وأنا ماشي في القاهرة .. تحديداً في حي شبرا .. مسقط رأسي .. وجدت هذه التحفة الفنية أمامي شجرة من صنع الله عز وجل وقد رأيت فيها من التشكيلات الفنية الكثير
فجذعها اشبه بتلك الأعمال النحتية الفنية الحديثة
وكلما تأملت في هذه التجزيعات سوف تكتشف أشكال كثيرة متداخلةلم أستطيع مقاومة هذا العمل الفني الرائع
وألتقطت له عدة صور أعرض عليكم هنا بعضها
ولا أملك سوى أن أقول
تبارك الله الخالق العظيم
26 comments:
سبحان الله العظيم
بس شوف بقي كام واحد فكر يتطلع للشجره ويبص عليها لكم مع الاسف ولا حد بيهتم باللوحات الالاهيه دي
تامر حسين
عندك حق
ومع الأسف الشجرة دي مغروسة في قلب رصيف
ومحاطة بالبلاط .. يعني مهددة بالموت
خالص تحياتي
مش اي حد يقدر يلاحظ الجمال دة وتلفت نظرة مع اني متاكدة ان ملايين من عيون الناس شافتها ومخدتش بالها من حاجة الناس مباتش فاضية تمتع عنيها بالجمال بس لازم يكون فنان زي حضرتك عشان يلاحظ تكوينها الجميل واشكرك انك لفت نظرنا ليها ولازم كلنا نقول قدامها سبحان الله
سبحان الله
بجد اية الروعة دى
جسمى قشعر لما شوفتها
صحيح
بسم الله الرحمن الرحيم
سَنُرِيهِمْ آيَاتِنَا فِي الْآفَاقِ وَفِي أَنفُسِهِمْ حَتَّى يَتَبَيَّنَ لَهُمْ أَنَّهُ الْحَقُّ أَوَلَمْ يَكْفِ بِرَبِّكَ أَنَّهُ عَلَى كُلِّ شَيْءٍ شَهِيدٌ [فصلت : 53]
ربنا يكرمك يارب طيب لية منحاولش ننبه ليها اى حد اكيد فى هيئة ليها اى اسم بتهتم بالحجات دى
همممممممم
ربنا يسهل
مفتكرش في هيئه ممكن تهتم بالحاجات دي
احنا بس فالحين نهتم بحاجات اهيف من كده
اسف لردي
تحياتي
سبحان الله
ازاى الناس مش شايفه الجمال ده
تسلم عدستك يافنان
ميرسى كتير ع الصور الروعة دى
بـــاى
مشمش
ربنا يكرمك
تصوري بقى أنا كنت مصورها وأنا راجع من المطار عشان الطيارة فاتتني
وده ممنعنيش أني أتأمل جمال عظمة الخالق بالرغم من نرفزتي بسبب الموقف ده
.:.-=- ELGaZaLy-=-.:.
أحاول ايه ياعزيزي
ده أنا لو نبهت اي جهة
مش بعيد يقطعوها خالص علشان يستخدموها للتدفئة
:)
تامر حسين
أخي العزيز
في اهتمامات هيفا .. ونانسي ..وأليسا
:)
نهى منير
جديدة تسلم عدستك دي
عموماً دي كاميرا الموبايل
ممكن تقولي يسلم موبايلك
:)
خالص تحياتي للجميع
It places fhoto of Madeleine in your bloggue
Missing Madeleine!
Madeleine, MeCann was abduted from Praia da Luz, Portugal on 03/03/07.
If you have any information about her whereabouts, please contact Crimestoppers on 0800555111 Please Help
تبارك الله الخالق العظيم
bgd 7elwa gdn bs lw ta2mlna kol 7aga 7awalena 7an7s bmo3gezat w n3m rabna 7atetha w stena w e7na msh 7asen el madanya w el madyat ta3't 3la kol she2
ya ret kolna nt2ml baldna w nshof el 7elw w son3 allah feha yemkn n7bha bgd
some one
سبحان الله
انا كتير قوى وانا ماشيه فى الشارع باشوف تحف طبيعيه ماليه الدنيا
بافضل واقفه ومتنحالها
والناس فى الشارع تقول مين الهبله دى
بس بجد فيه حاجات كده العين بتلقطها بالصدفه ماينفعش الواحد يفوتها
وساعتها باموت واقول ياريتنى معايا كاميرا
افتكر مره وانا خارجه من الجامعه تنحت قدام الباب وانا باصه للسما
سحابه مغطيه قرص الشمس وقت الغروب
وتخيل بقى المنظر والألوان مابين الاحمر والذهبى والازرق..تحفه
والغريب انى شفت خطوط ظل سودا منتشره فوق السحابه ماتسألنيش ازاى
افتكر انى قعدت تلت ساعه منتحه قدامها والناس مش عارفه تطلع من الباب والحارس كان بيزعق وانا مش هنا
ولسه لحد دلوقتى باعيط وباقول ياريتنى كان معايا كاميرا
david santos
i am Egyptian live in Kuwait
i don't know any information about this girl, sorry i can't help you.
some one
أشكرك على تعليقك الجميل
بس يا ريت لو مفيهاش تعب ليكي
تكتبي بحروف عربية
لأني بأجد صعوبة في قراءة الفرانكوآراب
وينكى
لأنك عندك الحس الفني
ولأن دراستك في الفلك وتأمل الكون
طبيعي جداً يكون ده تعليقك
خالص تحياتي للجميع
جميلة اوى
انا خدت الصورة عندى وقعدت اتفرج عليها ربع ساعة
بجد
سبحان الله
تحياتى يافنان
سبحان الله
فعلا تحفه فنيه
سبحانك ما خلقت هذا باطل فقنا عذاب النار
فعلا ملاحظه رائعه يا فنان مش اى حد بياخد باله من الحاجات دى
البتاع
بيتهيألي ربع ساعة مش كفاية
كل ما تتأملي أكتر
كل ما تكتشفي فيها اشكال متداخلة أكتر
semsem
أنا كنت متوقع تعليقك
لأنك فنانة تشكيلية
وعندك الحس التشكيلي
والاحساس بالملامس البصرية
خالص تحياتي للجميع
انا بجد اسفه لأنى تعبتك بس هيا مسأله تعود
اسفه كمان مره
some one
سبحان الله
فعلا شكلها رائع
تحياتى لك
سبحان الله فى خلقة
الموضوع طبعا جميل جدا والصور رائعة ولو انى زعلانة منك جداد جدا جدا لانك مش بتسال عنى وانا بمتحن بس يعفيك من الزعل الصورة الحلو دة وانك طلعت جارى فى شبرا
فعلا الله ابدع فنان وخالق سبحان الله
some one
مفيش داعي للأسف
أنا ليا أصدقاء كتير بيكتبوا بنفس الطريقة أسرع ما بيكتبوا بالعربي لكن إذا كانت التكنولوجيا اللي تحت ايدينا بتتيح لنا إننا نكتب بلغتنا .. ايه المانع إننا نستغلها
:)
bos bos
أهلا بيكي
ايوية
على فكرة أنا معرفش موضوع الامتحانات ده .. والظاهر إن كل المدونين هيطلعوا كلهم من شبرا .. زي ماكان زمان كل ممثلين السينما خارجين من شبرا
وكما قال الشاعر
شبرا أم الدنيا
:)
خالص تحياتي للجميع
سبحان الله
بس الخوف لحد ياخد كلامك دة ويعمل من الشجرة الغلبانة دي ستنا الشجرة زي بتاعة العبور
تحياتي ليك
سبحان الخالق الوهاب...بجد صورة جميلة جداااا...
فعلا سبحان الله..
و الله كل ما شوف حاجة كده جسمي بيتقشعر من عظمة و جلال الله...
حاجات صغيرة جداا قد لا تبان بس لو ركزنا فيها نلاقي فيها اعجاز.....
A.SAMIR
تصدق للسبب ده أنا مذكرتش مكانها تحديداً خصوصاً إنها في منطقة حيوية جداً في شبرا
oOo_Mariam_oOo
مرحباً بيكي في كارتونيا
صديقة جديدة للمدونة
عندك حق
الاعجاز الإلهي موجود في كل شىء حوالينا
حتى في أنفسنا
خالص تحياتي للجميع
لا أؤمن مطلقا بالأعمال النحتية الحديثة
ولكن هذا لا ينكر جمال هذا التشكيل والذي يكمن في مداعبة خيال الناظر له ليكتشف أشكالا عديدة
لقيت رأيت بها فتاة ريفية تحكم ملابسها حول جسدها ضد الرياح
وانتم شفتوا ايه ؟
عزيزي الفنان أشرف حمدي
أنا معاك في إن فن النحت الحديث مش مثير للاعجاب .. بس أنا أقصد جزئية تداخل الأشكال النحتية اللي بيعطي المشاهدين انطباعات مختلفة
أما بالنسبة لرؤيتك للصورة فهي رؤية لا يستشعرها إلا فنان مثلك متذوق للعلاقات التشكيلية في التكوين الفني
خالص تحياتي الفنية
سبحان الله العظيم
لكن بصراحة انا مشفتش حاجة في الشجرة دي غريبة أو ملفتة للنظر
لكني مرة وانا مسافرة بالسيارة شفت في السما مكتوب "الله " بالسحب كانت رائعة جدا وبقيت بتأمل في المنظر ده وقلت لأهلي يشوفوه معايا من كثر انبهاري
BaSsMa
يمكن لندرة وجود الأشجار اللي بالشكل ده عندنا في مصر
استشعرت فيها بعض الجماليات التشكيلية
لكن لا أحد ينكر إن أقل شىء من صنع الله سوف نجد فيه قمة الاعجاز
جميلة اوىىىىىى
وخسارة انها محاطة بالبلاط
Post a Comment