جميع المواد المنشورة بالمدونة تخضع لقوانين حماية حقوق الملكية الفكرية .. وأي نقل أو إقتباس بدون ذكر المصدر يعرضك للمساءلة القانونية

Sunday, November 16, 2008

خواطر

كثيرا ما تدور براسي الافكار نتيجة لتجارب مررت بها اومواقف عايشتها فتنتج تلك الخواطر التي حينما اكتبها على الورق تتحول الى خلاصة تجارب حياتية ، قد أعود وأقرأها فيما بعد وقد يقرأها غيري ، ربما استفدت انا من سردها وربما استفاد غيري من خواطري
لاتقترب كثيرا من الناس فكلما اقتربت منهم زادت مشاكلك وزاد همك
الاختصار في الكلام خير وسيلة لتجنب سوء فهم الناس لما تقول
التعامل مع المرضى النفسيين قد يحولك أنت نفسك لمريض نفسي بدون ان تشعر فاحذر اصحاب العقد النفسية لأن المرض النفسي احيانا يكون معدي
لمت صديق لي لابتعاده عن الناس .. واليوم أنا ألوم نفسي لأنني لمته
عالم التدوين عالم جميل خلاب .. ولكنه مزعج أحيانا
اتق شر من احسنت اليه .. حكمة تتأكد لي بكل معانيها يوم تلو الآخر
أنت يا من تدعي المثالية هل نظرت مؤخرا في المرآة ... أشك في ذلك
لا تجامل أمرأة لأن مجاملتك هذه لها عندها مليون تفسير غير المجاملة .. فأحذر
الفن مش بيأكل عيش .. الفن بيأكل بقلاوة .. بس على ما تقدر تشتريها تكون الصحة متسمحش بأكلها
كارتونيا : مدونة فنان الكاريكاتير المصري ياسر حسين

16 comments:

kochia said...

كل دي خواطر ؟
اتفق معك في بعضها
ــــــــــــــــــــــــــــــــــ
الاختصار في الكلام خير وسيلة
لتجنب سوء فهم الناس
ــــــــــــــــــــــــــــــــــ
كذلك
اتق شر من احسنت اليه
احيانا اشعر بانها تثبت نفسها بدون رغبة مني
ــــــــــــــــــــــــــــــــــ
ولكن اختلف في عدوي المرض النفسي
لا يلتقط عدوي المرض النفسي الا مريض نفسيا

تحياتي

maha zein said...

يا سلام علي الكلام والحكم
فعلا والله
اتقي شر من احسنت اليه
اتقيه بجد
التعامل مع المرضى النفسيين قد يحولك أنت نفسك لمريض نفسي بدون ان تشعر فاحذر اصحاب العقد النفسية لأن المرض النفسي احيانا يكون معدي
اه والله حاكم العالم المرضي دول مهابيل خالص
تصدق انا بيني بقيت واحدة منهم ولا ايه

كل حكمة من دول صادقة
لانها اتقالت من الواقع
تقبل مروري

Kiara said...

معاك في كلامك خاصه موضوع عالم التدوين

عــلاء ســالـــم said...

السلام عليكم

كلمات في الصميم بجد
كل حكمه أخطر من اللي قبلها
وفعلاً مسك الختام

الفن مش بيأكل عيش .. الفن بيأكل بقلاوة .. بس على ما تقدر تشتريها تكون الصحة متسمحش بأكلها

هههههههههههههههههههههههههه
ويمكن اللي ياكلوا البقلاوه يكونوا الورثه
هههههههههههه

خالص تحياتي

Yasser Hussein said...

kochia
أشكرك على تعليقك
وأعقب على ما ختمتى به
لا يلتقط عدوي المرض النفسي الا مريض نفسيا
أقول :وكيف تنتقل عدوى الانفلونزا مثلا لشخص اصلا مريض بالانفلونزا؟
يمككنا ان نقول
لا يلتقط عدوى المرض النفسي إلا شخص عنده استعداد للاصابة مسبقا
وإن كنت أرى أن كثرة مخالطة المرضى النفسيين قد تصيب الشخص بالاكتئاب
وهو مرض نفسي أيضا يصيب الكثير من البشر بدرجات متفاوته
:)

خالص تحياتي

Yasser Hussein said...

مولان
مرحبا بيكي في كارتونيا
واشكرك على تعليقك
وعلى فكرة انا باحب فيلم مولان جدا
ولو انتى مولان اللي في الفيلم
فأنا سعيد بوجودك في عالم التدوين ...المتعب
:)

خالص تحياتي

Yasser Hussein said...

علاء سالم
منور يا شاعر يا كبير
وكمان احيانا البقلاوة دي بياكلها الدكاترة اللي بيعالجوه
لكن هذا لا يمنع لمعان نجوم كتير في الفن في سن صغير .. وبيستمتعوا بأكل البقلاوة
:)))))))

خالص تحياتي

Yasser Hussein said...

maha zein
أشكرك على تعليقك
ومنوره كارتونيا
وتجنبي التعامل مع المرضى النفسيين
:)))))

خالص تحياتي

بس خلاص ... said...

الاقوال المأثورة دائما تكون خلاصة تجارب حقيقية وهى عصارة خبرات حياتيه
ولكنها منها ايضا مايكون نتيجة حالة مزاجيه او نفسيه معينه تختلف باختلاف الفروق الفرديه من شخص لاخر
واتفق مع حضرتك وخصوصا
فى هذه الكلمات (أنت يا من تدعي المثالية هل نظرت مؤخرا في المرآة ... أشك في ذلك ...لا تجامل أمرأة لأن مجاملتك هذه لها عندها مليون تفسير غير المجاملة ..

عبد الرحمن أبو بكر said...

الله عليك يا فنان

خواطر جميلة فعلا فكرتني بعمود مواقف بتاع الاستاذ أنيس منصور

فعلا من وقت للتاني الانسان لما بتعدي عليه تجارب حياتية كتيرة بيقدر يطلع منها بخلصات تجارب ويقدر يصوغها في مقولات زي دي

عجبتني جدا المقولة الاخيرة بتاعه الفن دي

الجواز و سنينه said...

و الله ماشاء الله عليك
كل كلمه تنفع مقال لوحده
بس مين يسمع و مين يقرأ
لو تحب اجيبلك انا البقلاوه علشان تلحق تاكلها و انت فى الثلاثينيات
تحياتى على الموضوع الدسم ده

Yasser Hussein said...

بس خلاص ...
أشكرك على تعليقك
سعيد جدا بأن هناك من يتفق معي على بعض خواطري
:)

خالص تحياتي

Yasser Hussein said...

عبد الرحمن أبو بكر
يا عم بيبو أنا على قدي
الاستاذ انيس منصور قرأ مكتبة المنصورة كلها وهو عمره 18 سنة تقريبا
:)
المقولة بقى اللي عجبتك من واقع أغلب ولاد الكار عايشينه
لكن هذا لايمنع إن فينا اللي ربنا أكرمه وآكل بقلاوة ... عقبالك
:)))))))

خالص تحياتي

Yasser Hussein said...

الجواز و سنينه
أشكرك على تعليقك
بس أنا عامل رجيم مش هينفع
آكل بقلاوة
هههههههههه

خالص تحياتي

koukawy said...

اعترض معاك في حاجه واخده
الفن ممكن يأكل بقلاوه .... و ممكن ما يأكلش حتي العيش

Yasser Hussein said...

koukawy
الارزاق بيدالله
ولكن وقت ما الفن بيأكل .. بيأكل صح
:))))

خالص تحياتي