة جميل
بدليل انك في البيت بتبقي لابسة حاجة متكررة متكررة متكررة

لما بتخرجي لو كنتي مش محجبة ( بس الواحد محجب ) قبل ما تتحجبي يعني مش كنتي بتسرحي شعرك و تعملي موزامبلية بينما في البيت اني ناكشاة او حتي مسرحاه بس عاملاة كحكة

لما بتضحكي بتوطي صوتك مع ان ضحكتك ف يالاصل عالية عشان الناس متقولش دية قليلة الادب

اذن الناس مهمين

اعترف و أوؤكد ولو الواحد عايش لوحدوا غير لما يعيش في مجتمع


بس لو عملتي حاجة و زعلتي فيها نفسك منك مبتبقيش عارفة تنامي و مقلقة و منظرك بيبان عليكي
ووشك بيقلب اخضر و اصفر

انما لو عملتي حاجة مش عاجبة الناس بتضايقي في ساعتها بس و خلاص
وترجعي تضحكي عليها عادي يعني


اذن يعود مرة اخري

ان لراحتي النفسية و لسعادتي الكينونية

نظرتي لنفسي اهم بكتير من نظرة الناس

و تسلم عالسؤال
......
مدونة حضرتك ماشاء الله جميعا
هوه انا مدعبستش فيها كتير بس لما اخلص امتحانات هدعبس بقة
.....

سلاموزة

Yasser Hussein said...

نعكشة
معلهش أنا أتأخرت في الرد على تعليقك ده
وصلتني وجهة نظرك اللي أعتقد
انها تتلخص في عبارتك الآتيه
نظرتي لنفسي اهم بكتير من نظرة الناس
:)

خالص تحياتي

koukawy said...

من رأي ان الموضوع متساوي و نسبي
من موقف لموقف

Anonymous said...

بالنسبالي نظرتي لنفسي اهم لاني اما بكون راضيه عنها بحس بثقه تخلي مظهري احسن قصاد الناس اللي لكل واحد فيهم مليون راي

Anonymous said...

بالنسبالي نظرتي لنفسي اهم لاني اما بكون راضيه عنها بحس بجزء من الثقه وده اللي بيخليني اظهر نوعا ما بشكل جايز يكون بيرضي شويه من الناس اللي كل واحد فيهم ليه اكتر من مليون راي في نفس واحد