جميع المواد المنشورة بالمدونة تخضع لقوانين حماية حقوق الملكية الفكرية .. وأي نقل أو إقتباس بدون ذكر المصدر يعرضك للمساءلة القانونية

Tuesday, July 17, 2007

الليلادي يا ابن إجلاسيوس

الناس استغربت من بوستر شريط عمرو دياب الجديد اللي ظاهر فيه عاري الكتفين .. وهناك بعض الأقلام التي استنكرت ذلك على صفحات الجرائد .. وفي اللي كتبوا وقالوا أنها ممكن تصبح موجة في البوسترات الرجالي بعد ماكانت خاصة بالبوسترات الحريمي .. واحد صحفي صاحبي في أحد الجرائد الخليجية لما اتفتحت السيرة قدامه .. قام سحب جورنال خليجي من ع المكتب قدامه وقال لي بص وأنت تعرف عمرو دياب جاب فكرة البوستر بتاعه منين .. بصراحة أول ما شفت الصورة عرفت .. الصورتين منشورين جنب بعض .. صورة عمرو وصورة أنريكو إجلاسيوس .. وبغض النظر عن الكلام اللي مكتوب تحتيهم .. أخذت الصورة سكانر وسايب لكم أنتم التعليق
تحديث
استمتع بتحليل موسيقى متميز لأغاني ألبوم الليلادي
في موضوع

38 comments:

شيماء الجيزى said...

تقريبا

هما الاتنين واحد

عمرو دياب مقلد حتى قصة الشعر

انا خايفه بقى على الشباب
احسن يمشوا فى الشارع

وكتافهم عريانه

تحياتى يا استاذ ياسر

أسامه يوسف said...

يعنى الألبوم سئ جداً
والبوستر مسروق
أومال إيه اللى فى الشريط عدل

تحياتى

الخيط الرفيع said...

الراجل عمرو دياب دا حتي ولو بيقلد
فهو أول واحد يقلد بالشكل دا

يعني بردو مختلف اختلافا

ولو بعدنا أصلا عن فكرة الاغاني حلال ولا حرام
بتضيف للبلد ولا حبة حاجات كدا وخلاص
بتبسط الشعب ولا تسرحة بعيد شويه
يا بلوجرز هو حد عارف يعمل معادلة مرجان الاخيرة في البلد زيه
بيبيع شرايط زي الفل بيغني في فرح ابن الريس كلامه علي كل لسان
فلوسه أكوام أكوا .....ما شاء الله

Anonymous said...

و يبقى السؤال الحائر الى بقالى 20 سنه مش لقياله اجابه احنا ليه بنقلد الاجانب؟؟؟؟؟؟؟؟؟؟؟
بسبب و من غير سبب
يعنى فى حاجه اسمها اقتباس او افكار متبادله او مدارس فكريه و ممكن كذا فرد يتبعها من جميع انحاء العالم و يكون شغلهم شبه بعضه بس مش منقول نقل مسطره
عندنا نقل بالحرف فى كل حاجه التصوير البوسترس الكليبس ليه ما اعرفش؟؟؟؟؟
ليه مايكونش لينا اسلوبنا و كليبتنا و كل حياتنا نستفيد من بره بس ما نلغيش نافسنا باشكل ده
بجد شىء محزن
some one

semsem said...

الغريبه فعلا يا فنان انه يبقى فنان كبير ويقلد انا مرة كنت بعمل اعلان لفنان بردو ولا قتو مطلعلى بوسترات اجنبى وبيقولى عاوز ذى دى ولما دخلت معاه فى حوار ان احنا نقدر نعمل احلى من ده رفض وقالى ان احنا مبنفكرش وانه عاوز دة وخلاص
انا اصلا كنت مستنكرة فكرة عمرو اللى طالع عريان ذى النسوان
وكمان يطلع مقاد
اخص على الرجاله

تحياتى للبوست الرائع يا فنان

bebooooooo said...

يا فنانى العزيز هوا ايه اللى لسه مبقاش مضروب هنامش اول حاجة فعلا تتقلد بجد اغانى كتير لاحظت المزيكا بالحرف مسروقة ومحطوط عليها بس طبلة شرقى لفنانين مشهورين جدا وعمرو دياب خنقنى بقا بصراحة مرة يضرب شعره اصفر ومرة يقلع ملط الراجل ده نجمه سقط واللى كان كان بس عشان خد السلم من الاول اسمه مازال متصدر الاسواق برضه والبومه موثوق فيه حتى لو مضروب معلش خنقتك
تحياتى

Mirage said...

الاقتباس ليس بالشىء الجديد على عمرو دياب

الراجل طول عمره بيسرق اغانى من فرق اجنبية وبيحرق اغانى على مطربين زمايله وبيسرق بوسترات زى ماسرق قمرين من ريكى مارتين

بس شئنا ام ابينا هو المطرب رقم 1 فى العالم العربى والمطرب الذى احيا حفل زفاف رئيسنا القادم
وهذه حقائق لا يمكن تجاهلها

دائما عمرو دياب شعاره الغاية تبرر الوسيلة

فهو دائما يبحث عن النجاح ايا كانت الوسيلة



الغريب ان عمرو دياب لا يتفوق بشىء على اى مطرب من اقرانه سوى حظه الذى يشبه الى حد بعيد حظ العوالم

ياسر حسين said...

شيماء الجيزى
مع الأسف بعض الشباب بيقلدوا تقليد أعمى

أسامه يوسف
العدل اللي في الشريط أنه اتسرب ونزل كله ع النت ببلاش ومفيش حد هيضطر أنه
:)يدفع فيه فلوس ويشتريه

الخيط الرفيع
أنا شايف إن واحد وصل لشهرته ونجاحه مش مضطر انه يقلد

some one
حمى العالمية والعولمة
هي السبب في التقليد الجارف للأجانب
معتقدين إن ده هيوصلنا للعالمية
في حين أنهم بيتفرجوا علينا وبيسخروا منا وبيطلقوا علينا إسم التابعين
Folowers

semsem
من أسباب التقليد برضه إننا مع الأسف معندناش ثقة في عقولنا وابتكارنا
فأسهل طريق بالنسبة لنا هو النقل أو الاقتباس


bebooooooo
أبدا مخنقتنيش
أنا واحد من الجيل اللي بيعتبر عمرو دياب هو مغني الجيل بتاعه
وله أغاني مرتبطة معايا بذكريات الثانوي والجامعة
بس المشكلة إن النت والدش بقى بيفضح الكل
مفيش حد بيعرف يلطش من بره فكرة
إلا وينكشف بسهولة

Mirage
عندك حق عمرو دياب يعتبر محظوظ
ولكنه برضه مجتهد وبيصرف كتير على شغله
وبيهتم بشكله ونجوميته
غير كده إحنا شعب عشري
وعمرو دياب بقى عشرة عمر بالنسبة لنا

خالص تحياتي وشكري للجميع

Doba said...

على الرغم من شطارة عمرو دياب وشغله المجتهد فى تقديم أعمال جيدة - فانا شايفة انه برده بيحاول يتطور حتى لو بيقلد الى بره - ماحنا بنقلهم فى كل حاجة جت على دى - بس المشكلة ان فعلا الشباب بيستنوه علشان يقلدوه فى الستايل بتاعه وده هو لازم يكون واضعه فى اعتباره وهو بيختار الشكل

أنا شايفة كمان ان فيه اشخاص كتير عندهم الموهبة العالية لكن معندهمشى حظ وافر زى ميراج مبيقول زى رامى صبرى وعمرو مصطفى ولقى انا شايفة انهم شاطرين برده جدا بس مفيش ممول جامد يخليهم يطرقعو صح

ثم حتى لو هيقلد إنريكو إجلاسيوس ده مش وحش برده - فهو مطرب مميز للغاية

يمكن كلامى يعجب اشخاص ويمكن لا بس انا شايفة لما الواحد يقلد حاجة كويسة ده مش غلط - مش لازم كل الناس تكون عندها موهبة الابتكار

تحياتى --- هبة

ايوية said...

والله الواحد مش عارف يقول اية
تهريج تهريبج كل الى بيحصل دة عايزيين يودونا فين اكتر من كدة

مدونة كسبان said...

انت المفروش يااستاذ ياسر
كنت كتبت تحت الصور
مسابقة فرق بين الصورتين

مع انى من أشد المعجبين بعمرو دياب
الا اننى شايف ان الناس بتسمع عمرو دياب علشان عمرو دياب
ولو عمرو نزل شريط فاضى السوق الناس هتسمع وهتقول الله عليك ياعمرو
وأنا منهم

لكنه عمرو دياب

YHYيــوســف الـمصـرى said...

ازيك يا فنان
........
موضوع الصورة ده عادى وحصلت وبتحصل وهتحصل !!!!
المسألة اصبحت مسألة تعود وفقر فى الابداع !!!
تحياتى
سلااام

وينكى said...

برضه عمرو دياب شكله أحلى من انريكى اجلاسيس
شكله فيه الرمق ومحترم كده ومالى هدومـ....قصدى مالى الصوره
لكن انريكى جنبه عامل زى فراخ الجمعيه
حتى لما قلد... لايق عليه

عـلا - من غـزة said...



ايه سوء الظن الي عندك ده :p

ده مجرد توارد افكار يا جماعة

هههههههههه

وهي غريبة يعني ان اتنين مطربين لطاف امامير يفكرو بنفس الطريقة :)

تحياتي :)

ياسر حسين said...

Doba
رأيك جميل
بس اناشايف ان عمرو دياب امفروض ه تخطى مرحلة التقليد
لأنه بقى نجم
يعنى المفروض انه هو اللي الناس
تقلده مش هو اللي يقلد اناس

ايوية
ولا هيودونا ولا يجيبونا
اللي مش عاجبه عمرو دياب
لا يسمعه ولا يتفرج عليه
:)

مدونة كسبان
احنا بنسمع عمرو لأنه عشرةعمر
وابقى رد ع الميل اللي بعتهولك
:)

YHYيــوســف الـمصـرى
هو عدم ثقة في الابداع المحلي
بنستورد حتى الابداع

وينكى
وفراخ لجمعية رضه بتلبس شخاليل في رقبتها
حقيقي أنا مكسوف من المنظر

عـلا - من غـزة
مرحباً بيكي في كارتونيا
صديقة جديدة للمدونة
يعني أنتي شايفه أن توارد أفكار؟
العالم بقىقرية صغيرة بعد النت والستالايت
ومفيش حاجة بتسخبى

خالص تحياتي للجميع

أحمد مختار عاشور said...

عمرو دياب بيقتبس - مشيها يقتبس - فعلا
تسريحات و ملابس و نيولوكات(لو صح جمع الكلمة)و بيتعامل مع ملحنين ليهم باع في موضوع الاقتباس ده زي عمرو مصطفى مثلا
بس كمان
بيُقتبس منه من مطربين آخرين
و العملية بقت - للأسف - سلطة
حاجة كدة ماشية على مبدأ
(قضيها الناس لبعضيها)
...................
تحياتي لهذا الموضوع الجميل
و أشكرك كثيرا لوضعك وصلة لموضوعي

مدونة كسبان said...

تم الرد
يافنان

ياسر حسين said...

أحمد مختار عاشور
سعيد بعودتك لكارتونيا
وموضوعك ممتاز وحبيت ان زوار مدونتي يستمتعوا بيه زي ما أنا أستمتعت
وفي انتظار المزيد من موضوعاتك الشيقة

مدونة كسبان
وصلني الرد يا عزيزي
واشكرك على إهتمامك

خالص تحياتي وشكري للجميع

barbie girl said...

دا العادى بتاع عمرة دياب

e7na said...

بعد ما شفت الصوره عند حضرتك حسيت ان عمرو من كتر حيرته وتفكيره يقلد ريكى مارتن -قلده فى اكتر من بوستر-ولا يقلد انريك اجلاسيوس
نسى يكتب الليله دى بشكل صح
وكأن الشرييط مفيش اى حد شافه قبل ما يسلم الماستر لروتانا ولا عدى على ناس بتقرأ عربى

اول زياره
وسعيد بها

fanan fa2eer said...

والله أنا أول ماشوفت البوستر بتاع الشريط الجديد استغربت جدا هو عامل كدة ليه

بس عرفت دلوقتي حتي دي ماجابوهاش لوحدهم كله من برا

تحياتي

أبولهب said...
This comment has been removed by the author.
ياسر حسين said...

barbie girl
مرحبا بيكي في كارتونيا
ده العادي بتاع أغلب المغنيين ع الساحة
مش عمرو دياب فقط

e7na
ارحب بيك في كارتونيا
صديق جديد للمدونة
اسم الشريط مكتوب حسب النطق
غير كده بالنسبة للاخطاء الاملائية المنتشرة بيننا حدث ولا حرج

fanan fa2eer
عادي جداً
الابتكار بيتم استيراده زي أي سلعة
حاجة تكسف

أبولهب
احييك على لمسة الوفاء للرئيس الراحل محمد نجيب
وأهوه معمول محطة مترو أنفاق بحالها باسمه
زيه زي جمال عبد الناصر والسادات ومبارك وسعد زغلول واحمد عرابي
واعتقد ان ده برضه نوع من الوفاء

خالص تحياتي للجميع

koukawy said...

طب يعني و ايه الجديد ما هو من زمان شويه
ricky martin
و شويه
eglisiais
و هايص تقليد
انا كنت كتبت تعليق عند حد علي موضوع كتبه مدح في الأخ عمرو دياب
اللي انا بطلق عليه من زمان
عمرو تعالب
كتبت اني انا مبحبوش بسبب انه مسخ
و ملوش شخصيه مستقله
و هو ايقاع الموسيقي بتاعه واحد و الميلودي متشابه
صحيح ليه بعض الأغاني لطيفه
انما الأغلب مش كويس
و ياللا هو طلع بكتافه
البوستر الجاي بقي هيبقي .. بالركب
ههههههههههه

Sarah Daw said...

عمرو بقاله كتيييييير على الحال ده بينحت الشكل و الموسيقى و الكيليب

بمقاش نفسه بقى مستنسخ و الناس بتقلده تقليد أعمى

و أنا مش من رأي ( الخيط الرفيع ) نهائى لأن ما فيش أختلاف ده مجرد كوبى من اللى بيقلدهم

أحنا أصل الموسيقى و الغنا عيب جدآ أننا نقلد بالشكل ده ولو بأختلاف

بجد بوست هايل

كروانه said...

عمرو دياب هو الكينج
وأحسن من الواد الشمبانزي تامر حسنى
اللىفرحانبشعر صدره
فى الفيلم الأهبل بتاع عمر وسلمى
انا مش عارف ازاى البنات بتحب الاهبل ده
على الاقل عمرو دياب بيغنى من عشرين سنة واكتر ومازال ناجح

ياسر حسين said...

koukawy
أنا معاكي في نقدك الفني لأعماله
بس مع احترامي لرأيك أنا مش معاكي في إننا نشتمه
وأهو الراجل طلع من هدومه بسبب النقد الكتير
:)

Sarah Daw
هو مش مجرد كوبي من اللي بيقلدهم
هو بينقل أو بيقتبس بتصرف
ولكن لما يحب يقتبس المفروض يقتبس من حاجة مش ظاهرة لكل الناس وضوح الشمس
زي أغنية سواى لدين مارتن
أو صورة ايجلاسيوس

كروانه
مع احترامي لرأيك
ولكن تامر حسني يتميز عن عمرو دياب في الآتي
شكله متميز ومش شبه حد ولا بيقلد شكل أي حد
كلمات اغانيه والحانه مش بينقل من حد
هو اللي بيألف ويلحن في اغلب الأحيان
ولكن فعلا فيلمه مش حلو
يعني كفايه عليه انه يغني
عمرو دياب زي ما قلت قبل كده بقى عشرة عمر
الناس اعتادت على وجوده في الساحة
وأصبح له تاريخ
ولكن مينفعش نقارن بينهم لأنهم من جيلين مختلفين

خالص تحياتي

تامر حسين said...

مع الاسف ان العيب مش في عمرو العيب علي مديرين اعماله كمان لان مع الاسف هما بيسرقو وهو في البطيخ ولا متابع ولا منيل
هنا يخططو وهو يمشي
انما لو كان هو فعلا متابع البوسترات وعارف ان انجريكو متصور كده مفتكرش انه كان هيوافق
بص يا عمرو متخدش زمنك وزمن غيرك انت كده خلاص بخ
فوق بقي وتابع الي حوالك واسمع شويه ومفتكرش انه عبيط لدرجه انه يسرق اغنيه سواي
الي الصغير قبل الكبير عارفها
بطييييييييخ اوي يا عمرو
تحياتي

ياسر حسين said...

تامر حسين
ملاحظة هامة فعلاً
ممكن جداً يكون عمرو سايب ادارة اعماله وشكله وتصوير بوستراته لفريق عمل وأعتقد في ذلك فعلا
وفريق العمل ده هو بيثق فيهم بشكل زائد وهما بالطبع اللي بيجيبوا له افكار البوسترات والاغاني والتوزيعات
ويبدو أنه مش فاضي يتابع بنفسه
وده اللي وقعه في فخ التقليد

خالص تحياتي

مشمش said...

انا في رايي ان عمرو دياب ملك وهيفضل ملك بس موضوع التقليد دي هتاثر علي شعبيتة كتير

تامر حسين said...

عصر الملوك انتهي

ياسر حسين said...

مشمش
فينك يا بنتي مختفية من زمان؟
عمرو دياب ملك؟!!!
ده رأيك
ويمكن رأي كتير من الشباب يحترم
بس موضوع التقليد فعلا ممكن يأثر على شعبيته

تامر حسين
حكاية ملك أو مش ملك
دي آراء شخصية

BaSsMa said...

مع اني ضد التقليد تماما وأكرهه بشدة
بس الحقيقة اللوك لايق على عمرو أكثر

Bird of Alex said...

وما الجديد؟؟
صور إليسا معظمها نسخ من صور جنيفر لوبيز .. حتي موديلات الفساتين
بوستر فيلم شقة في مصر الجديدة نسخة من بوستر فيلم نادين لبكي الجديد
قصة فيلم الشبح نقل مسطره من فيلم ل مات ديمون
فيلم التوربيني نسخه من فيلم راين مان لتوم كروز وداستن هوفمان ولما سألو شريف منير قال بصراحه ما اعرفهوش عمري ما شفته .. مع انه من كلاسيكيات السينما في اوائل التسعينات
وكتير كتير كتير
الفكره تتلخص في أننا أصبحنا غير قادرين علي الأبداع بسبب حاجات كتير
والشعوب لديها خواء ثقلفي ولا تستطيع الاحساس بالزيف
تحياتي

nada said...

عادي يعني ما الناس كلها بتقلد جت على عمرو دياب

انا بحبه جدا كفايا بس اغنيه بعشقها

ايه نسيتوا يا بشر انه كنج الغناء العربي

نسيتوا اغانيه (قصاد عيني ،تقدر تتكلم, ريحه الحبايب,خليك فاكرني،خليك معايا،وماله،تملي معاك.......الخ

ايه دي اغانيه رووووووووووووعه ولا حد قدر يوصل لمرتبته وكل شيئ عنده جديد

سيبتوا ده كله ومسكتوله البوستر

الواحد يفتكر للناس الخير والكويس مش نمسك في بوستر ونقعد نجرح فيه كده

انا بعشقه ...وكل انسان ولازم نحترمه وانت لو مااحترمتش الناس الناس مش هتحترم

كفااااااااايا تجريح في الراجل ياساااتر

ياسر حسين said...

Bird of Alex
عندك حق
واعتذر عن التأخير في الرد
لم أشاهد هذا التعليق إلا الآن
ولم يكن لدي ادارة تعليقات من قبل

خالص تحياتي

ياسر حسين said...

nada
معلش يا استاذ ندا
بس أنا مش بأجرح في الفنان عمرو دياب
أنا بس عرض الصورتين وتركت الحكم للناس
ده غير إن الصورتين مغرقين النت والمجلات

خالص تحياتي

Anonymous said...

اوكي بليز ماحدش يتكلم عن الكنج ابدا ماشي وخدو بالكم ان صوره اجلاسيوس كانت في فيديو كليب مش بوستر لألبوم وبعدين عمرو دياب شغال بشرف من غير حتى مايستخدم اي نوع من الوسائل التافهه عشان يبني نجوميه لانه اصلا نجم من زمان من غير ماحد يتكلم وبعدين اولا وأخيرا حتى لو هو واخد الصوره دي من حلاسيوس ماهو فؤاد واخد بردو بوستره بالملي من بوستر تاني وناس كتير غيرهم والاتنين نجوم اصلا بس تعالو نشوف انسان كده بياخد حتى بوسترات وصور الشخصيه لعمرو دياب ويقلدها
قبل ماحد يعيب الكنج
you are the king of king
AmR dIaB