جميع المواد المنشورة بالمدونة تخضع لقوانين حماية حقوق الملكية الفكرية .. وأي نقل أو إقتباس بدون ذكر المصدر يعرضك للمساءلة القانونية

Saturday, June 28, 2008

على شاطيء مارينا


أصر اصحابي أمس على اصطحابي معهم لشاطيء مارينا على الخليج بالكويت والغريب بالرغم من جمال الشاطيء ونظامه إلا أني لم اشم رائحة اليود التي كنت اشمها مثلا عند ذهابي إلى الاسكندرية أو مرسى مطروح فالبحر هنا ساكن جدا لا يوجد به امواج ولا تسمع له صوت ولا تتعجبوا حين أقول أنني لم أنزل المياه هنا من قبل إلا مرة واحدة منذ أربعة سنوات ربما لأن الصحبة الطيبة لاتجدها كثيرا وحينما وجدت الصحبة خرجنا سويا وحاولنا الاستمتاع ببعض الوقت بعيدا عن مشاغل العمل

17 comments:

مواطن مصرى نايم said...

اته يا باشا
مارينا
الحمد لله انها مارينا الكويت
مش مارينا بتاعتنا
اصل عندنا اللى بيكدب بيروح مارينا
بس شكله كان يوم حلو
انا ححقد عليك بقى
ههههههههههه
لا يا عم انا بهزر
المرة الجاية ابقى ادينى رنة ابقى اجى معاكوا
ههههههه
يا رب دايما مبسوط
eslam

Unknown said...

مارينا.مممممممممممممم ياااااااااااااااابختك ياعم عقبالنا


مصطفى

Anonymous said...

هو دا الاسبوع او الاسبوعين اللي بنستناهم من السنة للسنة

البحر

السهر للصبح ونزول المية والشمس بتشرق
المغربية على البحر


يابخت اللي عندهم شليهات و فلل على البحر

أمل عبد الحكيم said...

حلوة اوى الصور انا بحب اوى خروجات الاصحاب وخصوصا ىف المصايف
بس مش عارفه ديما بحس اننا كا مصريين مش بنعرف نستمتع بالحاجه الا اللى فى بلدنا لانها اللى اتعودنا عليها
يارب اليوم كان حلو
واكيد جددتم نشاطكم
وعقبال المرة اللى جايه

اسكندراني اوي said...

انهو يود يا ابو اليسر
الخليج هنا زي عندك كله ميه واحده
لا صوت ولاحس ولاخبر
حتى رملته وانت دايس عليها تحس انك دايس في طينه مش رمله بحر

اه يااااااني

واحد من البلد دى said...

السلام عليكم

إزيك يا ياسر
يارب دايما مبسوط كده
بس و الله فعلا المشاغل بتاخد الواحد من نفسه
ربنا يقويك
وبعدين يا راجل انا اول ما شفتك فكرت إنك رجعت و رحت مارينا بتاعتنا
عموما ربنا يجيبك بالسلامة و تروح راس البر يا عم

تحياتى ليك

Yasser Hussein said...

مواطن مصرى نايم
تصدق يا عزيزي أنا عمري ما رحت مارينا اللي في مصر دي ولا أعرف بيرحوا لها ازاي
:)
----------------------
egyboy
عقبالك يا سيدي لما تروح أحسن مكان
هو أنا أكره لحد الخير؟
لكن مارينا اللي أنا رحتها بينها وبين بيتي هنا ربع ساعة باتوبيس النقل العام
:)
----------------------
ketchup
والله من كتر ارتفاع حرارة الجو هنا اللي بتعدي السبعة واربعين
مسهرناش للصبح
روحنا قبل العشا
بس الحمد لله لحقنا نبلبط شوية في الميه
ونتصور الكام صورة دول
:)


خالص تحياتي للجميع

Anonymous said...

مبحبهاش تخيل بحس انها حلوة بس ماسخة كمان والزحمة بتخنوقنيييييي

بس المهم الصحبة

يارب يجعل اوقاتك كلها سعاده

بنوتة من وسط البلد said...

بس لمؤاخذة مافيش زى البحر يتاعنا حتى لو كان فى بطليم :)

ع العموم ماشى يا عم ناس حناك بنشم هوا ورمله وبحر وناش تانية هنا بتكح ترااااب


انا لا بحققددد لوا بقررررر ولا بحسسسسسسسد لا سمح الله


منك لله قلبت علينا المواجع :)

يا رب دايما فى اوقات سعيدة وصحبة اسعد

تحياتى

Yasser Hussein said...

أمل عبد الحكيم
فعلا احنا كمصريين مش بنعرف نستمتع باجازتنا ولا بالحياة اصلا
إحتمال لأننا كلنا مطحونين في نفس طاحونة العمل والحياة
:(
------------------------------
اسكندراني اوي
أنا أقصد جليم وميامي وسيدي بشر والعصافرة
:)
------------------------------
واحد من البلد دى
المره الوحيدة اللي رحت فيها راس البر كانت سنة 1980
بصراحة محبتهاش
أما مارينا اللي في مصر معرفش بيروحوها ازاي
هههههههههه
:)
----------خالص تحياتي للجميع--------

Yasser Hussein said...

نوره الخشن ــ آي و كفاية
أنا على فكرة كنت في مارينا اللي في الكويت
:)
-------------------------------
بنوتة من وسط البلد
على فكرة مارينا الكويت ببلاش لكل الناس وعشان أروح هناك كفاية تذكرة اتوبيس نقل عام
بس مارينا مصر
:)))
هي دي بقى بتاعة ناس عايشة واحنا بنكح تراب
ههههههههه
----------خالص تحياتي للجميع--------

Unknown said...

يا رب يكون يوم جميل
فكرتنى بمارينا مصر
تحياتى ليك وللصحبة الحلوة

S H A H said...

ازاي ماشوفتكش :))))

ابقى ركز معايا بقى هناك - انا لاجيء جمعة و سبت حتى لو لوحدي

بس انت قلت يا ياسر معلومة مهمة جداااااااااا فعلا البحر مفهوش ريحة يود و تحسه ميت مفهوش روح

بس برده التغيير مطلوب

ويكسر روتين الاسبوع شوية و يدي اجازة للساقية اللي دايرين فيها

Yasser Hussein said...

ayman badr
أشكرك على تعليقك واعتذر عن التأخير في الرد
:)

خالص تحياتي

Yasser Hussein said...

shah
التغيير فعلا مطلوب
أشكرك على تعليقك واعتذر عن التأخير في الرد
:)

خالص تحياتي

Anonymous said...

انا حسيت من اسلوب كلامك انك مضايق وانك بتحب اى بحر بمصر
بس سيبك انت عيش كل لحظة حلوة وكبر دماغك

Yasser Hussein said...

nana83
مرحبا بيكي في كارتونيا
واشكرك على تعليقك
انا مش متضايق بقدر ما البحر في مصر
بيمثل لي ذكريات
:)
تحياتي