جميع المواد المنشورة بالمدونة تخضع لقوانين حماية حقوق الملكية الفكرية .. وأي نقل أو إقتباس بدون ذكر المصدر يعرضك للمساءلة القانونية

Tuesday, November 11, 2008

ما هي قيمة فوز أوباما؟

مش أنا اللي راسم البورتريه الكاريكاتيري الروعة ده
:)
فرح الناس في أغلب بقاع أفريقيا بفوز أوباما ,اختلف مفهوم الفرح أو سبب الفرح من بلد للآخر
ولن أشرح هنا أسباب فرح الآخرين لأنني لست محلل سياسي أو محلل نفساني حتى أفسر ما بداخلهم
ولكني أعرض هنا قيمة فوز أوباما من وجهة نظري الشخصية أو بالنسبة لي
إن فوز شخص أسود بمنصب الرئيس الامريكي كان يعتبر دربًا من الخيال
ولقد تجسد ذلك في العديد من الأفلام الامريكية التي تدور أحداثها في المستقبل البعيد جدا
وهي ما يطلق عليها أفلام الخيال العلمي وأحيانا تكون أفلام خيال جامح
حيث كان يظهر الرئيس الأمريكي في هذه الأفلام أسود البشرة تأكيدًا للمشاهد أن هذا الفيلم خيالي
ولكن عندما يتحقق الخيال الذي يكاد أن يكون مستحيل فإن هذا يعطيني أنا شخصيًا أمل في الغد
وأمل في أن ما يدور في خيالي من آمال وطموحات على المستوى الشخصي من الممكن أن يتحقق يومًا ما
كذلك يعطيني الأمل في بلدي الحبيب مصر التى كثيرا ما يسارع أهلها في تقليد الأمريكان في الملابس والموسيقى والسينما والوجبات السريعة والفيديو كليب وما شابه ، يعطيني الأمل في أنهم يوما ما ربما يقلدون الديموقراطية الأمريكية ويتحقق الخيال في أن يختار الشعب حاكمه من خلال انتخابات يترشح فيها أكثر من مرشح للرئاسة له برنامجه الانتخابي الحقيقي المدروس
ولعلنا سبقنا الامريكان فقط في أن تولى الحكم لدينا يوما ما من هو أسمر البشرة
:)

16 comments:

تامر حسين said...

والله يا اخي الفاضل الواحد مش خايف غير انه يكرر البلاوي الي عاملها الي قبله ويحط عينه علي بلد جديده يحتلها زي معمل مع العراق
حسبي الله ونعمي الوكيل في الي في بالي
تحياتي البلوجريه

Anonymous said...

هو فعلا اوباما ممكن ميفيدناش كعرب بس احنا كتير فرحنا لانه كان من المستحيل او الصعب ان رجل ذات بشره سمراء يمسك حكم امريكا وبعد قصه كفاح مسكها واباما ده ادانا الكثير من الامل فعلا ان مفيش حاجه اسمها مستحيل واتعلقنا فى قشايه اوباما ان هو ممكن يغير حاجه بسيطه جدا واحنا فعلا محتاجين للتغيير
مرام سعيد

Unknown said...

ربنا يستر ميبقاش زي غيره
احنا فرحنا لمجرد ان حد فرض سلطته وحط قاعده زي ما حضرتك قلت ولا في الافلام ان مرشح زنجي يفوز بالمنصب ده
عقبال ما نكسر القاعده احنا كمان

الكاريكاتير ملوش حل
:))

فاروق عادل said...

مع الشعور بالريبة لاختيار اوباما خبير صهيونى ووعدة بجعل سفارة امريكا بالقدس الا انا محترم جدا كم الديمقراطية اللى تخلى رجل اسود كان من حوالى 50سنة غير مسموح لة بالجلوس على مقعد الاتوبيس ان يصبح رئيس امة اغلبها بيض متقدرش تملك نفسك من الاعجاب ويارب يحصل دة عندنا

الكاركاتير اكثر من رائع

تحياتى

Anonymous said...

I've never felt happier than the moment I knew Obama won.
I believe his victory is not just a personal victory for
Obama. It is a victory for all minorities in the world.
This man is an orphan from a poor family and now he will
be on the top of the world, the American President. God
bless America who gives anybody, even he/she is from a
muslim father, the chance to be American president. I'm wondering
will Egypt,one day, be able to gives its children the
citizenship who have egyptian mothers.

بس خلاص ... said...

السلام عليكم
موضوع اوباما ده خلانا متفائلين جدا جدا بس اكثر من اللازم وفى غير الحقيقة ..مع اننا عارفين ومتأكدين ان عمره ما هيساند القضية الشرق اوسطيه ولن ينحاز الى العرب والى المسلمين بأى حال من الاحوال بدليل اول قرار انه يجعل اهم وظيفة فى البيت الابيض لواحد صهيونى ... ولكنها ذكاء والاعيب السياسه انه يمسك العصا من المنتصف ... ينال استعطاف الموقف الشرقى والاسلامى بتاريخه واصوله ويكسب الرأى الغرى والصهيونى بقراراته ... انها حقا بلوتيكا امريكانى

AHMED SAMIR said...

افلام الخيال العلمي عندنا بقى
ان يحكمنا رئيس مدني
بس اعتقد دي هتفضل خيال علمي فترة طويلة
تحياتي واحتراماتي

اهو ده عيبه said...

والله يا استاذ ياسر جميل ان الناس تحلم والحلم يتحقق
اما فيما يتعلق بتحقيق حلم الديمقراطية فى مصر واننا ييجى اليوم اللى نختار فيه حكامنا فمفيش حاجه بعيد عن ربنا

Yasser Hussein said...

تامر حسين
الرئيس الامريكي هو موظف لتنفيذ السياسة الامريكية
يعني مش ماشي بدماغه زي ما الناس متخيله
أتمنى أنه لا يغزو بلد تانية كفاية افغانستان والعراق
:(

خالص تحياتي

Yasser Hussein said...

مرام سعيد
مرحبا بيكي في كارتونيا
صديقة جديدة ودائمة إن شاء الله
يبدو أننا متفقين في نقطة إن مفيش حاجة أسمها مستحيل وإن قصة أوباما وصعوده
تعطينا الأمل
:)
خالص تحياتي

Yasser Hussein said...

لماضة
أتمنى أننا نعيش لحد ما نشوف
التغيير الحقيقي في مصر
للأفضل
:)

خالص تحياتي

Yasser Hussein said...

طالب ثانوى
الشعور بالريبة تجاه أي رئيس أمريكي وموقفة تجاه العرب ده شيء طبيعي
الكاريكاتير مش أنا اللي راسمه
ده لرسام أجنبي
أتمنى أني أوصل للمستوى ده في التنفيذ
من حقي أحلم برضه .. ولا أيه
:))))

خالص تحياتي

Yasser Hussein said...

Ibrahim
اشكرك على تعليقك ومين عارف يمكن فعلا يجي يوم رجل أمريكي من أب مصري وأم أمريكية ويحكم أمريكا
ملحوظة للقراء:
إبراهيم صديقي وزميل دراستي الثانوية يعيش في أمريكا منذ أكثر من 8 سنوات

خالص تحياتي

Yasser Hussein said...

بس خلاص ...
السياسة فن يعتمد على الخداع والمراوغة وكسب تأييد جميع الأطراف
لا شك أنه سياسي محنك وإلا لما استطاع أن يصل لما وصل إليه
:)

خالص تحياتي

Yasser Hussein said...

A.SAMIR
مش فترة طويلة قوي ولاحاجة
المدني أهوه بيسخن
ومنتظر ينزل الملعب
:)))))

خالص تحياتي

Yasser Hussein said...

اهو ده عيبه
أكيد مافيش حاجة بعيد عن ربنا
والحياة متنفعش من غير أمل
:)

خالص تحياتي