جميع المواد المنشورة بالمدونة تخضع لقوانين حماية حقوق الملكية الفكرية .. وأي نقل أو إقتباس بدون ذكر المصدر يعرضك للمساءلة القانونية

Monday, May 21, 2007

تبارك الله الخالق العظيم

وأنا ماشي في القاهرة .. تحديداً في حي شبرا .. مسقط رأسي .. وجدت هذه التحفة الفنية أمامي

شجرة من صنع الله عز وجل وقد رأيت فيها من التشكيلات الفنية الكثير

فجذعها اشبه بتلك الأعمال النحتية الفنية الحديثة


وكلما تأملت في هذه التجزيعات سوف تكتشف أشكال كثيرة متداخلة

لم أستطيع مقاومة هذا العمل الفني الرائع

وألتقطت له عدة صور أعرض عليكم هنا بعضها

ولا أملك سوى أن أقول

تبارك الله الخالق العظيم

26 comments:

تامر حسين said...

سبحان الله العظيم
بس شوف بقي كام واحد فكر يتطلع للشجره ويبص عليها لكم مع الاسف ولا حد بيهتم باللوحات الالاهيه دي

Yasser Hussein said...

تامر حسين
عندك حق
ومع الأسف الشجرة دي مغروسة في قلب رصيف
ومحاطة بالبلاط .. يعني مهددة بالموت

خالص تحياتي

Anonymous said...

مش اي حد يقدر يلاحظ الجمال دة وتلفت نظرة مع اني متاكدة ان ملايين من عيون الناس شافتها ومخدتش بالها من حاجة الناس مباتش فاضية تمتع عنيها بالجمال بس لازم يكون فنان زي حضرتك عشان يلاحظ تكوينها الجميل واشكرك انك لفت نظرنا ليها ولازم كلنا نقول قدامها سبحان الله

.:.-=- ELGaZaLy-=-.:. said...

سبحان الله

بجد اية الروعة دى


جسمى قشعر لما شوفتها


صحيح

بسم الله الرحمن الرحيم
سَنُرِيهِمْ آيَاتِنَا فِي الْآفَاقِ وَفِي أَنفُسِهِمْ حَتَّى يَتَبَيَّنَ لَهُمْ أَنَّهُ الْحَقُّ أَوَلَمْ يَكْفِ بِرَبِّكَ أَنَّهُ عَلَى كُلِّ شَيْءٍ شَهِيدٌ [فصلت : 53]

ربنا يكرمك يارب طيب لية منحاولش ننبه ليها اى حد اكيد فى هيئة ليها اى اسم بتهتم بالحجات دى

همممممممم

ربنا يسهل

تامر حسين said...

مفتكرش في هيئه ممكن تهتم بالحاجات دي
احنا بس فالحين نهتم بحاجات اهيف من كده

اسف لردي
تحياتي

نهى منير said...

سبحان الله
ازاى الناس مش شايفه الجمال ده
تسلم عدستك يافنان
ميرسى كتير ع الصور الروعة دى
بـــاى

Yasser Hussein said...

مشمش
ربنا يكرمك
تصوري بقى أنا كنت مصورها وأنا راجع من المطار عشان الطيارة فاتتني
وده ممنعنيش أني أتأمل جمال عظمة الخالق بالرغم من نرفزتي بسبب الموقف ده

.:.-=- ELGaZaLy-=-.:.
أحاول ايه ياعزيزي
ده أنا لو نبهت اي جهة
مش بعيد يقطعوها خالص علشان يستخدموها للتدفئة
:)

تامر حسين
أخي العزيز
في اهتمامات هيفا .. ونانسي ..وأليسا
:)

نهى منير
جديدة تسلم عدستك دي
عموماً دي كاميرا الموبايل
ممكن تقولي يسلم موبايلك
:)

خالص تحياتي للجميع

david santos said...

It places fhoto of Madeleine in your bloggue


Missing Madeleine!
Madeleine, MeCann was abduted from Praia da Luz, Portugal on 03/03/07.

If you have any information about her whereabouts, please contact Crimestoppers on 0800555111 Please Help

Anonymous said...

تبارك الله الخالق العظيم
bgd 7elwa gdn bs lw ta2mlna kol 7aga 7awalena 7an7s bmo3gezat w n3m rabna 7atetha w stena w e7na msh 7asen el madanya w el madyat ta3't 3la kol she2
ya ret kolna nt2ml baldna w nshof el 7elw w son3 allah feha yemkn n7bha bgd
some one

Anonymous said...

سبحان الله
انا كتير قوى وانا ماشيه فى الشارع باشوف تحف طبيعيه ماليه الدنيا
بافضل واقفه ومتنحالها
والناس فى الشارع تقول مين الهبله دى
بس بجد فيه حاجات كده العين بتلقطها بالصدفه ماينفعش الواحد يفوتها
وساعتها باموت واقول ياريتنى معايا كاميرا
افتكر مره وانا خارجه من الجامعه تنحت قدام الباب وانا باصه للسما
سحابه مغطيه قرص الشمس وقت الغروب
وتخيل بقى المنظر والألوان مابين الاحمر والذهبى والازرق..تحفه
والغريب انى شفت خطوط ظل سودا منتشره فوق السحابه ماتسألنيش ازاى
افتكر انى قعدت تلت ساعه منتحه قدامها والناس مش عارفه تطلع من الباب والحارس كان بيزعق وانا مش هنا
ولسه لحد دلوقتى باعيط وباقول ياريتنى كان معايا كاميرا

Yasser Hussein said...

david santos
i am Egyptian live in Kuwait
i don't know any information about this girl, sorry i can't help you.

some one
أشكرك على تعليقك الجميل
بس يا ريت لو مفيهاش تعب ليكي
تكتبي بحروف عربية
لأني بأجد صعوبة في قراءة الفرانكوآراب

وينكى
لأنك عندك الحس الفني
ولأن دراستك في الفلك وتأمل الكون
طبيعي جداً يكون ده تعليقك

خالص تحياتي للجميع

البتاع said...

جميلة اوى
انا خدت الصورة عندى وقعدت اتفرج عليها ربع ساعة
بجد

سبحان الله

تحياتى يافنان

semsem said...

سبحان الله
فعلا تحفه فنيه
سبحانك ما خلقت هذا باطل فقنا عذاب النار
فعلا ملاحظه رائعه يا فنان مش اى حد بياخد باله من الحاجات دى

Yasser Hussein said...

البتاع
بيتهيألي ربع ساعة مش كفاية
كل ما تتأملي أكتر
كل ما تكتشفي فيها اشكال متداخلة أكتر

semsem
أنا كنت متوقع تعليقك
لأنك فنانة تشكيلية
وعندك الحس التشكيلي
والاحساس بالملامس البصرية

خالص تحياتي للجميع

Anonymous said...

انا بجد اسفه لأنى تعبتك بس هيا مسأله تعود
اسفه كمان مره
some one

بسمه عبدالباسط said...

سبحان الله
فعلا شكلها رائع
تحياتى لك

Unknown said...

سبحان الله فى خلقة
الموضوع طبعا جميل جدا والصور رائعة ولو انى زعلانة منك جداد جدا جدا لانك مش بتسال عنى وانا بمتحن بس يعفيك من الزعل الصورة الحلو دة وانك طلعت جارى فى شبرا
فعلا الله ابدع فنان وخالق سبحان الله

Yasser Hussein said...

some one
مفيش داعي للأسف
أنا ليا أصدقاء كتير بيكتبوا بنفس الطريقة أسرع ما بيكتبوا بالعربي لكن إذا كانت التكنولوجيا اللي تحت ايدينا بتتيح لنا إننا نكتب بلغتنا .. ايه المانع إننا نستغلها
:)

bos bos
أهلا بيكي

ايوية
على فكرة أنا معرفش موضوع الامتحانات ده .. والظاهر إن كل المدونين هيطلعوا كلهم من شبرا .. زي ماكان زمان كل ممثلين السينما خارجين من شبرا
وكما قال الشاعر
شبرا أم الدنيا
:)

خالص تحياتي للجميع

AHMED SAMIR said...

سبحان الله
بس الخوف لحد ياخد كلامك دة ويعمل من الشجرة الغلبانة دي ستنا الشجرة زي بتاعة العبور
تحياتي ليك

Bou-ME said...

سبحان الخالق الوهاب...بجد صورة جميلة جداااا...

فعلا سبحان الله..
و الله كل ما شوف حاجة كده جسمي بيتقشعر من عظمة و جلال الله...
حاجات صغيرة جداا قد لا تبان بس لو ركزنا فيها نلاقي فيها اعجاز.....

Yasser Hussein said...

A.SAMIR
تصدق للسبب ده أنا مذكرتش مكانها تحديداً خصوصاً إنها في منطقة حيوية جداً في شبرا

oOo_Mariam_oOo
مرحباً بيكي في كارتونيا
صديقة جديدة للمدونة
عندك حق
الاعجاز الإلهي موجود في كل شىء حوالينا
حتى في أنفسنا

خالص تحياتي للجميع

أشرف حمدي said...

لا أؤمن مطلقا بالأعمال النحتية الحديثة
ولكن هذا لا ينكر جمال هذا التشكيل والذي يكمن في مداعبة خيال الناظر له ليكتشف أشكالا عديدة
لقيت رأيت بها فتاة ريفية تحكم ملابسها حول جسدها ضد الرياح
وانتم شفتوا ايه ؟

Yasser Hussein said...

عزيزي الفنان أشرف حمدي
أنا معاك في إن فن النحت الحديث مش مثير للاعجاب .. بس أنا أقصد جزئية تداخل الأشكال النحتية اللي بيعطي المشاهدين انطباعات مختلفة
أما بالنسبة لرؤيتك للصورة فهي رؤية لا يستشعرها إلا فنان مثلك متذوق للعلاقات التشكيلية في التكوين الفني

خالص تحياتي الفنية

BaSsMa said...

سبحان الله العظيم

لكن بصراحة انا مشفتش حاجة في الشجرة دي غريبة أو ملفتة للنظر

لكني مرة وانا مسافرة بالسيارة شفت في السما مكتوب "الله " بالسحب كانت رائعة جدا وبقيت بتأمل في المنظر ده وقلت لأهلي يشوفوه معايا من كثر انبهاري

Yasser Hussein said...

BaSsMa
يمكن لندرة وجود الأشجار اللي بالشكل ده عندنا في مصر
استشعرت فيها بعض الجماليات التشكيلية
لكن لا أحد ينكر إن أقل شىء من صنع الله سوف نجد فيه قمة الاعجاز

ANN said...

جميلة اوىىىىىى
وخسارة انها محاطة بالبلاط