جميع المواد المنشورة بالمدونة تخضع لقوانين حماية حقوق الملكية الفكرية .. وأي نقل أو إقتباس بدون ذكر المصدر يعرضك للمساءلة القانونية

Sunday, July 22, 2007

الحاسد والحاقد - التدوينة رقم 50


في ظل ما اراه من بعض الناس في حياتي اليومية

تذكرت حدوتة حبيت أحكيها لكم

يروى انه كان هناك ملك استدعى إليه أكثر رجل حسداً في مملكته وأستدعى أيضاً أكثر رجل حقداً في مملكته
وقال لهما تمنوا على .. كل واحد هيتمنى امنية هأعطي التاني مثلها مرتين
يعنى لو واحد تمنى بيت هيعطي للتاني بيتين
ولو واحد تمنى زوجة .. هيعطي للتاني زوجتين .. وهكذا
تفتكروا الحاقد تمنى ايه؟
تمنى أن يفقع الملك له عين حتي يفقع للحاسد عينيه الاثنين
يا ترى وصل لكم قد ايه الحاقد أخطر من الحاسد


وربنا يكفينا جميعاً شر كل حاسد وكل حاقد

29 comments:

Sarah Daw said...

ههههههههههههه

جامد البوست ده

بس أكيد الحاسد مش ح يسكت

أكيد ح يحسد الحاقد على أنه عنده عين

:D

أبولهب said...
This comment has been removed by the author.
koukawy said...

هو انا بسميهم .. الحاقودي و الحاسودي
و ربنا يكفينا شر الأتنين يا رب

ايوية said...

ربنا يكفيكم ويكفينا شر الحاسد والحاقد

كروانه said...

ده الحقود ألعن من الحسود
أهو الحسود ممكن تصرف شره بقراءة المعوذتين
بس الحقود بيقعد يخطط ويدبر المكايد
لالحاق الاذى بيك
بوست رائع يافنان

وينكى said...

اعوذ بالله من غضب الله
عارف انا نفسي امسك الملك ده سبب المصايب واقطعله لسانه من الاول
هو اللى ادالهم الفرصه
وقعد يتفرج عليهم عشان يتسلى
عالم فااااااااضيه

مدونة كسبان said...

الحقد مرض
ربنا يشفى كل صاحب مرض

أصبر على كيد الحسود فإن صبرك قاتله فالنار تأكل بعضها إن لم تجد ما تأكله

ياسر حسين said...

Sarah Daw
هو هيلحق يفكر أنه يحسد .. ده هيتعمي

أبولهب
حلو التعليق ده ... ملعوبة

koukawy
أنتي بتدلعيهم كمان
:)

ايوية
آمين

كروانه
فعلاً الحقود بيتفنن في الاذى
ومرحبا بيك في كارتونيا

وينكى
تصوري فعلاً السبب في الحدوتة دي الملك
بس كويس علشان توصل لنا الحكمة
اللي في الحدوتة

مدونة كسبان
حبيبي أبو جودة
بيت الشعر ده في الجووول
أحييك عليه

خالص تحياتي وشكري للجميع

Mirage said...

هو مثل جامد قوى

بس تعرف ايه الفرق بين الحسد والغبطة ؟

دى حاجة خدناها زمان فى المدرسة بشوفك فاكرها ولا لأ

شيماء الجيزى said...

ربنا يكفيك شر كل حاقد

وكل حاسد

تامر حسين said...

ياساتر يارب ربنا يبعد عنا ولاد الحرام
بص يا اخي العزيز انا دائما حاطط امامي قاعد جميله جدا
وراء كل رجل ناجح اثنان
حسود وحقود

حقود السياره ههههه
تحياتي

ياسر حسين said...

Mirage
ولو أني سايب المدرسة من 18 سنة
ومش بأحب حد يمتحني
ومش فاكر اصلا أني أخذت الفرق بينهم في المدرسة لأختلاف المناهج كل سنة عن اللي قبلها
بس ممكن أقول لك
أن الحسد تمني زوال النعمة عن الشخص المحسود
والغبطة لانتمنى زوالها بل نتمنى أن نكون مثل صاحب النعمة في نعمة مثله

شيماء الجيزى
أشكرك على دعاءك
وإياكم

تامر حسين
اللي يجنن بقى سواء ناجح ولا مش ناجح بقى الواحد بيتكعبل في الاتنين دول

خالص تحياتي للجميع

مشمش said...

ربنا يكفينا شر الاتنين

Mirage said...

ايه الجمال ده

طب مانت كويس اهو

:)

امال ايه بقى سايب المدرسة والقصص دى

اشطة عليك

صباح الفل

Anonymous said...

بوست جامد موت
ديما الحكايات القديمه بتعبلر عن حاجات عميقه بس ببساطه و ديما نقول هى الدنبا فيها كده و يطلع فيها اكتر من كده بكتيييييييييييييييييييييييييير
ربنا يرحمنا
some one

وينكى said...

حفلة ايامنا الحلوه يوم الجمعه 27 يوليو الساعه 8:30 فى ساقية الصاوى
اكبر تجمع بلوجرى
اوعوا يفوتكوا
Blogger Radio Station

Amany said...

حلوة اوى قصة بسيطة لكن عميقة


وللاسف هى دى الحقيقة

semsem said...

الصورة معبرة جدا

ومن شر حاسد اذا حسد

ياسر حسين said...

مشمش
آمين

Mirage
صباح الورد

some one
وما خفي كان أعظم

وينكى
إن شاء الله هأبعت من ينوب عني ويحضر الحفلة

Amany
مرحباً بيكي في كارتونيا
القصص القديمة مليئة بالحكم

semsem
الصورة مش جديدة بس تم توظيفها لخدمة الموضوع

خالص تحياتي للجميع

R.O.U.R.O.U. said...

دي اول زيارة على المدونة الروعة دى
بس توحفة البوست دة
بس لو السواد الى جواه الناس يتشال كلنا حانرتاح
ياااااااارب

عاليا حليم said...

هاهاهاها يا نهار أبيض ما أكثرهم الناس الى بالنوعية دى، بس باقولك أيه الأحسن أننا ما نعملش أعتبار لحد فيهم ونخليهم يتمرعوا زيادة

مبروك الموقع يا فنان :)

Sharm said...

السلام عليكم

انت واحد من اثنين اختارهم شارم ليمثلوا بلادهم في مدونة (مدونوا العالم المتحدين ) و التى يمثلها اكثر من 30 مدون من حوالي 20 دولة من كل قارات العالم و هي اول مدونة عالمية على بلوجر
تم اختيارك بناء على دراسة اجراها شارم لمدة شهرين لمدونات تفيد القارئ و تقدم الفكر المحايد و تسمح لوجود الاختلافات في وجهات النظر على صفحاتها
وجودك معنا يشرفنا
في حالة الموافقة يرجى ارسال ايميل الى العنوان التالي خلال
sharm_lover@hotmail.com
يحمل اسمك المستعار و سنك و اسم مدونتك و ايميلك و سيتم ارسال الدعوة الخاصة لدخول مدونة (مدونوا العالم المتحدين )حتى تتعرف على اعضاءها و اهدافها الذي يتقدمه اثبات ان اختلاف لغاتنا و اعراقنا و دياناتنا و توجهاتنا لا يعنى ابدا بعدنا عن بعضنا البعض او كراهيتنا لبعضنا البعض و اننا يمكن ان نجعل عالمنا سعيدا اذا استطعنا سماع اراء الاخرين التى تعبر عنهم و قول اراءنا التى تعبر عنا

شارم

raghda safwat said...

يا خبر اسود
ده ايه الحقد ده
هههههههههه
لا حلوة
بوست خفيف اوى و عجبني

ياسر حسين said...

R.O.U.R.O.U.
مرحبا بيكي في كارتونيا
السواد موجود ولكن الخير ايضاً موجود
بعض الناس جواها سواد
بس الناس اللي جواها الخير أكتر
وده من رحمة ربنا بالعباد

عاليا حليم
بالفعل انا مش عامل لهم اعتبار
والبوست ده رسالة لفضحهم أمام أنفسهم
ده لو الحقودين اصلا عندهم شعور وبيحسوا على دمهم وبيتعظوا من الحواديت دي
:)
الله يبارك فيكي بس أدعي لي الموقع يكمل

Sharm
أشكرك يا عزيزي لأنك شرفتني بهذا الأختيار
بس لو سمحت سيب لي الوقت للتعرف اكثر على هذه المدونة
وعلى ضوء ذلك أقرر الانضمام من عدمه
ولكن أكرر شكري لأنك فكرت فيا

raghda safwat
مرحباً بيكي في كارتونيا
وإن شا الله دوماً بوستات المدونة تعجبك
:)

خالص تحياتي وشكري للجميع

الصقر الجارح said...

ههههههههههههه
حلوه اوى بس الاكتر منها بقى لما الحاسد والحاقد هما يستلمو واحد واتفرج بقى
اذا كان فى بعض عملو كده امال لو ركزو على واحد هيعملو فيه ايه

koukawy said...

فينك و فين بوستاتك

ياسر حسين said...

الصقر الجارح
دول لو ركزوا على واحد ممكن يقتلوه

koukawy
أنا موجود
على فكرة أنا بعثت لك صورة كيرو
لعرضها بشكل أفضل عندك

خالص تحياتي

BaSsMa said...

حلوة الحدوثة
;)
على فكرة الحقد ده بيكون بإرادة الواحد يعني بيبقى عارف وحاسس انه بيحقد على حد
انما الحسد ده مش بالايد انت ممكن تحسد حد من غير ماتقصد
يبقى الحقد اكيد ألعن وأخطر

Anonymous said...

كلام جميل جدا

ونصيحة اجمل

وفعلا فى فرق معروف بين الحاقد والحاسد

الحاسد يحسدك على حاجة حلوة ممكن حسده يأثر وممكن لاء

لكن الحاقد بيكون كله غيظ وغضب على الحاجة دى

ومش بيرتاح الا لما يحصل عليها


شكرا ليك يا فنان